RELENTLESS LOVE ✔️

Forty

Saturday morning. Inayos namin ni Ezq sa dalawang suitcase ang mga damit na dadalhin namin sa pagbabakasyon kasama ng family ko. Dapat kagabi pa namin iyon ginawa pero may iba kaming pinagkaabalahan.

Lumabas na kami. Terno ang mga suot namin: light blue polo shirt at white pants. Pareho din kaming naka-shades at boat shoes.

Inilagay niya ang mga suitcase namin sa Ferrari. Less than an hour later, narating namin ang Manila Yacht Club. Nandoon si Harvey, naghihintay sa amin. Ibinigay sa kanya ni Ezq ang susi ng Ferrari para ma-drive niya pabalik sa house.

"By the way, may mga gawang ice cream sa kitchen ni Sophie. Ihatid mo ang mga iyon sa ice cream parlor niya mamayang hapon," bilin ni Ezq.

Kitchen ni Sophie. That made me smile. Ang tinutukoy ni Ezq ay ang kitchen sa bahay niya na pina-convert niya para maging gawaan ko ng ice cream.

"No problem, Mr. Delhomme," sabi ni Harvey.

Pinuntahan na namin ni Ezq ang family ko minus Kuya Darion. Hindi sumama si Kuya Darion dahil hindi siya mahilig sa mga ganoong lakad. Napaka-introvert talaga niya.

Naroon na rin si Britanny, katabi si Kuya Danny. They were all getting ready to board Kuya Danny's yacht, kami na lang ni Ezq ang hinihintay nila. Namangha ako sa yacht ni Kuya Danny sa marina. It was so sleek and modern looking. Kulay black and white iyon.

"It's a Viking 75 Motor Yacht," sabi ni Ezq. Hindi na ako nagulat na may alam siya sa boats dahil exposed siya sa luxuries. Baka nga may yacht rin ang daddy niya.

"Kuya Danny, you said small lang ang yacht mo? That's not small!" sabi ko.

"Maliit 'yan kung itatabi sa superyachts ng mga billionaires, sis," sabi ni Kuya Danny. Ang ganda ng katwiran niya. Wala namang may superyacht sa Pilipinas.

Nag-board na kami. Ipinakilala kami ni Kuya Danny sa captain at crew niya, then inilibot niya kami.

"It's gorgeous, Daniel!" bulalas ni Mommy.

"Glad you like it, Mom. Akala ko papagalitan n'yo ako na bumili ako ng ganitong laruan," sabi ni Kuya Danny. Talagang laruan lang sa kanya ang yacht niya?

Boys and their toys. Sheesh.

"Mom, Dad, kayo na ang gumamit ng isang VIP stateroom."

"Thank you, Daniel," Mommy said, beaming.

"Kami ni Ezq ang magshe-share sa isa pang VIP room. Brit, Sophie, I hope okay lang kayo sa ordinary room. Pareho naman kayong babae. Maliit lang kayo kaya magkakasya kayo sa bed kung gusto n'yong magpahinga habang nagku-cruise tayo. Kuya Deagan will use the last room. Ganoon na rin ang magiging sleeping arrangements natin pagdating natin sa villa na tutuluyan natin sa Puerto Galera. Apat lang din kasi ang bedrooms doon. Sina Mommy at Daddy ang mag-o-occupy sa master bedroom."

Hindi makapaniwalang tiningnan ako ni Ezq. What? nabasa ko sa nanlalaking mga mata niya. Magkaiba kami ng tutulugan? He surely wasn't expecting that. Ang ine-expect kasi niya, magkakasama kami sa buong duration ng bakasyon namin.

"Sophie," nagbabantang bulong niya. Shoot. He was mad.

"Later," bulong ko rin. Bakit kasi nakalimutan kong sabihin sa kanya ang napag-usapan namin ni Brittany sa text kahapon?

Pagkalagay ng mga gamit namin sa cabins, umakyat na uli kami sa teak deck. Nagsisimula na kaming umalis sa port.

"Wow," I exclaimed. Nang tingnan ko si Ezq, napakasama pa rin ng mukha niya at batid ko na dahil iyon sa inaakala niyang si Kuya Danny ang makaka-share niya ng room.