منقولة
🌷#اليتيمة🌷1200 تنزل الي بعدها طول حتا لو بعد ربع ساعه وعد اول ماتوصل 1200 تعليق نزلكم الي بعدها طول
🌷الحلقة التلاتون🌷
__________________________________✨
ورقدنا الزوز من غير مانحسو ومانضناش الا علي صوت تخبيط الباب قوي ✨
اني قعمزت طول:😳 بسم الله انشاءلله خير
قيس:😳 تي من الي يطق هكي
اني: قيس مني زعمك😳
قيس: تو انشوف مني
اني: بنمشي معاك😳
قيس: لالا خليكي نمشي نشوف ونجي
وناض من ع السرير ✨
نضت حتي اني بسرعه: لالا بنمشي معاك
قيس: مكسح راسك😒 تعالي
وطلع قيس واني نمشي وراه✨
كنت خايفة من الي بيجينا في الوقت هدا ✨
واول ماوصلنا فتح قيس الباب واني كنت واقفة وراه وطول خشت #اماني وحضنت قيس وهي تبكي💔
اني:😳😳
قيس قعد مصدوم وهي حاضناته كأنه مافيه حد جنبها وتبكي✨
اني نشبحلهم وقريب نموت كانت لابسة توته سروال رصاصي ضابط وتوب وردي في رصاصي قصير ✨
قيس: اماني انتي كويسه😳
اماني تبكي وهي شادة في قيس بالقوة: خايفة اني ياقيس 😭 كان فيه صوت
قيس وخرها من عليه : اهدي انتي توا واحكيلي بالشويا
اماني رجعت وضماته : خايفة مش قادرة نتكلم والله😭
قيس شبحلي لقاني النار والعه فيا وواقفة وماقلتش ولا حرف : ميرال جيبيلها اميه
اني بالشويا:😳😡 سم الهاري
ومشيت للمطبخ من غير مانرد عليه✨
قيس وخرها عليه : اماني تعالي قعمزي واحكيلي شن فيه
وسكر الباب✨
وخش هو وياها للصالون علي جيتي اني من المطبخ وشادة طاسه اميه ✨
قعمزت اماني وقيس قعد واقف✨
اني : تفضلي😒
اماني خدتها شربت منها شويا وحطتها ع الطاوله: شكرا 😢
قيس قعمز ع الكنبه مقابلها واني جيت وقعمزت جنبه✨
قيس: خير اماني شن فيه
اماني: كنت ساهرة عند صاحبتي😭 وروحت امخر😭 واول مافتحت الشقه سمعت صوت بس كدبت روحي ونحساب روحي نتوهم😭 خشيت للحمام حشاكم بدلت ولما طلعت لقيت ضيء الدار مفتوح😭 واني متأكدة انه سكرته😢 وبرضو كدبت روحي خشيت للدار وطول مشيت للسرير من التعب واول ماسكرت عيوني سمعت حاجه في الصالون بس هادي المرة متأكدة مانتوهمش قلت منو تكلمت مافيش صوت وخفت هلبا ومالقيتش روحي غير قدام شقتك😭
اني نسمع فاها ونرعش مع بعضي قصدي حتي هني في خنبه وهكي😳
قيس: 😳 اول حاجه انتي كيف تسهري للوقت هدا 😠 وبعدين اكيدة تتوهمي وفيه امن في الشقة من بيخشلك 😒
اماني: والله والله متأكدة😭
قيس: تمام تو نمشي نشوف شقتك مفتوحه؟
اني نطيت: لالا قيس خليك معاي😳
قيس ضحكلي: ماتخافيش مافي شيء ❤
اني شديت في يده : لالا قيس ماتمشيش وتخليني😢
قيس حط يده علي يدي : والله مافي حاجه مش حانعطل نشوف مني ونرجع ❤
اماني تشبحلنا بغل ✨
اني: به دير بالك علي روحك😓
قيس: حاضر❤
ووقف
شقتك مفتوحه
اماني: اي طلعت بسرعه وخليتها مفتوحه😢
قيس: تمام
وطلع ✨
اني قعدت نشبح للحوش وخايفة ✨
اماني ضحكت وساوت تقعميزتها وحطت رجل علي رجل✨
اني قعدت نشبحلها😳 هادي خيرها
اماني: اضحكي حتي انتي 😒 تحسابي روحك في ليبيا😂
اني:😳 ااه شنو شن تخرطي😒
وسمعنا الباب نفتح✨
اماني طول قعمزت كويس وحطت يداها ع راسها ودروحها تبكي✨
اني قعدت نشبحلها سبحان الله كيف نقلبت وعرفتها هدا كله فبركه منها واشبح لي وين تبي توصل ✨
قيس: الشقة فاضيه ومافاها شيء ومافيش اي أتر للخنبه او حاجه زي هادي
اماني: والله والله اسمعت صوت😢
قيس: خلاص خليك الليله عندنا وغدوة ننزل نتأكد من الأمن بتع العمارة
اني شبحتله طول😳
اماني قامتلي حاجبها وضحكت ع جنب من غير ماقيس يشوفها : به 😢 هكي تمام اقل شيء نرتاح😢
قيس: تمام وتو تقعد معاك ميرال باش تطمني
اني :😳 لالا اااقصدي مانعرفش نرقد الا ع سريري
قيس شبحلي وعرفني مانبيش نقعد جنبها: به اهو حني جنبك ومافي شيء
اماني: قصدكم بتخشو وبتخلوني بروحي😢
اني: لا تعالي ارقدي بيناتنا😒
قيس شبحلي وشد ضحكته✨
اماني: قيس اني نخاف😢
قيس: خلاص ياأماني قتلك مافي شيء انتي تتوهمي بعدين اهو حني جنبك مش بعاد عليك
اماني: به اسفه ضايقتكم😢
قيس: مش بيناتنا😪
تو ميرال تجيبلك مخدة وبطانيه وانتي ارتاحي وكان تبي حاجه كلميني ✨
اماني وقفت قدام قيس وساوت خصله من شعرها وشدتله يده: شكرا قيس بجد لولاك كنت ماعرفتش شن اندير😢
قيس شبحلي لقاني نشبح لي يديهم والنار راكبه فيا وكان واضح الشيء هدا عليا حب يستفزني وحط يده التانيه علي يدها : معش تشكريني مادرت شيء اني
اماني ابتسمتله وشبحتلي ✨
اني خشيت للدار من غير ماندير اي رد فعل وكنت بنموت من حرقتي فتحت الدولاب وطلعت منه مخده وبطانيه وقمتهم واني كيف طالعه بيهم وقيس خاش للدار شبحتله من فوق لي لوطا وفته ✨
ومشيت لي اماني لقيتها مقعمزة في مكانها
طول شبحتلي: محظوظه لانه راجلك قيس😒
اني : انتي لاوين تبي توصلي وشن تبي منا وعلاش الدراما الي درتاها هادي كلها تحسابيني صدقتك 😒
اماني: لانه قيس ليا اني فاهمه وصدقيني حانخده
اني:😳 شن قله الأدب الي عندك تصدقي عمري ماشفت وحدة صحيحه وجه زبك وقيس راجل متزوج ومستحيل يخليني ويشوف لي غيري😒
اماني: هه اضحكي 😒 تعرفي من غير ماحد يتكلم واضح انكم مش متهنيين مع بعض والشيء هدا واضح من طريقه
