(မဖြစ်သေးပါဘူး ဆေးထပ်စစ်ဖို့လည်း နီးလာပြီ ၊ ဒီအတိုင်းဆိုရက်ချိန်းမြန်မြန်ယူမှဖြစ်မယ်)
ယွန်းလေးသည် အိမ်ရောက်တာနဲ့ အရင်လိုတုနှိုင်းမောင်ကားတံခါးဖွင့်ပေးတာကို မစောင့်ဘဲ ကိုယ်တိုင်ဖွင့်ကာဆင်းသွားသည် ။
"မင်းသမီးလေးပြန်လာပြီ ဘာစားချင်လဲ ကြီးမြဘာလုပ်ပေးရမလဲ"
အန်တီမြက ရယ်လျက်မေးလာတော့ ယွန်းလေးက ခေါင်းလေးရမ်းရင်း
"ယွန်း မစားတော့ဘူးနော် ကြီးကြီးမြ"
ပြုံးသည်ဆိုရုံလေးသာပြုံးပြ၍ ပြန်ဖြေကာ အပေါ်ထပ်တက်သွားသည် ။ တုနှိုင်းမောင်နောက်ကနေလိုက်သွားတော့ ၊ ယွန်းလေးက အခန်းထဲက မွေ့ရာထက်တွင် ခွေခွေလေးဝင်အိပ်နေသည် ။
"သမီးလေး"
တုနှိုင်းမောင်ဘေးနားလေးဝင်ထိုင်လျက် ခေါ်လိုက်တော့ လှည့်လာရင်း ၊ တုနှိုင်းမောင်ပေါင်ပေါ် ခေါင်းလေးတင်ကာ အိပ်လာလျက် ။
"ဖေဖေ"
"ဗျာ"
"ဖေဖေ ယွန်းကိုချစ်လားဟင်"
အရင်ကလည်း ယခုလိုမေးဖူးတာကြောင့် အထူးအဆန်းလုပ်၍မေးတာမဟုတ်ပေမယ့် ၊ ဒီတစ်ခါမေးတာက တုနှိုင်းမောင်စိတ်ထဲ ဘာလို့မတူသလိုခံစားနေရတာလဲ ။
"ချစ်တာပေါ့ အများကြီးချစ်တာ ၊ ဖေဖေက ဖေဖေသဲငယ်လေးကို တအားချစ်တာ ချစ်လွန်းလို့တစ်ချိန်လုံးဖက်ထားပြီး အနားမှာပဲထားချင်တော့တယ်"
တုနှိုင်းမောင်အဖြေကို ကြားတော့ယွန်းလေးက တုနှိုင်းမောင်ခါးကို လက်သေးသေးလေးတွေနှင့် ဖက်တွယ်လာသည် ။
"ခဏနေ ဦးဦးတို့ပြန်ရောက်ရင် သဲငယ်လေးအတွက် ရေခဲမုန့်နဲ့ကိတ်ပါလာမှာ စားမယ်မလား"
"ဟုတ်"
တုနှိုင်းမောင်ကျေနပ်အောင်ပြန်ဖြေသည်လားမသိ အရင်လိုတက်တက်ကြွကြွမရှိနေ ။
"အဝတ်စားလဲရအောင်လေ ထဖေဖေလဲပေးမယ်"
"ထချင်သေးဘူး"
"ဒီလိုနေချင်သေးတာလား"
"ဟုတ်"
မျက်ဝန်းလေးတွေ မှိုတ်ကာ ငြိမ်သွားတာကြောင့် တုနှိုင်းမောင်လည်း ထိုအတိုင်းလေးပင် ငြိမ်နေပေးလိုက်သည် ။ ခဏကြာတွင်တော့ အသက်ရှုပုံမှန်လေးနဲ့ ယွန်းလေးအမှန်ပင်အိပ်ပျော်သွားသည် ။
ŞİMDİ OKUDUĞUN
Inversely Proportional(ပြောင်းပြန်အချိုးကျခဲ့သော)-Complete
Romantizmယံုၾကည္မႈကလည္းအခ်စ္ နားလည္မႈကလည္းအခ်စ္ ေပးဆပ္မႈကလည္းအခ်စ္ ခြင့္လြတ္မႈကလည္းအခ်စ္ ဟု ဆိုခဲ့ေသာ္ ေျပာင္းျပန္အခ်ိဳးက်ခဲ့တဲ့ခ်စ္ျခင္းတစ္ခုရဲ႕ အဆံုးသတ္က ဘယ္လိုျဖစ္မလဲ? . . . . . ယုံကြည်မှုကလည်းအချစ် နားလည်မှုကလည်းအချစ် ပေးဆပ်မှုကလည်းအချစ် ခွင့်လွတ်မှုကလည်...
Part - 46
En başından başla
