Elysian Tale: Flare of Frost

Kabanata 9

Kabanata 9.

Flare

Nakipagtagisan ako ng tingin sa kanilang apat. Lihim akong napangisi, hindi ko lubos akalain na mga prinsipe pala sila. Si Frost lang kasi ang nakilala kong prinsipe, kaya nagulat ako nang matuklasan kong prinsipe rin pala mula sa iba't-ibang kontinente ang tatlong 'to.

Habang inaalala ko kung paano ko sila nakilala at kung paano ko sila tinrato ay natatawa na lang ako. Kaya pala tanong sila nang tanong kung talaga bang hindi ko sila kilala. Natural, hindi ko sila kilala. Hindi naman ako pinanganak para kilalanin sila, at mas lalong wala akong pakialam sa mga dugong bughaw na gaya nila.

"I saw you earlier, Flare. You have the Fire Medallion." wika ni Grachelle. Wala akong naging reaksyon sa sinabi niya. Totoo man na nasa akin 'yon kanina pero wala na ito sa mga kamay ko ngayon.

"Are you still going to deny it?" Tinaasan ko ng kilay si Aerus. Kanina ko pa napapansin na titig na titig siya sa akin at kulang na lang ay matunaw ako sa paraan ng pigtingin niya sa akin. Bukod doon ay nakangisi pa ito't parang napapantastikuhan siya sa bawat salita at reaksyon ko.

"Why don't you just strip me naked to see if I really have that medallion or not." Narinig ko ang paghalakhak niya. Animo'y may sinabi akong panibago sa kaniya't natutuwa siya rito.

"Oh, I would love to do that. But you see, we can't ruin our reputation as a prince. We can't just strip a woman naked in the public. How brave and brute." Napangisi ako. Hindi ko naman sila hahamunin nang gano'n-gano'n na lang nang hindi tinitingnan ang sitwasyon ko.

You can't outsmart a woman like me.

"Well, if you're that desperate to get it from me, then go ahead and strip me." Inangat ko ang magkabilang kamay ko na para bang inaanyayahan silang isa-isang tanggalin ang suot ko.

"Malakas ang loob mong sabihin 'yan dahil alam mong hinding-hindi namin 'yon gagawin, hindi ba?" Binaba ko ang mga braso ko't matamis na nginitian si Lee.

"Ah, what a calculative woman." He said smirking while shaking his head. I can be calculative, manipulative if needed.

"As the Fire Continent's prince, I order you to hand over the medallion to prevent yourself from getting hurt." Lumamlam ang mga mata ko kay Apoy. Oo nga pala, siya ang sinasabing prinsipe ng kontinenteng kinatatayuan ko-prinsipe ng lahi ko.

"An order, hmm?" Hindi ko maintindihan kung bakit pinipilit nilang ibigay ko na lang ito sa kanila ng kusa upang hindi ako masaktan. Dalawang rason lang naman ang nakikita ko kung bakit nila ito ginagawa.

It's either they want me to get away lightly because I'm a woman, or they're underestimating me because they think I'm weak.

"Naalala kong sinabi niyong ang mga medalyon ay hawak-hawak ng mga Top Student ng bawat Akademia, at sinasabi niyong nararapat itong mapasakamay niyo upang makuha ang ninanais niyong premyo, hindi ba?" Kinamot ko ang leeg ko habang nakatingin pa rin sa kanila.

"I'm guessing, the price is just a pure bullshit. You know what I mean by that?" Hindi sila sumagot kaya pinagpatuloy ko ang gusto kong sabihin.

"Getting the medallion from the Top Student of each Academy for a price is just a cover up. The truth is, you want to test the Top Students if they are worthy to be admitted to your Institute or not," Napansin ko kaagad ang pagbago ng ekspresyon sa mukha nila.

"Ako naman talaga ang sadya niyo rito. Nais niyo akong subukan kung malakas ba ako't karapat-dapat na maging Top Student, kaya kayo narito upang kunin ang medalyon bilang dahilan. Kung karapat-dapat ako o hindi, nakasalalay sa inyong apat 'yon," Tinignan ko sila isa-isa, at nang dumako ang mata ko kay Frost ay saglit na napakunot ang noo ko dahil taimtim lang itong nakatitig sa akin.