Fear Thy Pact

Fear 12 : Sympathy for Mr. Manipulator

JILLIANE'S POV

Hindi naman ako masamang tao, Ginawa ko lang yun upang tulungan ang sarili ko. Gusto ko lang namang mabuhay ng naayon sa gusto ko pero bakit ba parati niyang minamanipula ang buhay ko?

Nagpatuloy na lamang ako sa paglalakad habang sinisipa ang batong madaanan ko. Hindi ko maiwasang maalala ang nakaraan ngayong gising na si Finn.

*FLASHBACK*

"Oh my God! Nabasa mo ba yung post ni Finn kagabi?" narinig kong tanong ng isang kaklase ko kay Hailey.

 

"Yeah! Like he's so kawawa! And its all because of that girl!" Alam kong ako ang itinuturo ni Hailey kayat napapikit nalang ako at inihiga ang ulo ko sa armchair ko. Pilit kong sinasanay ang sarili ko ngunit masakit parin.

 

"Teka ano ba yung post ni Finn?" Nina

 

"'Life sucks when the person you love the most doesnt even love you back'" pag-uulit ng kaklase ko sa mga katagang parating binibitawan ni Finn sa harapan ng maraming tao.

 

hindi ko na naiwasang mapaluha. Alam ko na ang susunod nilang sasabihin at wala silang pakialam kahit naririnig ko na sila.

 

 

"Akala mo naman sinong maganda!" Hailey

"Yeah kawawa naman si Finn bakit ba kasi ang manhid ni Jill" Nina

"Sinabi mo pa!"

"Feeler much?" Hailey.

 

 

Nagtatawanan lamang sila habang pinaparinggan ako. Hindi ko na kaya pa kayat tumayo na ako upang pumunta sa banyo. Mas mabuti pang mag-isa ako.

 

Agad akong nagkulong sa isang cubicle. 

Hindi ko maiwasang marinig ang mga usap-usapan ng mga babaeng estudyanteng pumapasok doon. Panay ang chismisan nila at parati akong nasasali sa usapan. Si Finn ang student council president. Isa siya sa mga pinakapopular at tinitingalang estudyante sa eskwelahan kayat halos lahat sumisimpatya sa kanya... lahat galit sa akin..Galit dahil hindi ko magawang mahalin ang lalaking yun.

 

 

*END OF FLASHBACK*

 

Napangiti nalang ako habang pilit na pinipigilan ang pag-agos ng luha ko. Tatlong taon ko ding tiniis yun. Darating ang araw makakaganti din ako sa kanilang lahat....

 

"JILL!" Agad akong napalingon nang may tumawag sa akin at Laking gulat ko nang makitang si Eroll pala...Nakatayo lang siya sa harapan ng bahay namin at mistulang kanina pa ako hinihintay.