Unicode
"Yeolအရင်ပြန်ရင် ပြန်နှင့်လေ ငါက ဦးလေးဂင်မ်ဆီ ဂုံးတွေ သွားပို့အုံးမယ်"
"အွန်း ဒါဆို ပစ္စည်းတွေ ပေးလိုက် ပြန်မှ ကိုယ့်အိမ်ဝင်ယူလေ "
"အွန်း "
လိုက်သွားချင်ပင်မယ့် ပင်လယ်လေရဲ့ အထိအတွေ့ကို နေသားမကျသောကြောင့် လူက အနည်းငယ် အအေးပတ်ချင်နေသည်မို့ ပြန်ဖို့ဘဲ ဆုံးဖြတ်လိူက်သည်။
အိမ်ရောက်တော့ အိမ်ရှေ့မှာ ငုတ်တူတ်ထိုင်နေတဲ့ Kaiကို တွေ့လိုက်ရသည်။မျက်နှာကလဲ ဆူပုတ်လို့....သူ့ကို မြင်တော့ မျက်နှာလေး ဝင်းသွားသလိုပင်....
"Chanyeolငါစောင့်နေတာ ကြာပြီ မင်းကို အကူညီလေး တောင်းစရာရှိလို့"
"အင်း အိမ်ထဲ ဝင်လေ"
Chanyeol လောကွက်အရသာ ပြောလိုက်တာ Kaiက သူ့လက်ထဲက သော့ကို ယူပြီးအိမ်ထဲ ရောက်သွားပြီ။
Kyungsooလိုလူမျိုးနဲ့ Kaiမတည့်တာ မဆန်းတော့ပေ။
"Kai အကူညီတောင်းမယ် ဆိုတာက"
"ဟို...ဟိုလေ...Kyungsooဆီ ဖုန်းဆက်ပေးပါလား"
"ဟင်...Kai တစ်ခုခုများ ဖြစ်လို့လား"
သူပြောတော့ Kaiက သက်ပြင်းချသည်။
"သူငါ့ကို စိတ်ဆိုးသွားလို့ကွ.....အဲ့တာ စိတ်ထဲ ခုလု ခုလု ဖြစ်နေလို့ သူ့ကို ပြန်ချော့ရင်များ နေလို့ ကောင်းသွားမလားလို့"
Chanyeolဘုရားတမိလိုက်သည်။Kaiက နယ်ဘက်ကမို့ စကားပြော ပွင့်လင်းသည်။သူပြောသည့် စကားကို သူနားလည်သည့်ပုံမပေါ်....ဘယ်နှယ့် ရည်းစားတွေ ရန်ဖြစ်သလို ကြီး ပြောနေတယ်...
"သူ့ကို မင်းက ဘာလုပ်လိုက်လို့ သူကစိတ်ဆိုးသွားရတာလဲ"
"သူမပြန်ခင်က ရေညှိတွေ လာဝယ်ရင်း ငါနဲ့တွေ့တာ အဲ့မှာ ငါကိုက်လိုက်မိတာ သူ့ပါးကို.."
Chanyeol ပြောစရာ စကားပင် ပျောက်သွားသည်။
ဘယ်လိုဖြစ်လို့ Kyungsooပါးကို သွားကိုက်ရတာလဲ...
"ငါကြည့်ရင်း အသဲယားလာလို့ ကိုက်လိုက်မိတာ အဲ့တာ ငါ့ကိ စိတ်ဆိုးသွားတာ"
သူအတွေးကို သိနေသည့်အလား Kaiက ဖြေရှင်းချက် ထပ်ပေးသည်။အဲ့နေ့က ရေညှိထုပ်တွေနဲ့ မျက်နှာကြီး နီရဲစွာ ပြန်ရောက်လာတဲ့ Kyungsooမျက်နှာကို ပြန်မြင်ယောင်ကာ ရယ်ချင်လာသည်။သူတွေးမိတာ နေမကောင်းလို့ မျက်နှာနီနေသည် ထင်လို့ ဆေးပင်တိုက်လိုက်သေးသည်။
