Falling with a Bartender (GL)

Chapter 39

Araw ng Sabado, magkakasama ang magkakaibigang Troy, Arian at Kale. Alas-otso pa lang ng umaga ay nasa bahay na sila nina Troy.

"Hey dude, long time no see! Anong lakad natin ngayon?" masayang bati ni Troy habang may dala itong dalawang bote ng san mig light at iniabot kay Kale. Tinanggap naman ito ng huli.

"Ey, dude. Salamat. Si Yan try mong tanungin kung saan niya gustong gumala. Free naman ako ngayon. Kayo ba?"

Prenteng nakaupo ang dalawang magkaibigan habang nakatayo naman si Arian na kanina pa nanlilisik ang mga matang nakatingin kay Troy.

"Nasa'n 'yong akin ha tukmol? Ba't si Nix lang ang binigyan mo?! Aba, bisita mo rin kaya ako!" reklamo ni Arian.

"Wala na eh. Saktong dalawa na lang ang natira. Kuha ka na lang ng tubig diyan sa gripo. Malinis tubig namin, malamig pa," balewalang tugon naman ni Troy at nagpatuloy sa pakikipag-usap kay Kale.

"Gumala na lang tayo, tara na! Ang boring dito sa bahay, wala akong kasama. Saan mo ba gusto dude? Para makaalis na tayo. Mall? Kain sa Jollibee o ano?"

"Wala! Wala! Gusto namin libre 'di ba Nix?" sabat ni Arian pero 'di pa rin siya pinapansin ni Troy.

"Kahit ano saka kahit saan, basta kayong bahala," simpleng sagot ni Kale sa dalawa.

"O sige, mag-mall na lang tayo!"

***

Nang makarating sila ng mall ay kabubukas lang nito at kakaunti pa lang ang mga tao.

"Oh tanga. Anong gagawin natin dito? Sarado pa ang mga tindahan," si Arian na nagpaparinig kay Troy pagkarating nila.

"Kumain muna tayo sa labas. Sa may tabi ng seaside. Gusto niyo ba o sa Jollibee na lang?" yaya sa kanila ni Kale. "Maaga pa naman. Baka nagugutom kayo."

"Alam ko na dude! Doon na lang tayo sa may unli. Samgyupsal, g?"

"Tara," at lumabas na sila habang nakakapit si Arian sa braso ni Kale.

"Welcome to J. Cole's Samgyupsal House! For three persons po ba, sir?" maligayang bati sa kanila ng babaeng waitress.

Kinindatan naman ito ni Troy ngunit mas ngumiti ang waitress kay Kale ngunit in-ignore lang ito ng huli at nauna nang umupo.

"Dude, ikaw na ngang um-order. Mukhang ikaw ang gusto eh," utos ni Troy habang namimili sila sa menu. Sila palang ang customer na naroroon.

"Si Yan na lang. Wala na akong boses saka nagugutom na ako. Wala na akong energy. Yan ha? Ito ang order ko..."

Iniiwasan lang talaga ni Kale ang waitress dahil sa pagpapapansin nito sa kanya. Habang umo-order si Arian ay humilig siya sa balikat nito at nagtulog-tulugan.

"Chibog na! First bite dude!" masayang sambit ni Troy nang mai-serve sa kanila ang mga pagkain. Samu't saring sauce, pork belly, fried chicken, kanin, kimchi, coleslaw, iced tea at marami pang iba.

"Pass dude. Look," at sumubo na siya ng buttered chicken. Susubuan sana siya nito pero inunahan na niya at inginuso niya si Arian dito. Nag-make face naman si Troy na parang nandidiri kaya ito na lang sumubo.

"Hmm, heaven! Ang sarap pala rito. Dito na lang tayo lagi," natutuwang saad ni Kale habang nilalantakan ang coleslaw at hinihintay na maluto ang pork meat.

"Oo dude. First time mo ba? Try mo magluto oh saka grabe nga eh. Parang napipi na 'yong isa diyan. Tingnan mong kumain, babae pa ba 'yan? Akala mo mason-

"Shh! Ang ingay-ingay niyo. Dapat behave lang kapag nasa harap ng pagkain. Gayahin niyo 'ko, tahimik lang, 'di ba Nix?" kunwaring sabat naman ni Arian at hinango na ang nalutong pork meat.