Falling with a Bartender (GL)

Chapter 40

"Ito na 'yon? Ito na ba 'yong ipinagmamalaki niyong school fair? Ang boring naman saka ba't ganyan ang mga decorations, ang cheap," panglalait ni Kale. Kararating lang nito sa dating university na pinapasukan. "Buti pa doon sa Henderson, ang e-expensive tapos ang gaganda ng decorations 'pag may event. May free foods pa unlike dito, ang init init tapos puro pawis ang nakukuha ko. Do'n naka-aircon pa."

"Aba aba naman Nix, umaarte ka na porke't nakaramdam ka lang ng ginhawa doon. Lumalait ka na porke't taga-Henderson ka na. Parang 'di marunong lumingon sa pinanggalingan ah! Pinaghirapan namin 'yan tapos ikaw yuyurakan mo lang! Scholar ka lang naman doon," ganti ni Arian.

"Si McKenzie pala dude, sa'n siya? Yayayain ko sa marriage booth mamaya," ngiting-ngiting sabat naman ni Troy sa dalawa.

Bigla namang namroblema si Kale. Simula nang nangyari sa kanila ni McKenzie sa penthouse nito ay 'di na siya pinapansin nito.

"Hindi ko alam eh. Bakit? Nandito naman si Yan. Naghahanap ka pa ng iba."

"Hoy Nix! Maghunos-dili ka nga! 'Wag na 'wag mo kong ipapares sa unggoy na 'yan! 'Yan ang bagay na 'di katanggap-tanggap!" OA na reaksyon ni Arian at hinampas sa balikat si Kale.

"Try mo ngang kontakin ulit dude. Wala naman kayong pasok 'di ba kasi nandito ka. Dali mo dude, sayang din eh," pamimilit pa ni Troy sa kaibigan.

"Wala nga akong cellphone. 'Di ko rin alam ang number niya."

"Kenzie, can we just go back? What are we doing here ba? Mas bet ko sa university mo. Wala bang malapit na aircon here sa labas? Baby, you have fan? Keep me cool, so hot here."

Sabay-sabay silang napalingon sa maarteng boses na 'yon.

"McKenzie!" masayang sigaw ni Troy habang masaya ring nakatingin si Arian sa mga ito.

'Di rin naman maitago ni Kale ang saya sa loob niya dahil nakita na ulit niya si McKenzie. Masaya man ay 'di niya ito ipinahalata. Nakahinga na siya nang maluwag.

"Kale, wazzup? Anong meron dito ngayon? Kaya pala nagyaya si Mc, nandito ka. Gusto mo? Foodtrip kamo tayo!" panunukso ni Silver kay Kale habang inaalukan nito ng Mang Juan chicken skin ang huli.

Tumango lang si Kale at tinanggihan ang alok ni Silver. "Busog pa ako. Buti naman at dumating na kayo."

Nagpaalam muna si Silver na bibili ng pagkain.

Naiwan siyang mag-isa habang busy naman sa pakikipag-usap ang iba.

Kausap ni Reign si Arian habang magkakausap naman sina Troy at McKenzie kasama ang magkasintahang Aubrey at Black.

Alam ni Kale na kasalanan niya ang nangyari kaya 'di siya pinapansin ni McKenzie. Ayaw naman niyang 'di sila okay kaya kahit anong mangyari ay magkukusa siyang lalapit dito.

"Knight," tawag niya kay McKenzie nang makalapit siya ngunit para siyang hangin dito.

"Dude! Dito ka. Gaya ng sinasabi ko sa kanila, may marriage booth dito. Pupunta kami mamaya, sumama ka ah?" sure na sure na sabi ni Troy at inakbayan si Kale.

"Kailan ba tayo magpapakasal, Troy? I can't wait. Ang gwapo mo palang lalo sa malapitan. Kung alam ko lang, edi sana ikaw na lang ang sinagot ko," malanding sabi ni McKenzie at kumapit sa braso ni Troy. Kitang-kita ni Kale kung pa'no nakakaakit na ngumiti si McKenzie habang idinidikit ang sarili nito kay Troy.

Nag-iwas na lang ng tingin si Kale at bahagyang lumungkot ang itsura nito.

"Sure. Kung gusto niyo, ako pa magkasal sa inyo. Pwede naman 'yon 'di ba?" may himig ng sarkasmong tugon ni Kale dito na 'di naman nahalata ni Troy.