Favorite Obsession

PROLOGUE - Virgo

PROLOGUE - VIRGO

"VIRGO! You listen to me!" Malakas ang boses na sabi ng kaniyang ama habang naglalakad siya patungong pintuan ng bahay. "Hindi ka aalis ng bahay! Hindi kita papayagan na pumunta sa party na 'yon! Hindi ka ba natatakot na baka umaaligid lang ang stalker na iyon at saktan ka?"

Huminga siya ng malalim. "Daddy, I'm already twenty one. Magiging okay lang po ako. At saka, hindi naman po totoo na may stalker ako. Nasisiguro kong kung sino man ang nagpadala ng mga stolen pictures ko dito sa bahay ay hindi siya isang stalker. Maybe it’s just a prank. You are after all one of the most famous Congressmen in the country. Baka gusto lang kayong sindakin sa pamamagitan ng mga larawan ko."

"Larawan mo na natutulog, Virgo!" Bakas ang galit sa mukha ng ama. "Ibig sabihin nakapasok siya sa silid mo."

Kinilabutan siya sa sinabi ng ama pero hindi iyon sapat para hindi siya um-attend sa birthday ng kaniyang pinsan.

"Baka naman—"

Umiling-iling ito. "Hindi. Sabi ng mga Pulis na mag-ingat ka. Virgo, we already talk about this—"

"I’m still going to that party, dad." Wika niya. "It’s Lea's birthday." Si Lea ay ang pinsan niya sa ina. "Ayokong isipin niya na hindi ko siya suportado sa kaarawan niya."

Her father sighed. "Anak naman e, listen to me. Puwede mo naman puntahan bukas ang pinsan mo. Ipaliwanag mo sa kanya kung bakit hindi ka nakapunta, maiintindihan naman niya iyon."

Umiling siya. "No. I’m going." Binuksan niya ang pinto at mabilis na lumabas ng bahay.

Mabilis siyang pumara ng taxi at nagpahatid patungo sa bahay nila Lea kung saan gaganapin ang Birthday party nito.

Wala sa sariling napatingin siya sa review mirror ng taxi at napasinghap siya sa gulat ng magtama ang mga mata nila roon ng driver. Ang mas ikinakabog ng dibdib niya ay nang makita niyang itim ang nuong mata nito. Wala siyang puti na makita.

Napakapit siya sa gilid ng upuan sa backseat at marahas na ipinilig ang ulo. Baka imahinasyon lang niya 'yon. Sino naman ang taong walang puti ang mga mata. Madilim sa taxi kaya siguro hindi niya nakita.

Para makasiguro, tumingin siya ulit sa review mirror at nakahinga siya ng maluwang ng makitang normal naman ang mga mata nito.

God! Ano ba ang nangyayari sa'kin? She's hallucinating.

Nang makarating sa bahay nila Lea, mabilis siyang nagbayad. Taxi driver's usually hold out their palm for payment, pero ang driver ngayon ay hinawakan talaga ang kamay niya na may hawak na perang pambayad dito.

"M-Manong, b-bitawan niyo po ako." Kinakabahang wika niya.

Tumingin ang lalaki sa leeg niya na para bang may masarap na pagkain na naroon. "Ang bango mo naman, Miss Virgo."

Nanlaki ang mga mata niya ng marinig ang pangalan niya na binanggit nito. "P-Paano mo nalaman ang p-pangalan ko?" Mas nadagdagan ang kaba na nararamdaman niya. "B-Bitiwan mo ako!"

Ngumisi ang lalaki. "Okay, Miss Virgo."

Nang bitawan nito ang kamay niya, mabilis siyang lumabas ng taxi at patakbong tinungo ang gate ng bahay nila Lea. Abo't-abo't pa rin ang kaba na nararamdaman niya. Halos hindi na siya makahinga ng maayos.

Kung nakita lang niya ang mukha ng lalaki, magsusumbong siya sa mga Pulis. Pero madilim sa loob ng taxi. At tanging ang mga mata lang nito at naaninag niya.

Nang makapasok siya sa loob ng bahay nila Lea, doon lang siya kumalma.

"You okay, cousin?" Nag-aalalang tanong sa kanya ni Lea ng makita siya nitong pumasok sa loob ng bahay