لهفة قلب عاشق

إقتباس

إقتباس

الملل هيقتلها قاعده بقالها فترة مستنياه عشان يخرجوا زى ما وعدها...حضرت في معادها للشركه بس اتفاجئت بانشغاله في مجموعة اجتماعات مابتخلصش مر 3 سنين علي جوازهم ربنا رزقهم بهديتين هيفضلوا يشكروا ربنا عليهم طول العمر سيف وجيانا ابتسمت في حب لأن ولادها هما كل حياة جدهم سيف الجارحى بقا مايقدرش يعيش من غيرهم وماحدش يقدر يزعلهم ولا يدوسلهم علي طرف حتى هي شخصيا
بصت لساعتها واتنهدت بضيق زقفت مسكت شنطتها وقالت لنفسها: ماشي يا آدم ماشي وربي لأنكد عليك وهوريك واضح إنى كنت متساهله معاك أوى
خرجت برة أوضة المكتب وكانت خارجه لفت انتباهها صوت عالي في أوضة من الأوض والغريب إنها زارت الشركه أكتر من مرة والاوضه دى دايما مقفوله وآدم قالها إن الأوضه دى مغلقه بأمر سيف الجارحى شخصيا وكطييعة آدم ماسمحش ليها تسترسل في الكلام وغير الموضوع استغربت الأصوات دى وفضولها خدها تدخل تشوف أيه إللي بيحصل جوه وفعلا قربت من الأوضه ودار مقبض الباب واتفتح.دخلت اتفاجئت بالضلمه المحاوطاها التفتت عشان تخرج الباب اتقفل وضل شخص واقف قدام الباب قدرت تميز بسهوله ابتسامته الشيطانيه رجعت لورا لحد ما لزقت في الحيطه والخيال ده قرب أكتر وأكتر احد مابقي بيبعد بينهم سنتيمترات بسيطه حست بنفور غريب حاولت تصده وتبعده بس كان زى الحيطه متصلب في مكانه سمعته بيهمس بشر مصحوب بعبث: أنا جيتلك مخصوص والعد التنازلي بدأ وأنتى هتكونى ليا
بضتله بصدمه وخوف وفجأة لما لمحته بيقرب منها غمضت عينيها وأخيرا صوتها خرج وصرخت باعلي صوت
أريام: اااااااااادم
#لهفة_قلب_عاشق«لهفة عشق وعاشقين»
#آدم_وآريام
#سعاد_عباده