منقولة
🌷#اليتيمه توا نبي 2500 تعليق عشان نزلكم الحلقه الاخيره 😍
🌷الحلقة الرابعة والخمسون🌷
"ماقبل الأخيرة 💓"
_________________________________ ✨
وفاتو الأيام عسل في عسل .... مرة قيس كان في الشركه واني نضم في الحوش ... شويا وطق الباب ... ولما فتحت تفاجأت بي الي قدامي ..✨
كان يزن واقف ع الباب ... ونرجس مقعمزة في السيارة
اني:😳 ااا أهلين يزن
يزن: اهلين ميرال اسف ... بس توقعت قيس يفتح قلت خليني اني نطق
اني: ااا لالا عادي
يزن اشر لي نرجس بأنها تنزل : نستأدن منك توا
اني: ادنك معاك
نرجس: حبيبتي شن اخبارك
اني: اهلين ياعمري تفضلي
ركب يزن في السيارة ومشي ... وخشيت اني ونرجس للحوش
اني: كيف عرفتي الحوش
نرجس: يزن امس شافك انتي وقيس خاشين للحوش
اني: اها اي قوليلي شن اخبارك
نرجس: والله تمام ع اساس السبوع الي فات عرسي وحاجزة ومكمله مشي تفركش كل شيء
اني: 😳 كيف تفركش
نرجس: امه تعبت وماقدرش يسافر اطرينا نأجلوه
اني: باهي الحمدلله ع سلامتها كل تأخيرة فاها خيره
نرجس: اي المهم جايه بنعزمك ع عرسي السبوع الجاي انشالله ... طبعا انتي من العيلة عندك التلات الحنه والسهرية والإربعاء مدايرين غدي والخميس الحفله انشالله "ومدتلي بطاقة "
اني خديتها منها: انشالله نشوف قيس ونجي وربي يتتمملكم علي خير
نرجس: انشالله ربي يسمع منك
قعدت نهدرز اني وياها شويا وجاها يزن روحت ... واني خشيت اندير في الغدي طاب طفيت عليه وخشيت ندوش .... لبست شورط رصاصي وكت وردي قمت شعري كله كوده فوق ... وطلعت للصاله فتحت التلفزيون واتكيت .... شويا وخش قيس ..
اني: حبيبي جيت
قيس: قاعد في الطريق
اني: هاهاهاها 😑
طبس باسني ع خدي وخش للكوجينه: خيرك ياعمري شكلك تعبانه
اني: انحس في ضهري ورجليا حاله 😷
شرب إميه وطلع من الكوجينه قعمز جنبي: امت موعدك
اني: السبوع الجاي
قيس: بتخشي في التالت وله
اني: اها مش مصدقة امت يفوتو الشهور 😍 ويقعد عندنا بيبي حلو زي أمه
قيس: زي امه صار
اني: اها وعادي كان جي فيه شبه شويا من بوه
قيس: لالا نبي بنت اني تكون هكي زيك بالضبط ...عيونها سود وكبار ..خشمها صغيرون ..فاها شدوق ... شعرها ديما مشفشف ...هكي كل شيء شبهك
حولت راسي من ع المخدة وحطيته في حجره : انحبك اكتر من كل شيء في الدنيا هادي ... خاطري هكي نشوف صغار صغارنا ... ونشوف بنيتنا وهي بفيلوها.... الله قيس تخيل معاي الموقف😍.... تبدا انت شيباني هكي ههههه وتقعد تنق وماتخليش حد في حاله ... وتلود في الحوش وينك يامكيف ولانبه تسكرهم😂 ...
طبس عليا وحاصرني بيديه: تموتي في حبه الشيباني هدا
قمت راسي وبست لحيته: وهو يموت فيا
قيس: خليتيه عايش علي نبضك
اني: حبيبي بنكلمك في موضوع
قيس يلعبلي بشعري : شنو
اني: امبكري جتني نرجس اخت يزن
قيس فنص : وشن تبي
اني: عزمتني علي عرسها
قيس: لا باركيلها في النقال
اني: شن نباركلها فون قيس خيرك ... اهو حوشهم خطوة
قيس: وفي الحوش زيادة غير احلمي
اني: علاش باهي خيرك ...ماهو قبل تخلي فيا نمشيلها
قيس: قبل ماكنتش نعرف
اني: شن عرفت؟
قيس: شيء خلاص انهي الموضوع
اني نضت من حجره وقعمزت: علاش ننهيه قعدين نتناقشو حني
قيس وقف وهو خاش للدار: سكري الموضوع
اني نضت ولحقته: خيرك نقلبت فجأة
قيس وهو يبدل: ميرال تعبان نبي نتغدا ونرقد
اني قعدت نشبحله وطلعت من غير مانرد عليه .... سقيت الغدي وحطيته .... ورجعت اتكيت في مكاني وقعدت نتفرج ...
طلع من الدار وقعمز : تعالي تغدي
اني: مانبيش كول انت
قيس: تعالي اني قلت مش باهي للبيبي
اني: صار مش باهي للبيبي واني ننحرق
قيس: استغفر الله 😪... تو من قال هكي
اني: انت قبل مايجي وتهتم بيه اكتر مني
قيس: ميرال خيرك هبلتي
اني: معش تكلمني
قيس قام الصفرة وحطها ع الطاولة الي قدامي ... وقعمز جنب رجليا ...
قيس: هي قعمزي اني بنوكلك
اني: قتلك مانبيش
قيس: هيا ياعمري بلا دلع
اني: علاش ماتبينيش نمشي لي نرجس
قيس: هيهي علينا رجعنا لي نفس القصه😪
اني: باهي علاش قولي
قيس: تو خلينا نتغدو مش وقته
اني: باهي امت تبي تحكيلي
قيس: غير تغدي توا وبعدين ساهل
اني نضت قعمزت : وكلني انت
قيس: حاضر من عيوني
وبدي ياكل ويوكل فيا .... كملنا الغدي هو قعد يتفرج .. واني لميت الكوجينه ع السريع ... وخشينا رقدنا ✨
~
~
~
~
~
~
فراس: ساد ياعمري دموع
تسنيم: مش قادرة كيف بنعيش من غيرهم
فراس: مامشوش اخر الدنيا هما ... لما تستاحشيهم نرفعك ليهم ... وهما اكيد من فترة لي فترة يجو
تسنيم: نعرفه بابا اني هو قبل مخليني اني وامي ويجي في الشهر مرة .... لابال توة رفع ماما معاه واني اطمن عليا مش حايرجع تاني😭
فراس: اووس خلاص معش تبكي ... تو اني من فترة لي فترة نرفعك تزوريهم
تسنيم: وعد فراس😢
فراس: وعد ياعيون فراس ... خلاص معش تبكي عيونك ولو حمر
تسنيم: استاحشتهم 😭
فراس: سيمو حبيبي عاد ماليهمش ساعه كانو معاك
تسنيم: باهي خلاص😢 "وقعدت تمسح في دموعها"
~
~
~
~
~
سجى: حبيبي شن تبي انت وليد ولابنيه
وليد: الي يجي من ربي يامحلاه
سجى: انشاءلله ولد
وليد: علاش ؟
سجى: نبي اول عيل ليا يكون ولد ... نبيه يطلع يشبهلك في كل شيء ... شخصيتك ..عصبيتك ..حنيتك .. كل شيء ....
وليد: ياعمري انتي ... انشاءلله غير يجي صحيح والباقي ولد ولابنيه ماتفرقش
الممرضه: سجى جمعه
وليد: هيا عمري دورك
سجى: خش معاي ... نبي نشوف جنس البيبي وانت جنبي
وليد: باهي هي تعالي
خشو للدكتورة ... رقدت سجى ودارتلها جل ع بطنها ... وليد واقف جنبها وشاد يدها ... حطت الجيهاز ع بطنها وقعدت تحرك فيه
الدكتورة: ولد الف مبروك ...
سجى ضحكت ونزلت دمعتها : شوفه وليد كيف يتحرك😢
وليد ضغط ع يدها وهو الفرحه مش سايعاته
كملت الدكتورة شغلها وقعمزت ع المكتب ... مسحت سجى بطنها وساعدها وليد في النزول ... وقعمزو قدام الدكتورة ... قعدت تشرحلهم في حالتها وطمنتهم ع الجنين ... عطتها مقويات وفيتيمينات .... وطلعو من العيادة وهما مش سايعتهم الفرحه ✨
~
~
~
~
~
~
نضت مع العصر لقيت قيس راقد ... خشيت غسلت وجهي وتوضيت وطلعت نوضت قيس ... صليت وطلعت للصاله درت شاهري وحطيت معاه حلويات علي جيه قيس ...... قعمز جنبي صبيتله شاهي وقعدنا نهدرزو ..✨
اني: هي توا احكيلي
قيس: علي شن بنحكيلك
اني: علاش ماتبينيش نمشي لي نرجس ... شن غير رايك كنت ديما نمشيلها
قيس حط طاسه الشاهي وقعد يشبحلي: علاش ماقلتيليش فيه واحد يحبك ومكلمك ... والأخ يكون خو نرجس ... صح ولالا
اني قعدت نشبحله ومستغربه: انت من قالك
قيس: جاوبيني
اني: علاش بنقولك واني موضوعه سكرته من قبل حتى مانرتبط بيك
قيس: بس هو قاعد يحبك ... والمفروض ماتمشليلاش لي حوشه
اني: من لما عرفني تزوجت عمره ماجي في طريقي ولاكلمني .... بعدين اني نحبك انت وكل ولاد العالم مش شايفتهم ولامعبرتهم اساسا .... خليك واثق فيا صدقني عمري مانشوف لي غيرك
قيس قرب مني وخداني في حضنه : واني واثق فيك .... بس مانبيش يزن كل شوي يشوفك ... مانبيش حد يكلمك ولاحتى يشبحلك
اني: بس عيب ... البنت صاحبتي وجت عزمتني ... مايجيش مانمشيلهاش
قيس: امشيلها في الصاله بس ... الحوش لا
اني قمت راسي وشبحتله: حبيبي عاد خليني نمشي حتى يوم الحنه ... اهو الحوش قريب
قيس: الحوش لا ياعمري ...
اني: بس
قيس حطلي صبعه علي فمي: خلاص خلينا نسكروه الموضوع
اني: باهي قولي من قالك انت
قيس: مش مهم
اني: زي ماتبي ... وحطيت راسي ع صدره وقعدنا نتفرجو
~
~
~
~
~
~
فات سبوع وجي عرس نرجس .... مشيتلها يوم الحفله بس .... كانت طالع تهبل وراجلها قنين ... رجعت لي باريس من تاني يوم .... ويزن قعد سبوع في ليبيا بعد العرس ورجع حتى هو ...✨
وفاتو ايام .. واسابيع ... وشهوور ... مشيت للعيادة وطلعت حامل بولد حتى اني ... كان خاطري في بنيه ... بس الحمدلله الي يجي من ربي يامحلاه ... بدينا قرايا اني وسجى وتسنيم ... سجى في الشهر التامن ... واني في الشهر السادس ... وتسنيم ماتبيش لين تكمل قرايتها ... قيس مساعدني في قرايتي وفي الحوش ... أماني معش سمعنا علاها شيء ..... وليد ينق ع سجى يباها ترتاح ... بس هي مسكرة راسها وتبي تقرا ... وهو محترم رغبتها ومساعدها .... فراس حاط تسنيم في عيونه والي تبيه يصير .... الشهر الي فات مشو زيارة لي امها وبوها ... قعدو سبوعين وروحو ...✨
~
~
~
~
~
~
يوسف "راجل نرجس": الو
يزن: اهلين بنسيبنا شن اخبارك واخبار نرجس
يوسف: الحمدلله بس نرجس تعبت شوي وحاليا في المستشفى
يزن:😳 اااه خيرها لاباس
يوسف: التحاليل شوي ويطلعو ... نرجس ألتلي انخبرك
يزن: تمام في اما مستشفى شويا ونكون عندكم
يوسف: رح أبعتلك العنوان في مسج
يزن: تمام
بعتله يوسف العنوان ... بدل يزن ع السريع وطلع بسرعه للمستشفى .... وصل سأل علي غرفتها ... وكيف بيخش والدكتورة طالع من عندهم .... سرع خطواته وخش .... اول ماشاف نرجس مشالها يجري طبس ع راسها وباسها
يزن: هكي خوفتينا عليك شن صار ... الدكتورة شن قالت
نرجس وعيونها معبيات دموع من الفرحه: بتولي خال يايزن
يزن:😍 الف مبروك عليكم .. وربي ينوضك بالسلامه
يوسف ونرجس: الله يبارك فيك
قعد يهدرز معاهم شويا وبعدها نسحب من جنبهم .... طلع من غرفتها وهو بيطير من الفرحه .... مشي خطوتين وسمع صووت عيااط وندييب .... كمل مشيه بعدها حس كأن الصوت يعرفه ... تلفت وشاف مروة ... طايحه ع الأرض وتبكي وتريش في روحها ... والممرضات لافين باها ويحاولو يهدوها ...مشالها يجري ... قعد واقف ويبي يفهم الموضوع
مروة: مستحيييل مستحييل😭😭 ... تكددبوو عليااا انتم 😭😭 ... الصبح كاان تماام ومافييه شييء الصبح 😭
وتبكي وتخبط ع رجلاها وتعيط
يزن قرب منها : مروة خيرك
مرة: مااات ييااااييززن مااات😭😭 ... علاااش مششي وخلاااني علاااش😭😭 ....
يزن نزل وقعمز مقابلها : من هو
مروة تبكي وتخبط ع رجلاها وخلاص .... قرب منها وشد يداها ... حضنها ويحاول يخلاها تهدا .... قعدت تعيط وتخبط في صدره بالقوة .... يشدلها في يداها ويسكت فاها .... وفجأة أغمى علاها وطاحت في حضنه .... قعد يشبحلها وهي بين يديه والدموع مغطيه وجهها .... قامها بسرعه وقعد يجري باها ... خدوها منه الدكاترة ودخولها للغرفه .... قعد يستنى يستنى علي أعصابه وهو مش فاهم شيء ....
يزن: طمنى يادكتور انشالله خير "يتكلم بالإنجليزي"
الدكتور: صايرلها إنهيار عصبي متعرضه لي صدمه قوية
يزن: وكيف حالها توا
الدكتور: تحت تأتير المنوم قعده ... بس لو ناضت ورجعلها الإنهيار يمكن يصير شيء مش متوقع
يزن: باهي شن هو الحل ... كيف نخلوها ماتنهارش
الدكتور: الحاجه هادي علي أهلها ... تبي إهتمام وبعدوها علي اي ضغوط .. ومشي✨
يزن: شكرا
باهي أهلها وين بوها خوتها .... ومن الي مات ... معقولة مافيه حد ... كيف بنتصرف ... استغفر الله .... ومانقدرش نمشي ونخلاها وهي في الحاله هادي
خشلها للغرفه ... لقاها راقده ... قعمز ع الكرسي جنبها ... وقعد يشبحلها ... شن قصتك يابنت الناس .. كيف بندير معاك .. قعد مقعمز ويستنا فاها لين تنوض ... ساعه ورا ساعه يمرو وهي علي حالتها .... طلعت نرجس ويزن قالهم عندي صاحبي مريض .... وفي نص الليل ويزن مقعمز وهو نعسان وعلي وشك انه يرقد .... سمع صوت هاادىء .... صوت مروة وهي تتكلم : "بابا .. بابا ماتمشيش وتخليني .. بابا نمووت من غيرك .. بابا .. بابا "
قرب منها وقعمز ع طرف السرير ... شدلها يدها .. وقعد يمسح ع راسها
يزن: مروة فقتي .. الحمدلله ع سلامتك .. ماتخافيش اني معاك
فتحت عيونها وهي تشوف في يزن قدامها ومش فاهمه شيء : اني وين 😢
يزن: في المستشفى قعدة
مروة: باااباااا لاااا 😭😭😭 .... وييينه ووييينه ... وتحاول تنوض من السرير ...
يزن شدها وهي تبكي وتعيط وتضرب فيه ... ماعرفش كيف بيهداها ... حضنها بالقوة .. وهو يتألم من ضرباتها .... قعد يمسح ع راسها وهو حاضنها بالقوة ... ويتكلم بصوت هادى
يزن: مروة خلااص اووس اهدي انتي توا اهدي
مروة: حوول حوول😭😭 ... خليني انووض خللييني😭😭 .. نبي نشووفه هو اكيد يستناا فيا 😭😭 ... يكدبوو عليااا عارفتهم ... هماا من ويين يعرفووني 😭 ... بااش يقوولو بووك مااات ويبصروو علياا😭😭
يزن: خلاص باهي انتي توا اهدي ... وامسحي دموعك باش نمشو نشوفوه
مروة وقفت علي ضربه : بالحق بترفعني نشوفه😭
يزن: اي بس انتي اسكتي قبل ..
مروة : باهي خلاص اتلقني مش حانتكلم 😭
يزن: امسحي دموعك قبل
مروة: عارفااتك تكدب علياا انت😭
يزن سكر عيونه: كلنا لاها
مروة: لاااا لاااا😭 مستحيييل فيه غللط فييه غلللط 😭 ... مستحيييل يكووون مااات مستحيييل😭😭 وقعدت تعيط وتضرب فيه
خشو الدكاترة بسرعه وضربولها منوم .... يزن يشوف فاها هي تبكي وترقد بالشويا ... تقطع علي منضرها وتفكر بوه ... نزلت منه دمعه مسحها
الدكتور: مش كويس هكي ... حاتتعصب وحاتخش في نوبات عصبيه
يزن: كيف صار بوها كيف مات
الدكتور: دار حادت اليوم ومات وقتي ... اتصلنا باها وخبرناها ... شافة بوها وكان "الدكتور نزل راسه" ... كان في حاله يرتى لاها نص أعضاها إنبترو في الحادت ووجهه متشوه بكل
يزن:😳 لاحول ولاقوة الا بالله ... انتم كيف تخلوها تشوف منضر زي هدا
الدكتور: هي أصرت وخشت بالغصب
يزن: ربي يكون في عونها ويصبرها
الدكتور: ياريت تجي معانا واتم إجراأت المتوفي
يزن: انشالله تفضل
مشي يزن معاه وهو مش عارف شيء ... باهي وين اهلها هما المفروض الي يديرو الشيء هدا ... معقولة ماسمعوش لكن لالا مستحيل ...
كمل إجرأت بوها ... ورجع لي غرفتها ... قعمز جنبها ع السرير وقعد يشبحلها .."ربي يقويك علي ماأبتلاك ... موقف لايحسد عليه .. كيف قدرت تشوف بوها وهو في الحاله هادي ... مقوا قلبك .. ربي ينوضك بخير ... "
قعمز ع الكرسي الي جنبها ورقد ... ناض الصبح لقي مروة قعدة راقدة ... خش للحمام توضى وطلع يصلي وقعد يدعي لي مروة ... كمل صلاته وجي قعمز جنبها ع السرير .... شدلها يدها وقعد يقرا في قرأن ... شويا وخش علاها الدكتور ... شاف حالتها وطلع ... فتحت مروة عيونها بالشويا كانو حممر ومتورمات .... بتتكلم ماباش يطلع صوتها قعدت تكح ... ويزن يقرا في قرأن ويمسح ع راسها
مروة بصوت يادوب طالع : قولي الي شفته مش بابا 😢... قولي اني نحلم ... يزن كلمني 😢
شد علي يدها بالقوة ... حول خصلات شعرها من علي عيونها ... وقعد يمسح ع راسها : خليك هادية .. خلي إيمانك بربي قوي ... ادعيلة بالرحمه ... ماينفعش توا غير الدعاء ...
مروة: نبي نعيط ونبي نبكي ونكسر 😭 ... مانقدرش نقعد هاديه ... كيف تبيني نقعد هادية وبابا ماات مااات😭
يزن: باهي لو كسرتي وعيطي وبكيتي بوك بيرجع
مروة هزت راسها وقعدت تمسح في دموعها
يزن تنهد : الحاله مريت باها وعشتها لما كان عمري 9 سنين
مروة تشبحله وتبكي
يزن: 9سنين ... عمري 9سنين بوي مات قدامي .. قدام عيوني نشوف فيه ميت ... قدامي دفنوه وحطو عليه التراب ... قدامي ومش قادر ندير اي حاجه فك يده من يد مروة وقعد يمسح في دموعه
ناضت قعمزت بالشويا وتكت راسها ع السرير ... تبكي وتمسح في دموعها حتى هي ...
مروة: كانت معاك امك وخوتك وعيلتك وفي بلادك... مش اني بروحي
يزن والعبرة في صوته ودموعه ينزلو : بلادي هه عيلتي من تالت يوم العزي معش شفناهم ... امي ااه ماعنديش ام اني ... من السبوع الأول في العزي مشت لي خوالي ... وقعدت اني وأختي عند عمي ... تحملنا تهزيب مرت عمي ... وصبرنا لأن ماعندناش وين نمشو ... اول ماتمت امي عدتها سمعنا باها تجوزت ... راجلها مايبيناش ... وهي رضت وافقت علي راجل وخلت صغارها ... اي أم تحكي علاها .."ويمسح في دموعه وهما ينزلو" ... ليا 10 سنين معش شفتها تخيلي 10 سنين نسيت حتى شكلها ... من لما تجوزت شفتها مرتين في حوش جدي بس .... وحتى سؤال ماتسألش علينا .... المدة الي فاتت عرس اختي ... كلمنا خوالي وعزمناهم ... بعتنا دعوة لي أمي وماجتش ... تخيلي في عرس بنتها الوحيدة ماجتش ... اي ام بالله ..
مروة: كيف درتو وكيف عشتو وانتم صغار😭
يزن: رضينا بي نصيبنا وتحملنا ... عشت اني واختي بطلت قرايتها وخدمت باش تصرف عليا ... طلعت من التانوي وبديت نخدم ونقرا .... وشويا شويا تعودنا وعشنا مع الدنيا هادي
مروة: انتم عزمكم قوي اني مانقدرش😭
يزن : علاش ماتقدريش .. وانتي لازم تتحملي وتصبري ..
مروة: كيف تبيني نصبر ونتحمل تعرف انت بابا شني بالنسبه ليا 😭.... هو بوي وامي وخوتي وعيلتي وبلادي وسندي ... علاش الأمهات ديما هكي علااش😭 .... بابا وماما منفصلين لما كان عمري سنه ... وقعدت مع بايا وماخلاش ماما تاخدني ... وبعدها بفترة سمعت باها تجوزت ... رغمى انه اني بنتها الوحيدة بس هملتني ومعش سألت عليا .... وقعدت هكي عايشة مع بابا ... هو رباني وكبرني ... كان يدوشلي ويغيرلي ... يمشطلي في شعري ... ماتجوزش علي خاطري ... ماخلا حد يقرب مني ... كان بالنسبه ليا الأم والأب 😢 ..... وهكي لين كبرت وعتمدت علي نفسي.....جاته بعته وسافرنا لي باريس ... تعرف امي مانعرفهاش الا بالصور بس😭 .. ماعنديش عمام .... خوالي مانعرفهمش بكل😭...بابا هو كل شيء كل شيء بالنسبة ليا😭.... وحتى هو مشي وخلاني 😭 .. مشي وخلاااني😭
لإراديا لقت روحها في حضن يزن تبكي .. وهو يبكي معاها ... يبكو الزوز علي دنيا ظلمتهم ... تاخد الكويس وتخلي العافن ... علاش يادنيا هكي .. ظالمه كل الناس ... بكو بكو بكو علي حظهم وعلي حياتها الجديدة ... طلعت من المستشفى وهي حالتها مدمرة وقعدة مش مستوعبه الي صار .... دفنوه ويزن كان معاها في أصعب أوقاتها .... نرجس جت عزتها وتعرفت علاها .... قعدت السبوع الأول نرجس كله معاها ... بعدها نرجس رجعت لي حوشها ويزن قعد يمشيلها كل يوم ويطل علاها .... فات شهر ... ويزن يكمل في يومه مع مروة ..... تحسنت حالتها هلبااا علي قبل .... في البدايه خدت مهديأات ... وتوا تخلت عليهم وقدرت ترقد من غيرهم ...
مروة: اليوم بابا سكر 40 يوم😢
يزن: الله يرحمه ويغفرله
مروة: مش قادرة نستوعب الفكرة لاتوا نتخيل فيه قدامي ... كل ليلة نحلم بيه ونتمنى نشوفه ولو لي أخر مرة 😭..
يزن: الله غالب هادي حال الدنيا
مروة: غدوة بنرجع للجامعه
يزن: وتقدري
مروة: انشاءلله ... حلم بابا يشوفني دكتورة .. واني حاندير زيك حانقرا ونخدم ونكون نفسي ..
يزن: حاتقعدي في فرنسا
مروة: ماعندي فاها حد ليبيا ... وهني أحسنلي
يزن: ماتبيش تكلمي أمك وتقوليلها
مروة: ماعنديش رقمها ومانعرف علاها شيء ولانعرف وين تسكن ... اصلا مانعرفش هل قعدة عايشة ام لا ...
يزن: خلاص اسكتي سادك دموع
مروة: يزن شكرا هلبا
يزن: علي شنو
مروة: علي كل شيء ... لو ماكنتش انت قاعد مش عارفة شن صار فيا
يزن: اووس معش تقولي هكي الناس لي بعضها
مروة: سكتت وقعدت تمسح في دموعها
يزن: جعت ماتبيش اديرينا عشي
مروة: ههههه نوض ساعدني نديرو حاجه
يزن: تعالي هي
وخش هو وياها للمطبخ ... هي قعدت اطيب وهو يساعد فاها ..."اني لازم نفاتحها بالموضوع اليوم ... اي لازم .. خلاص تو لما نتعشو نكلمها "
~
~
~
~
كنت راقدة اني وقيس ... ومانضناش الا علي صوت فونه ..
#يتبع
🍃
🍃
#تحياتي