Give In To You (GLS#3)

Kabanata 47

Kabanata 47

Home... Finally

Nanahimik na lang ako. Ayaw kong magsalita ng masama lalo na't birthday ng kaibigan ko. Naiwan si Logan sa building dahil may inasikaso pa siya sa 40th floor. Sumama si Jade sa akin samantalang si Tessa naman ay kay Lloyd.

"He looks miserable," panunuya ni Jade.

"Stop it, Jade, you're making this worst for me."

"He should be, though. May anak siya, at hindi niya alam. I wonder what would happen if he finds out?"

Hindi na ako kumibo. Nanatili ang konsentrasyon ko sa daanan.

"Anyway, about Lloyd's proposal. Dadalhin natin si Tessa sa dancefloor."

Tumango ako. Sinabi na ni Lloyd sa akin iyon pero minabuti kong makinig kay Jade para matigil siya sa pangungulit niya tungkol kay Logan.

"Tapos dadalhin ko iyong cake para sa surprise ni Tessa. Pagkatapos niyang mag blow ng candle, in the middle of the dancefloor luluhod na si Lloyd para sa proposal. So We all have to be in the dancefloor."

Tumango ako. Nagpatuloy kami sa pag uusap tungkol sa mga plano ni Lloyd. Kung saan sila pagkatapos at saan naman ang tungo ni Jade pagkatapos ng party. She refused to talk about it, though. Ang sabi niya ay magtatagal daw siya sa bar.

Tinigil ko ang sasakyan sa parking lot ng pupuntahan naming bar. Nakita ko ang iilang pamilyar na sasakyan. Maraming inimbita si Tessa. Pati rin yata si Lloyd.

Pumasok kami sa loob ng bar. May iilan kaming kakilalang nakasalubong. They told us Tessa and Lloyd isn't there yet.

Pumunta kami sa sofa kung saan naghihintay ang iilang kaibigan namin. Marami kami at nagkamustahan habang naghihintay kay Tessa at Lloyd.

"Kamusta ka na, Portia? Saan ka na nagtatrabaho ngayon?" tanong ng isang college friend.

"Ah! Freelance na lang muna. Ayaw ko ng regular work."

Habang nag uusap kami ay siniko ako ni Jade. Nagulat ako nang lumipat siya sa ibang sofa at nag ngising aso.

Sinundan ko ang tingin niya at nagulat ako nang nakita si Logan na patungo sa aming sofa. Sumalubong sa kanya ang isa sa mga kaibigan naming may ari ng bar. Nag usap sila ng kaonti kaya binalingan ko si Jade at tinapunan ng matalim na tingin. She told him about this!

"Boyfriend mo si Logan Torrealba, Porsh?" usisa noong kaibigan ko.

"Ah! Hindi..." Umiling kaagad ako at ngumiti.

"Portia..." panunuya ni Anjo, iyong may ari ng bar na ito, kung saan din kami unang nagkakilala ni Logan. "It's been what? Three or four years?" Sabay turo niya ng bahagya kay Logan.

Bumaling si Logan sa akin at matapang na umupo sa tabi ko. Umusog ako ng kaonti palayo. Why is he here?

"What is it, Anjo?"

"I said... It's been three or four years simula noong nagtanong siya sa akin kung ano ang pangalan mo."

Hindi ako agarang kumibo. Inisip ko pang mabuti ang sinabi ni Anjo. Nanlaki ang mga mata ni Jade, mukhang may naaalala.

"We were here when you two first met!" ani Jade.

"Yeah! He asked me kung sino iyong sumasayaw." Nag kibit ng balikat si Anjo.

Bumaling ako kay Logan. All this time, akala ko nag research siya tungkol sa akin bago ako nilapitan. Na kilala niya ako bilang anak ni Leoncio Ignacio, kaya niya ako nilapitan.