Give In To You (GLS#3)

Kabanata 8

Kabanata 8

Does It Matter

Walang imik si Logan nang hinatid niya ako sa aking condo. Umuwi rin siya kaagad. He's busy after all. So I did my daily routines again at home. Maaga nga lang akong natulog dahil kailangan naming pumasok kinaumagahan kahit na Sabado para sa proyekto.

Tumunog ang cellphone ko sa tawag ni mommy habang abala kami sa pag de-design. Sinagot ko kaagad ito. Hindi ko alam kung bakit masaya ako at mabilis ang pintig ng puso ko.

"Hello?"

"Portia, kamusta?" ani mommy.

"I'm fine, mom. Ikaw? Nasa opisina po ako ngayon."

"I'm fine too. May trabaho ka pa kahit Sabado?" tanong niya.

"Opo. Busy po kami ngayon." Binitiwan ko ang computer mouse at bumaling sa dingding.

"Na send na kaya ni Logan iyong invites? I'm worried at wala pang nag co-confirm."

Humugot ako ng malalim na hininga at minasahe ang aking sentido. It's about Katelyn's exhibit. "Next month po, mom, 'di ba? I'm gonna send it personally sa Trion, del Fierro, at kay Mr. Rockwell."

"No. No... ask him muna if naibigay niya na ba. Baka mamaya dodoble ang invites, nakakahiya naman. It will make Katelyn's exhibit look desperate for big companies. Sige na. Ask him, hija..."

Tumango ako. "Sige... I'm gonna call him now."

Tumayo na ako para gumawa ng kape habang tumatawag kay Logan. Alam kong nasa ibang bansa na siya ngayon. Mabuti na lang at may mga Application sa phone at agad rumihistro ang numero niya doon. If he's online sa Viber, then I can call him.

He answered my call on the first ring. Hindi ako agad sumagot, dininig ko muna ang kanyang background.

"Hello..." he sounded formal.

"I'm sorry I called. Tumawag kasi si mommy at gusto niyang malaman kung na send mo na ang invites. Don't worry, kung hindi mo pa nase-send, I can send them naman..."

"Naibigay ko na. All the companies agreed so don't worry about it."

"Logan..." isang malambing na boses ng babae ang narinig ko sa kabilang linya.

Natigilan ako sa pag hahalo ng kape. He's with a woman. Is it Anya, his secretary? Sa aking utak ay nailarawan ko kaagad ang mahahabang binti ng kanyang secretary sa lamesa. Uminit ang pisngi ko at bumilis ang pintig ng puso ko.

"The room you got-"

Pinutol ni Logan ang babae sa background, "That's fine, Marina."

"Uh... Okay. Salamat. I'll tell my mom," napaos ang tinig ko bago ko iyon pinutol.

Tiningnan ko ang cellphone ko. Ilang sandali pa akong tumunganga bago ako sumimsim sa aking kape. Napaungol ako nang lumapat ang mainit na tubig sa aking labi. Nakakapaso! Muntik na akong magmura sa paglapag ko ng mug.

So what, right? If Logan's with a girl? Sa aming usapan ay walang dapat ibang babae. But then again... ako mismo ay hindi sumusunod doon. I have Clyde. Sabihin ko man na parang wala rin si Clyde sa akin ay hindi parin maiaalis na nandyan nga siya bilang boyfriend ko.