Give In To You (GLS#3)

Kabanata 37

Kabanata 37

Malaya

Umaga ng Sabado ay abala ako sa pakikipaglaro kay Beau. Bumisita si Clyde at Kier nang nagtanghali kaya mas dumami ang kalaro niya.

"Can I bring him to a children's party, Porsh?" tanong ni Kier.

Ngumiti ako at tumango. Hindi ko nga lang alam kung kakayanin ba ni Kier ang kalikutan ni Beau.

Hinintay nilang dalawa na makabalik si Maja bago nagpaalam para umalis. Parehong may mga importanteng dadaluhang dinner. I didn't ask for details. Lalo na kay Clyde na kung makapag explain ay parang nagtatanong ako.

"It's a business meeting with some clients. Na postpone kasi kagabi kaya ngayon gaganapin. Pagod na ako pero kailangan ko paring pumunta," ani Clyde.

Tumango ako. Well, if it's a business meeting with a girl I hope he knows that I won't mind. Hindi niya na kailangang sabihin sa akin ang buong detalye tulad ng madalas niyang ginagawa.

"Maja..." tawag ko habang pinagmamasdan ang tulog na si Beau.

Dahan dahan kong kinarga ang anak ko. Tumayo si Maja at sumama sa akin sa kwarto ni Beau.

Napagod ang anak ko sa maghapong pakikipaglaro ni Clyde at Kier sa kanya. Nalungkot nga ako dahil napagtanto kong wala siyang kalarong ibang bata. Tanging si Clyde at Kier lamang ang kanyang kalaro.

"Maraming salamat talaga, Maja."

"That's okay. I can't bear mom's continuous naggings every day kaya mas gusto kong dito. And you know I can't get enough of Beau."

Nilapag ko si Beau sa kama. Mahimbing na ang tulog niya kahit alas otso pa lang ng gabi. Naisip kong baka magising siya ng madaling araw. Nakauwi na siguro ako pagkagising niya kaya ayos lang din.

"Napagod ata si baby. Panay ang takbo nila ni Clyde kanina," humagikhik si Maja.

"Oo nga, e. I wonder how he'll react pag may ibang bata. Sa U.S. hindi rin siya madalas nahahalo sa mga bata..." humalukipkip ako at tiningnan ang anak kong tulog na tulog.

"Why don't you introduce him to his cousins. Dalawa ang ka age niya, hindi ba? Lalaki pa ang isa..." Nag ngising aso si Maja. "Kidding. One look and I'm sure Logan's cousins can tell..."

Humalukipkip si Maja at pinagmasdan na rin ang anak ko.

Hindi ko na siya kailangang pagsabihan sa mga gagawin. Besides, hindi ko naman siya iniwang mag isa. Naroon naman si Mary na kaakibat niya sa pag aalaga habang wala ako.

Tumunog ang aking cellphone habang nagdadrive ako. Natagalan ako dahil inisip ko pa kung magpapasundo ako kina Tessa o gagamit ako ng sariling sasakyan. Hindi kalayuan ang pupuntahan namin kaya dapat ay hindi na ako nagdala.

"Nasan ka na? Kumakain na kami," deklara ni Jade.

"Malapit na ako. Paparking na..." sabi ko.

Sa isang chinese restaurant kami kumain sa BGC. Doon pa lang ay tila nagbaga na ang mga pinag usapan namin simula sa mga dating kaklase hanggang sa mga bagong business ventures na naiisip.

"So you're still active in ExPa?" mapanuring tanong ni Tessa sa akin.

"Si daddy ay active parin. After that incident, hindi na nga lang siya pumupunta. Nandyan naman si Kier para mag represent. Kanina niyaya ako ni Kier na magvolunteer ulit."

"Hindi ka ba pinagbawalan ng daddy mo na magvolunteer doon?"

"Walang sinabi si daddy. Anyway, hindi naman kasalanan ng ExPa ang nangyari. It's just bad memories. Siguro mas mabuti na ring maging active muli ako doon para matabunan ang mga alaalang ganoon."