Give In To You (GLS#3)

Kabanata 48

Kabanata 48

Beau's Father

Nanatili lamang siyang tahimik sa aking tabi. Nakikipag usap sa ilang kakilala ko tuwing tinatanong. Hindi na rin ako nagtangka pang sumayaw. Nanatili ako sa sofa at nakipag usap na lang sa mga kaibigan ko tungkol sa trabaho.

Logan stayed beside me for an hour. I wonder if he's bored. Hindi niya gaanong kakilala ang mga narito. Uuwi na ako, pagkatapos ng tatlumpong minuto pa.

"So you two..." sinipat ng isang kaibigan namin si Logan.

I know what she meant. Kahit na hindi niya na tapusin pa ang pangungusap kaya maagap akong umiling.

"No... No..." sabi ko sabay kuha sa cocktail drink at umiling.

"Oh! Naguguluhan kasi ako..."

Bumaling ako kay Logan na tumayo at may sinalubong. Hindi siya nakikinig sa aming usapan dahil abala din naman siya sa pakikipag usap sa kay Anjo at sa kay Architect Philipp na kakarating lang.

"Ang akala ko, sila ng kapatid mong si Katelyn Cayetano?"

Nagkibit lamang ako ng balikat. I don't know what's the real score between Logan and Katelyn. Katelyn likes Logan, iyon lamang ang alam ko.

Naagaw ni Architect ang tingin ko. Imbes na ipagpatuloy namin ng kausap ko ang pinag uusapan ay mas pinili kong bumaling sa nag uusap na si Logan at Architect Philipp.

"Hi, Portia!" bati ni Architect sa akin.

"Hello, Architect!" Gusto ko sanang magtanong kung bakit siya narito ngunit nawala ang atensyon niya sa akin nang nag usap sila ni Logan.

Pinasadahan ko ng tingin ang aking mga kaibigan, looking for Tessa and Jade. I have an idea but I want my friends to confirm it. Abala si Tessa sa pagpapakita sa engagement ring na ibinigay ni Lloyd sa kanya samantalang si Jade naman ay hindi ko mahanap kahit saan.

"Porsh, want some beer?" tanong ni Anjo habang nilalapag ng mga waiter doon ang iilang bote ng beer sa aming mesa.

"Hindi na, Anjo. I'll drive and... aalis na rin ako ngayon, it's late."

"Oh! Ang aga mo yatang umalis..."

Sasabihin ko sanang dahil sa anak ko ngunit hindi ko tinuloy. Logan's around. I am not sure if I am ready to tell him or he is ready to hear it yet.

"Pagod kasi ako. Galing pa akong trabaho kanina," paliwanag ko.

Ilang sandali pa ang lumipas bago ko nahanap si Jade sa dancefloor. She's dancing wildly with some guys. Hindi ko na napigilan ang sarili ko at dumiretso na ako kay Tessa. I know I shouldn't ruin this day but I can't help it.

"Tess, look at Jade... I think she's drunk," sambit ko.

Bumaling si Tessa sa aming kaibigan. Umiling siya at tumayo ngunit bago siya tuluyang magpasyang pumunta sa dancefloor ay hinigit na ni Architect si Jade pabalik sa aming mesa.

Nagkatinginan kami ni Tessa. I have a feeling na may kung anong namamagitan sa dalawa, hindi ko nga lang ma pin point iyon. Nag ngising aso si Tessa nang ibalik ko sa kanya ang tingin.

"Hayaan mo na," aniya.

Ngumisi rin ako at tumango. Ilang sandali kong tiningnan si Jade at Architect na mukhang nagtatalo bago ako nag desisyon.

"Tess, I need to go. You know..." I trust that I don't need to explain that one too much.

"O sige..." Nilingon niya ang likod ko.

Sinundan ko rin ng tingin ang kanyang tiningnan. Nagtama ang mga mata namin ni Logan. Nakatingin siya sa akin at mukhang alam niyang aalis na ako. Tumayo siya.