''အချစ်ဟုခေါ်သည်''

Part-13

(Unicode)

ထိုအမျိုးသမီး၏ တဖက်သတ်အပြောများကြောင့်
မနေသာတော့သည် စိမ်း​က ဝင်ပြောရလေတော့သည်။

''ဒီမှာ အစ်မ။အစ်မ စကားပြောဆင်ခြင်ပါ။
ဒီကိစ္စမှာ ရိပ် တယောက်တည်းမှားတာ မဟုတ်ဘူး။
အစ်မ သားက အရင် ရိပ်ကို ရည်းစားစကား
စပြောတာမဟုတ်ဘူးလား။''

''လူပျို အပျို ချစ်တယ်ကြိုက်တယ် ပြောတာ
ဘာဆန်းလို့လဲ ဆရာမရဲ့။ကျွန်မ သားလိုလူက
ကြိုက်တယ်လို့ ပြောတာကိုတောင် ဆက်ဆက်ထိမခံ
ဖြစ်နေရအောင် သူက ဘာမို့လို့လဲ''

''အစ်မအခုလို တကိုယ်ကောင်းဆန်ပြီး မပြောပါနဲ့။
လူပျို အပျိုမို့ ချစ်တာ ကြိုက်တာ မှန်တယ်။
ဒါပေမဲ့ ဒါက ကျောင်း စာသင်ရမယ့်နေရာ။
ချစ်ကြောင်း ကြိုက်ကြောင်းတွေ လာပြောနေရအောင်
လမ်းဘေးက ပန်းခြံမဟုတ်ဘူး''

''ဆရာမ... ဆရာမက သူနဲ့ဘယ်လိုများ ပတ်သက်နေလို့
သူ့ဘက်က ကာဆီးပြီး လာပြောနေတာလဲ''

''ကျွန်မ က ရိပ်ရဲ့ ဆရာမ။ဆရာမ တယောက်အနေနဲ့
ခုလို ကိုယ့်တပည့်ကို တဖက်သက်ပြောဆိုနေတာကို
လက်ပိုက်ကြည့်မနေနိုင်ဘူး။ဒီနေ့ ရိပ်ရဲ့ အမေရောက်မလာဘူး။ အဲ့တော့ ဘာဖြစ်လဲ။ ကျွန်မ ရိပ်ရဲ့ အုပ်ထိန်းသူ
တယောက်အနေနဲ့ အစ်မ နဲ့စကားပြောမယ်''

''ရတယ်လေ ကျွန်မကလည်း ကျွန်မသားအတွက်
ဘယ်လိုမှ မကျေနပ်နိုင်ဘူး။''

''မေမေ တော်ပါတော့။ ဒီကိစ္စ သားမှားတာပါ။''

ဝေယံက သူ့အမေဖြစ်သူအား တားရတော့သည်။
ထိုကိစ္စအား ဝေယံက သူ့အမေကို တိုင်ကြားခဲ့ခြင်းမဟုတ်။
ထို့နေ့ အဖြစ်အပျက်အား မြင်လိုက်ရသည့် ဝေယံ့သူငယ်ချင်းတယောက်က ဝေယံ့အမေအား ပြောပြခဲ့ခြင်းဖြစ်သည်။

''ဒီမှာ ဝေယံ နင်တိတ်တ်ိတ်နေစမ်း ဝင်မပါနဲ့''

ပို၍ တင်းမာလာသည့် အခြေနေကြောင့် ကျောင်းအုပ်ဆရာမကြီး ကိုယ်တိုင်ပဲ ဝင်၍ ​ဖြေရှင်းရတော့သည်။

''ကဲ ဒီကိစ္စနဲ့ ပတ်သက်ပြီး ဆရာမကြီး ကာယကံရှင်
ကလေးနှစ်ယောက် ကိုပဲ မေးပါ့မယ်''

ဆရာမကြီးက ရိပ်ကို ကြည့်၍.....

''သမီး အနေနဲ့ ဒီကိစ္စကို ဘာများပြောချင်လဲ''