Liars Catastrophe

Liar 36: Sniper

Sorry for all the errors. Hindi ko pa naeedit. Paalis kasi kami. Kaya pasensya na. Anyways, enjoy reading!

Princess Light's POV

Nanatili akong nakatitig sa monitor habang pinapanuod ang nangyayari doon. Walang ibang tao sa lugar kung hindi si Lian at si Philip Evans. Isang kalabit lamang ng gantilyo ay paniguradong sasabog ang ulo nang isa sa kanila. Ramdam na ramdam ko ang tensyon na nangyayari doon. Kitang kita ko ang galit kay Lian. Tila umaapoy ang mga mata niya. Nakapahigpit ng hawak niya sa baril.

Samantalang ang hindi ko maintindihan ay ang kilos ni Philip Evans. Hindi siya ang tipo nang tao na papatagalin ng minuto ang pakikipagtitigan sa isang kalaban. Ngunit, hindi ko akalain na parang nakikipaglaro siya ngayon kay Lian. Lalong lalo na noong sumilay ang ngisi sa kaniyang labi.

Pagkatapos noon ay mabilis ang naging galaw ng kamay niya itinaas niya ang kamay kung saan hawak hawak niya ang baril napigilan iyon ni Lian ngunit bigla na lamang umikot si Philip Evans pagkatapos ay sinipa niya ang kamay ni Lian na nakahawak sa baril.

Sa sobrang bilis ng pangyayari nakita ko na lamang na nasa ere na iyong baril. Agad tumalon si Lian upang kuhanin sanang muli ang baril subalit hindi na niya iyon nagawa noong bigla siyang itulak ni Philip Evans gamit ang kaniyang paa, kaya't halos tumalsik si Lian sa nangyari.

Ngunit hindi sumuko si Lian at mabilis siyang gumanti ng mabilis na sunod-sunod na suntok kay Philip Evans. Nagawa iyong salagin ni Mr. Evans subalit may mga ilang suntok na tumama sa kaniya. Pagkatapos noon ay mabilis na sumirko si Lian upang sipain palayo ang baril na bumagsak malapit kay Philip. Nagtagumpay siya doon subalit may hawak pang isang baril si Philip.

Lian struggled to get the gun, and Philip Evans took the chance to pull the trigger of his gun and shot the location of the camera.

Parang nagising akong bigla noong mamatay iyong monitor dahil sa ginawa ni Philip Evans. Doon ko napansin na napakabilis ng tibok ng puso ko dahil sa nangyari. Napalingon ako sa paligid ko at halos lahat sila ay nabato sa kanilang pinapanuod. Kitang kita ko din sa mga mata ni Gab Gab ang biglang pagliyab ng galit.

Walang ano ano ay bigla siyang tumakbo paalis ng silid na ito, at sinundan agad iyon ng napakabilis na pagkilos din ni Timothy. Kung titingnan mo parang nag uunahan iyong dalawa pagpunta at pagsagip kay Lian. Samantalang ako ay nanatili sa aking kinatatayuan habang paulit ulit na bumabalik sa isip ko iyong nasaksihan ko.

Kung trenta minutos ngang huli ang nakikita naming footage ay hindi ko na alam kung makakaligtas pa si Lian sa mga aksyong ginawa ni Philip Evans. He's showing no mercy and his moves are agile and powerful. Kung iba ang kalaban ni Lian ay nasisiguro kong natapos na niya ang laban kanina pa, pero ang walang kapantay na karanasan ni Philip Evans ang matinding kalaban niya.

Napayukom ang kamao ko at mabilis na lumipad ang isip ko kung paano ako makakatulong sa nangyayari. Tiningnan ko isa isa ang mga tauhan na naiwan sa kwartong ito. Wala pa ding nakilos sa kanila dahil sa pagkabigla.

"Proceed with your actions now!" Mapagbatang sigaw ko kaya't natauhan silang lahat at mabilis na kumilos upang ayusin ang nasirang mga teknolohiya na kinailangan namin. Nagbigay din agad ako ng mga utos sa kanila dahil magsisimula kaming muli sa una.

"Track the location of Lian Valle. Contact the Supply Unit and ask them to distribute the specialized shades. Try to retrieve all the datas and everything that the traitors hacked. Make a new intel and preparations. I want all of it in one hour!" Madiing pahayag ko at mabilis na kinuha ang salamin na nasa bag na nasa gilid ng aking baiwang.

Agad ko ding kinuha ang baril na nandoon at mabilis akong tumakbo papunta sa isang silid. Sinipa ko agad ang pinto noon at saka ako pumasok. Lahat ng maaring makatulong na sandata ay kinuha ko. May mga lason din akong inilagay sa mga bulsa ko.