🏡 Home 🏡
Part-17 (Unicode+Zawgyi)
ကားဆီဖြည့်ဖို့အတွက် ဆီဆိုင်တစ်ဆိုင်ကို ဝင်ခဲ့လိုက် ၏။ Ri ကတော့ နှစ်နှစ်ခြိုက်ခြိုက် အိပ်ပျော်နေတာမို့ မနှိုးတော့ပဲ သူတစ်ယောက်တည်း ကားပေါ်မှ ဆင်းကာ အပေါ့သွားရန် Toilet သို့ ဝင်ခဲ့လိုက်သည်။ ကိစ္စရှင်းပြီးတာနှင့် စက်ပိတ်ထားသောဖုန်းကို ခဏပြန်ဖွင့်လိုက်တော့ Bae ဆီက Missed Call တစ်ခုသာတွေ့ရ၏။ အရင်လည်း အိမ်ပြန်နောက်ကျနေကျမို့ သူ့အိမ်ကတော့ ခုထိ ဘာမှမသိရှာသေးပေ။
Omma ၏ ဖုန်းကို Message တစ်စောင် ရိုက်ပို့လိုက်ပြီးနောက် Ri ရဲ့ Omma ဆီသို့ပါ Message ပို့ရန် Ri ဖုန်းလေးကို ဖွင့်လိုက်တော့ ဖုန်းက Screen Lock ချ ထားတာမို့ သူ့မှာတိုင်ပတ်တော့သည်။ ပထမဆုံး Ri ရဲ့မွေးနေ့ဖြစ်တဲ့ နံပါတ်တွေကို ရိုက်ထည့်ကြည့်လိုက်တော့ Wrong Password ပြနေ၏။ စိတ်ထင်သည့် နံပါတ် သုံး၊ လေးခုကို ရိုက်ထည့်ပြီးသည့်နောက်တော့ သူ့ဘာ သာ စိတ်ကူးတွေယဥ်ပစ်လိုက်ပြီး သူ့မွေးနေ့သူ မျက်စိစုံမှိတ်ထည့်လိုက်တော့မှ ဖုန်းလေးက ချပ်ကနဲ ပွင့်သွားတော့သည်။
သူ့မှာ ဘယ်လောက်ထိ ကြည်နူးပျော်ရွှင်ရလဲဆို လက်တွေပါ တုန်လာသည်အထိပဲ။ Ri က သူ့မွေးနေ့ကို ဖုန်း Password ထားထားတယ်တဲ့လား။ ချစ်ဖို့ကောင်းလိုက်တဲ့ Ri။ Ri ရဲ့ဖုန်းမှာတော့ Missed Call တွေ နီနီရဲလို့ပဲ။ Ri Omma ဆီကို စာတစ်စောင်ခပ်မြန်မြန် ရိုက်ပို့လိုက်ပြီးတာနဲ့ ဖုန်းနှစ်လုံးစလုံးကို စက်ပြန်ပိတ်ထားလိုက်ပြီးနောက် ကားပေါ်ပြန်တက်ကာ ခရီးဆက်ခဲ့တော့သည်။
ကားကို ၆ နာရီလောက် ဆက်တိုက်မောင်းလာခဲ့ရတာမို့ Wando ကိုရောက်တော့ သူ့တစ်ကိုယ်လုံး ညောင်းညာလို့နေလေပြီ။ တည်းခိုမည့် Hotel ရှေ့မှာ ကားရပ်လိုက် တော့မှ ဘေးက ကိုယ်တော်လေးက နိုးလာတော့တယ်။ တဝါးဝါး သမ်းဝေနေရင်း မျက်လုံးတွေကို လက်နှစ်ဖက်နဲ့ပွတ်နေတဲ့ ပုံလေးကအစ သူ့မှာ မျက်တောင်မခတ်တမ်း ငေးနေမိတယ်။
'ဗိုက်ဆာလိုက်တာ ခုက ဘယ်ရောက်နေတာလဲ'
Ri က သူ့ကိုလဲ မကြည့်ပါပဲ တစ်ကိုယ်တည်း ရေရွတ်သလိုပြောပြီးနောက် လက်ကနာရီကို ငုံ့ကြည့်ရင်း အ လန့်တကြား ထအော်လေတယ်။
