ويلكم باك يا حلوين ❤️❤️
التأخير المرة دى كان لأسباب خارجه عن إرادتى
الروايه المفروض كانت تكون في معرض الكتاب والموضوع ده أنا اتكتمت عليه وماكنتش حابه حد يعرفه غير لما يتم عشان كده كنت هوقف نشرها لحد ما أشوف الدنيا هتمشي ازاى والموضوع الحمدلله باظ علي آخر رتوش والحمد لله علي كل حال 😅❤️
ثانياً النت كان فاصل عندى هنا فوق ال3 شهور حرفياً ماشيه بالباقه والباقه ميته وشبكة اورانج زفت الزفت وكنت بتشعلق علي سطح البيت عشان أفتح فيس بس
ثالثاً لقيت الروايه منتشره بكذا اسم ومسروقه وده سبب رئيسي خلانى اوقفها لأن الرواية دى تعب وكفايه إنها أول روايه
رابعاً كان معمول عليا بلاغات من إللي سارقين الروايه علي أساس أنى أنا إللي سارقاهم وفعلاً ماكنتش عايزة انشر حاجه علي الواتباد لحد ما أشوف الأمور هترسي علي إيه والحمدلله الروايات الفيك دى اتمسحت وحابه اشكر إسراء وآمال علي مجهوداتهم معايا في الموضوع ده
خامساً أنا إن شاء الله هاقفل الجروب القديم بتاعى وهفتح واحد جديد اتمنى أنكم تشرفونى فيه وهنشر فيه الروايه وحتى لو حصلت ظروف واضطريت أوقف الروايات علي الواتباد هتفضل مستمرة علي الفيسبوك والجروب ولو وافقتم هنشرلكم لينك الاكونت بتاعي علي الفيس وهاقبلكم عشان اضيفكم
سادسا أنا كاتبه مبتدئه لكن يشهد ربنا أنى مابكرهش كاتبه تانيه أو بتمنى فشل حد لكن أنا اتحاربت وفي كاتبه مشهورة اخدت مجهودى وغيرت فيه حاجات بسيطه وضافته لروايتها وأنا سكت وقلت صدفه لكن توصل إنها تتريق عليا وعلي أسلوب كتابتى في جروبها أنا مش هسامح أي حد غلط في حقي
سابعاً إن شاء الله بكرة في بارتين والرواية هتكون يومياً بس أدعو النت مايفصلش تانى 🥺🥺🥺🥺 وإلا هيجرالي حاجه والله
ثامناً الروايه مواعيدها يومياً معادا الجمعه وهي خلاص قربت تخلص يعنى اسبوع عشر أيام وهتودعو الآردام إللي عذبونا معاهم بقالهم سنه دول 😂😂😂😂😂
سيناء الروح وسماء العشق هينزلو يومياً بعد إنتهاء لهفة قلب عاشق
لصوص ولكن هتنزل يوم الجمعه من كل أسبوع
مملكة الخطايا هتنزل كل اتنين من كل أسبوع
لوسيندا هتنزل كل خميس من كل أسبوع
نوفيلا ثآر الجارحى يومياً عقب انتهاء لهفة قلب عاشق
رواية طيور مغردة كل أربع عقب لهفة قلب عاشق ودى روايه مختلفه عن أي روايه قريتوها في حياتكم
لوسيندا (( هتكون روايه متعرفش الشرير من الطيب لا البطل طيب ولا البطله غلبانه والاتنين جبلات هيعذبونا معاهم هتكون روايه إثارة اكتر من كونها رومانسيه))
سماء العشق (( دى روايتى المفضله وده هتعرفوه لما تقروها++
سيناء الروح لايت كوميدى علي رومانسي علي ساسبينس علي أحداث حقيقيه
مملكة الخطايا الجواب باين من عنوانه
لصوص ولكن هييييييح بقا
انتظروووووونى
لو موافقين علي الجروب اكتبو تم وهنزلكم لينك الأكونت بتاعى
امووواه