الفصل الرابع عشر
لهفه قلب عاشق بقلم سعاد علاء عبادة
كانت مليانه غيظ وعقلها بيفكر في طريقه تنتقم فيها من سليم بقا أسيل زيدان تنضرب وتتبهدل بالطريقة دى
أسيل بشر: هندمك ي سليم ودينى لاندمك
أخدت شنطتها ونزلت ايديها مكسورة مش هتعرف تسوق عربيتها فهتضطر تاخد تاكسي
نزلت من شقة سليم إللي عايشه فيها معاه وبرغم أنها دورت كتير في الشقه علي أي خيط يوصلها بأي حاجة خاصه بسليم إلا إنها فشلت فشل ذريع اكتشفت في الكام شهر إللي عاشتهم مع سليم أنه شخصية حويطه مابيسبش مجال للغلط شخص غامض...ركبت الاسانسير ونزلت ووقفت فترة مستنيه تاكس وفعلاً وقف تاكس وماركزتش إن التاكس وقف من غير ماتشاورله
أسيل وهي بتخرج موبايلها من شنطتها: المقطم
تحرك التاكسي وهي ردت على الفون وقالت: هستناكى في المقطم
سكتت تسمع الطرف التانى وردت بضيق: ماليش فيهتيجى وإلا عليا وعلي اعدائي وماتنسيش إللي معايا ضدك ...وقفلت الفون ورمته في شنطتها
في الناحية التانيه رمت ليان الفون علي السرير وهي بتتحرك في الاوضه بعصبيه : وبعدين ي ليان هتعملي إيه أسيل هتجرك لكارثه ورا كارثه لحد ماهتلاقي نفسك بقيتى نسخه زيها...وقفت قدام المرايه وبصت لشكلها ولمست ملامح وشها وقالت: ليه هو أنتى مابقيتيش شبهها أنتى بقيتى قاتله يا ليان ومش أي حد ولاد أختك يا ترى شيطانك هيوصلك لفين تانى...وباصرار تابعت: لأ أنا مش هسمحلها تاخدنى في طريقها أنا لازم أعترف بنفسي لبابا لازم يعرفوا ومش مهم إللي يحصل بعد كده هستحمل أي عقاب ... وبعدين فكرت تانى وسمحت لشيطانها يتغلب عليها: بس بابا مستحيل يسامحنى لا ده ممكن يقتلنى فيها وبعدين أي يعنى ممكن أرجع آدم لآريام ويخلفوا غيرهم وايه المشكله آلاف الأطفال بيموتوا يومياً عادى جدااا
وابتسمت بثقه واتحركت ناحية دولابها وخرجت لبسها واتشيكت وخرجت....
= طب ماتضحكونا معاكم
كلهم سكتو وبصوله وهو قرب منهم ووقف قدامهم
مراد بصله بتبرم وبعدين تحول التبرم لابتسامه حنونه واخده في حضنه وهو كمان حضن فارس وآسر
مراد بمزح: يعنى لازم نسرق عشان نشوفك
أسر: بمناسبة السرقه يا مارو أنت عملت كده ازاى!؟
مراد بفخر: يواد انتوا جيل خرع لكن إحنا الأصل جيلنا ده ياما عمل
فارس بهزل: أيوه ي عمى مافهمناش برضو ده إيه علاقته بفتح الخزنه
مراد بغيظ: كنت بفتح الخزنه من ورا سيف عشان أختار الشغل السهل في التقسيمه واحطه في ورقي وملفاتى بس الشهاده لله ابوكو دايما يستغرب بس ماكانش بيدقق ابوكو ده جهاز شغل يعنى ماكنه لو اشتغل 24 ساعه عادى
= هههههع وتفتكر يا عمى إن سيف الجارحي ميعرفش
مراد وهو بيهز كتفه بلامبالاه : عارف أنه اكتشف بس هيعمل إيه يعنى
= المهم خدتو الميمورى
فارس وهو بيظهرله الكارت الميمورى وقال بنظرة انتصار: أهو
= ده لازم يختفي ونظهره في الوقت المناسب
بص المجهول لساعته وموبايله رن ورد
= خلاص خليك متابع وعرفنى باللي هيحصل
وقفل وبصلهم وقالهم: كله تمام... أنا لازم امشي دلوقتى وهنتقابل مكان ما اتفقنا
فارس: خلي بالك من نفسك
ابتسم بحنان ومشي بسرعه واختفي زى ما ظهر
وبص التلاته لبعض وركبو عرببتهم ومشيو
(( يا ترى مين المجهول إلياس ولا سليم ولا حد تانى!!!))
أنت تقرأ
لهفة قلب عاشق
Romanceبسم الله الرحمن الرحيم 🌸🌸🌸🌸🌸 آدم وآريام...الماء والنار....الحب والكره...السلام والانتقام....العلاقه وعكسها...عاشوا مابين سلام حبهما وجمال لقائهما وبين نار الماضي وطوفان الانتقام عشق نارى هل سينجو وينجو معهم عشق الطفوله أم سينهارو وينهار معهم ا...
