Give In To You (GLS#3)

Kabanata 32

Kabanata 32

Priorities

Nasa Los Angeles na ako nang nag second appointment sa doctor. Hindi parin ako makapaniwala na may buhay ang laman ng tiyan ko. Hindi ako nagsusuka. Namimili ng pagkain at nahihilo lamang ang sintomas ko.

Sinamahan ako ni Clyde sa doktor. The nurse even asked him if he's the father of my baby. Hiyang hiya tuloy ako sa kanya.

"I'm sorry for the hassle, Clyde," sabi ko papauwi kami sa bahay namin sa Los Angeles.

"It's really nothing, Portia. You know you can always count on me," ngumisi siya at tumingin sa kalsada.

"Thank you so much."

Uuwi si Clyde limang araw mula ngayon. Palagi niya pa nga akong tinatanong kung magiging maayos nga ba ako dito ng mag-isa.

"I'm not totally alone, Clyde..." Panunuya ko sa kanya.

"You are not totally alone always. Pero madalas, oo..."

Ginala niya ang kanyang mga mata sa bahay namin. Hindi lang ako ang nakatira dito. Nandito rin ang Tito at Tita ko pero madalas silang bumabyahe patungo sa ibang state para sa trabaho. Ang mga anak naman nila ay bumukod at nasa kani kanilang mga apartment na.

"I'll be fine. Besides, ang sabi ni tito may kasama ako tuwing aalis sila..."

Kahit na kaya ko naman talagang mag isa, ayaw kong nag-aalala silang lahat. Tinanggap ko ang gusto ni tito na magkaroon ng kahit tagapangalaga o kasambahay tuwing wala sila. Para na rin pag lumaki na ang tiyan ko, may kaaakibat ako sa mga gawain dito. Hindi na ako nag protesta.

"Call me always, okay?" Bakas ang sinseridad sa kanyang tono at kanyang mga mata.

Tumango ako kahit hindi ko gagawin. I don't want to bother anyone. Hindi ibig sabihin na willing si Clyde ay pagsasamantalahan ko na iyon. I will continue being independent. Mismong pinanggagastos ko sa lahat ay sarili kong pera galing sa pagtatrabaho at pagpipinta.

"You should avoid social media, though..." ani Clyde.

Alam ko na iyon at wala rin naman akong balak. Hindi na ako hahanapin ni Logan. Tapos na ang hinihingi niyang paghihiganti. Tapos niya na akong gamitin pero umiiwas parin ako sa mga bagay na maaaring maging dahilan para magkaroon ulit ng koneksyon. As much as possible I want to live peacefully.

Nang umalis na si Clyde ay inabala ko ang sarili ko sa pagpipinta. That is my only outlet. Bukod na rin sa madalas na pakikipag tsikahan ko kay Tessa at Jade na nasa Pilipinas, wala na rin akong ibang ginagawa.

When I finished some of my paintings, kahit na di sadya ay may naibenta ako. Pagkauwi kasi nina Tito at Tita galing sa trabaho ay may dala silang mga Canadian na bisita. Ang isa sa mga iyon ay nagustuhan ang dalawa sa naipinta ko. Ginawa ko kasing dekorasyon sa kusina at sala kaya nila nakita. Gusto kong ibigay na lang iyon but they won't accept it. Gusto nilang bilhin ang painting ko so I took that opportunity to earn. Ngayong wala na akong trabaho, makakatulong ang di inaasahang pera sa akin.

"Hindi mo sinabi sa akin, Portia! Bakit hindi mo sinabi? Nalaman ko lang iyon kay Clyde!" Naghihisteryang utas ni mommy.

Nakakunot ang noo niya sa screen habang binabalik balik iyon. Malaki na ang tiyan ko at ngayon niya pa lang nalaman ang aking pagbubuntis.

"I was shocked that Leoncio knew about this! Ang akala ko ay itinago ninyo ni Clyde ang lahat ng ito to surprise us-"

"Bakit naman namin itatago mom?" Ngumiti ako.

"Because I didn't know kaya ko iyon naisip! Nang nalaman kong alam na ni Leoncio, I felt stupid! How could I be so blind! My own daughter is pregnant! Ilang buwan ka ng buntis, hija?"