Favorite Obsession

CHAPTER 22 - Unexpected Visitor

CHAPTER 22 – Unexpected Visitor

WALANG imik si Virgo habang nag-aagahan siya kasama ang pamilya ni Vixor. Katabi niya si Vixor na walang imik din na kumakain. After their uneventful breakfast, Vixor drive her to the office.

"Baka hindi ako makauwi mamayang gabi." Anito ng itigil ang sasakyan sa labas ng kompanya ng pamilya nito. "May pupuntahan ako."

Virgo got suspicious. "Saan ka pupunta?"

Napatitig sa kaniya si Vixor. Halatang nagulat ito. Hindi naman kasi siya nagtatanong kung saan ito pumupunta kapag nawawala, e.

"Ahm," tumikhim ito. "I have a personal matter to handle."

Tumango-tango siya. "Okay. Ingat ka."

Vixor smiled and kissed her on the cheeks. "Ingat ka rin."

Nang makalabas siya sa sasakyan ni Vixor, kaagad na humarurot iyon palayo.

Sa halip na pumasok si Virgo sa opisina, ibang daan ang tinahak niya. Kagabi, nakapag-isip na siya. Hindi niya aasahan si Vixor. Kapamilya pa rin nito ang gustong manggamit sa kanya para saktan si Lucien. At ayaw niyang mamili si Vixor kung siya o ang pamilya nito ang po-protektahan. That would be unfair for Vixor.

Virgo already decided. Wala siyang ibang mapupuntahan.

Madali siyang nakarating sa distinasyon. Humugot muna siya ng malalim na buntong-hininga bago kumatok sa pinto ng mansiyon ng mga Kallean.

Minute later, the door opened showing the head of the house.

"Good morning. Nandito ba si Lucien?" Kaagad na tanong niya.

Umiling ang lalaki. "Kahapong takip-silim pa siya umalis. May inaasikaso. Bakit?"

Bumagsak ang balikat niya. "Ganoon ho ba? Sige, babalik nalang ho ako."

"No. You can stay and wait for him." Anang ama ni Lucien. "Doon ka sa kuwarto niya maghintay."

Kinagat niya ang pang-ibabang labi at lakas-loob na pumasok sa mansiyon ng mga Kallean.

"Wala namang nagbago sa bahay namin." Anang ginoo na nakangiti. "Pumunta ka nalang sa silid ni Lucien. Alam kung naalala mo pa kung nasaan."

Namula ang pisngi niya sa tinuran ng ama ni Lucien.

"Virgo, huwag kang mahiya sakin." Sabi ulit nito. "I can read your mind so there's nothing to hide."

Nanlaki ang mga mata niya. "W-What?"

"Nababasa ko ang laman ng isip mo." Anito. "At tama ka. Kailangan nga iyan malaman ni Lucien. At oo, welcome kang tumira rito sa mansiyon namin."

Umawang ang labi niya. Sinagot nito lahat ang lihim na mga katanungan ng isip niya! Shit! She has to block him from her mind—

"Don't bother." Lucien's father smiled. "You can't block me. Tanging myembro lang ng Royal Family ang kayang itago ang laman ng kanilang mga isipan."

Walang imik na tumungo lang siya.

"Sige na. Go to Lucien's room." Anito. "Pahahatiran nalang kita ng pagkain mamaya."

Mas mabilis pa sa kidlat na sinunod niya ang sinabi ng lalaki. Nang makapasok sa kuwarto ni Lucien, komportabli siyang nahiga sa kama at ipinikit ang mga mata. She felt like the bed is made for her. Napakasarap kasi niyon higaan. At naamoy din niya ang natural na panlalaking amoy ni Lucien. And somewhat, it made her feel comfortable.

Pinilit ni Virgo ang sarili na makatulog. She need to rest. Hindi kasi siya nakatulog kagabi sa pangambang habang tulog siya ay pag experementohan din siya ng ina ni Vixor.