منقولة
🌹#اليتيمة🌹 هيا ع السريع 1400 تعليق وانزلكم 37 نعلبا منكم والله😘ربي يحفظكم
🌹الحلقة السادسة والثلاثون🌹
___________________________________✨
نضت الصبح ضميت الحوش اني وسجي وفطرنا وضمينا الكوجينه وقعمزنا في الصالون لين خشو علينا عيله عمها
وكنت نستنى نبي نعرف اما وحدة من البنات الي خشو تكون شدى
وعلي طلعه قيس من الدار ✨
ع امال: اهلين اهلين شرفوتنا
مرت عمهم: اهلين بيك مبروك علي بنيتك
رندة: مبروك سجوو
سجي: الله يبارك فيك حبيبتي وعقبال عندك
اني سلمت عليهم وطلع قيس سلم عليهم وقعمزنا كلنا✨
شدى شبحتلي: مرت قيس صح 😒
اني ابتسمتلها ماكنتش نعرف انها شدى: اي اهلين☺
شدى: تعرفي من اول ماشفتك عرفتك 😒 واضح عليك يتيمه من عيونك 😒 حقاا خداك قيس غصبا عنه😁
امها: شدى شن هالكلام
سجي: ههههه عينك ياهبله 😒 قيس وميرال يحبو بعض من قبل 😌 مش هكي قيس وشبحتله
قيس: حاجات خاصه بيني وبين مرتي ..... امت بتكبري انتي ومعش تدخلي في حاجات مش ليك
شدى: شن قلت اني😒 قلت الي سمعته بس
اني ساكته ومانبيش نكبر القصه✨
قيس: ميرال تعالي نبيك وشد يدي ❤
اني شبحه لي يدينا ومبتسمه من داخلي: هيا ❤
ومشينا للدار✨
شدى: وواااع شن هدا😷 حرام فاها قيس
رندة: شدي خلاص اسكتي 😠
سجي: بالعكس مافيش ولا وحدة تستاهل قيس غير ميرال😒
.
.
.
.
~
.
.
.
.
~
خشينا للدار سكر الباب وقاعد شاد يدي
اني نشبح لي يدينا وساكته✨
تلق إيدي وقعمز ع السرير
قيس: ماتاخديش علي كلام شدى بنت عمي هي ديما هكي انتي تفاداها بس
اني شبحتله: لو تمادت معاي مش حانسكتلها
قيس: مانبيش مشاكل اني
اني: وعلاش ولا خايف علي مشاعرها
قيس: شن تقصدي
اني: شيء😒
قيس: الي عندي قلته
اني: تمام علاش جايبني هني امالا 😑
قيس: خلاص كان تبي انزلي
اني: والله 😳
قيس اتكى ع السرير وحط ايديه ورا راسه: ايه
اني: لامانيش نازله😬 وقعمزت ع السرير بغل وربعت يديا ✨
قيس متكي واني مقعمزة ع طرف السرير جنبه وعاطياته بضهري ...... قعمز وطيحني عليه جيت راقدة علي رجليه
قمت عيوني وشبحتله طول ..... ابتسلملي ونزل راسه عليا وحط خشمه علي خشمي : بترقدي الليله عندي
اني تفاجأت من حركته ومن سؤاله أكتر: وعلاش😳
قيس: تبي شدى تتكلم وتقول مايرقدوش جنب بعض
اني: مادخليش فاها 😑
قيس: خيرك معاها انتي
اني:😳 هي من اول ماوصلت طلقت لسانها عليا 😑
قيس حاوطني بيديه وقعد مسكر عليا : واني وين مشيت
اني: انت مش حاترد علاها كان وصلت فيا😑
قيس: هكي تشوفي فيا انتي ؟
اني : انت تعامل فيا كأني مش مرتك
قيس زاد نزل راسه أكتر وضغط عليا بيديه: وانتي مش معترفة بيا وتبي تتطلقي
اني فتحت عيوني وشهقت
قيس يتكلم بي كل هدووء ونفسه عليا: صح ولالا ؟
اني: اني ماقتلكش نبي نطلق😳
قيس: واني سمعتك اول ماوصلنا لي ليبيا في حوشكم وانتي تحكي وتبكي
اني تفكرت الي صار وتفكرت كلامي لي ماما قصده سمعني وووه عليا بنكحلها عميتها 😣
قيس: شفتي كيف هدا الي نبي نوصله
وتو بنسألك سؤال وجاوبيني عليه
اني :😳 وشن سؤالك
قيس: تبي تطلقي💔 ويمشي في يده علي يدي من فوق
اني: انت بحركاتك هادي حاتخليني نجاوب جواب اني مش راضيه عليه
~
~
قيس : تمام وصلني جوابك
وقام راسه وبعدني عليه ووقف ✨
اني وقفت وقابتله وكان السرير حاجز بينا : شن هو الي وصلك
قيس يتكلم وهو متعفلق: تبي تتطلقي تمام وهدا الي بيصير😠
اني كلمته نزلت عليا زي الصاعقة : شكلك انت ادور فاها 💔
قيس قعد يحرك في يديه ويضحك بي هزوة: هههههه والله تو اني الي ماشي ونتكلم ونقول نبي نطلق مرتي
اني نتكلم بي عبرة : 😳 لا .... بس انت الي تقرب مني ويوم نرتاحلك ومشاعري يتحركو تبعد عليا وترجع معاملتك الأولة...... انت الي مش دايرلي قيمه قدام الناس😢...... تكلم وتحضن في أماني وكأنك مش متزوج وماعندكش مراة عندها قلب وتحس..... انت وانت وانت ...... كيف تبيني نعيش مع راجل وهو مش طايقني ولا يحترم فيا اصلا 😢 تقدر تجاوبني 💔
قيس واقف في مكانه وماقالش ولا حرف بس يشوفلي ويشوف لي عيوني الي معبيات دموع ✨
خليته واقف وطلعت من الدار ✨
~
~
~
قعمز ع السرير وحط إيديه ع راسه شن قصدها بدت عندها مشاعر اتجاهي زي ماأني نحس بس اني ماكنتش نقصد الي ندير فيه اني نحبها ومستحيل نزعلها ولانقهرها بس كنت اندير هكي ومن غير مانحس 😪
استغفر الله العظيم 💔
.
.
.
.
.
.
.
~
.
.
.
.
.
.
.
~
نزلت لقيتهم في المطبخ عمتي ادير في الغدي والبنات جنبها يعولو
عمتي: ميرال قيس طلع
اني: لالا خليته في الدار
شدى: اهوا كيف بيطلع😍
عمتي: ميرال كلميه قوليله يجيبلنا خضرة وفواهكه
اني: باهي
كنت من غير وشاح وهو شفته طلع للجنان سرعت خطواتي وطلعت لقيته واقف هو وولد عمه جت عيني في عينه وخرت ورجعت بسرعه ✨
قيس: نستأدن منك شوي
ولد عمه: خود راحتك ولايهمك
خشلي وواضح عليه متعفلق واني بنموت من خوفي
قيس: تي 😡 شن مقايلك اني امس 😡 خير عمك ضروري تعفلقيني
اني:😳 م ماكنتش نحسابه برة
قيس مسح علي وجهه: باهي شن تبي
اني: قتلك عميمه جيبلنا خضرة وفواهكه
قيس قبل مايتكلم جتنا
شدى : قيوس تجيبلي معاك كرت ليبيانا❤
اني كيف بنمشي شدلي يدي ✨
قيس: تمام باهي تو ناخدلك
شدى وهي تشبح لي يدينا: ولما تبدا فاضي نبيك تشوفلي فوني مش عارفة خيره
قيس: في الليل جيبيهولي
شدى: تمام باهي
قيس: تبي حاجه تانيه
شدى :😳 اا لالا خلاص ومشت✨
اني منزله راسي ونهز في رجلي
قيس قاملي يدي وحطها ع فمه : بتمشي وبتخليني معاها بروحي متغاريش عليا
اني شبحتله:😳 وعلاش بنغار 😒
وبنجبد يدي هو شدهالي وقربها منه اكتر : متزوجتيني ومتغاريش😌
اني: هاهاهاها😒
قيس قعد يبوسلي في يدي عدة بوسات واني مع كل بوسه ندوب معاه ❤
اني:😳 ححول بنمشي
قيس شبحلي وضحك ع جنب ووووه قداش مانموت في ضحكته : باهي بري وقولي لي شدى في الليل تركبلي لي الدار
اني جبدت يدي بالقوة وفنصت فيه: قولها بروحك كان تبي😡
قيس: باهي تمام تو بعدين نكلمها
ومشي وهو يضحك ✨
مبرده مبرده😡 ومشيت واني ناكل في روحي قريب نموت✨
~
~
~
خشيتلهم للمطبخ درنا غدي وقيس جاب الي وصاته عليه عمتي وكرت لي شدي وطلع هو وولد عمه متغديين برة وطول الوقت واني نتفادة في شدى وحتي هي ماجتش في طريقي وفي العشية درنا عصرية وقعدنا نتتممو علي حاجات البيان وفات الوقت واحني في الحوش ومع العشي روح قيس وولد عمه وخش طول للمربوعه عطيناهم عشاهم وتعشينا وخشيت اني وسجي وشدى ورندة نغسلو في الماعين
سجي: بنات وليد يتصل 😁
رندة: ههههه اركبي اركبي تو نكملوها
سجي: احسن وحدة انتي😁
وخدت فونها وركبت✨
شدى مقعمزة ع الطاوله وتلعب بي فونها ومش معانا بكل واني ورندة نضمو في المطبخ✨
رندة: حطي فونك واطلعي جيبيلنا صابون من المخزن
شدى: ليل نخاف نطلع بروحي😒
اني: اهو قيس تو نكلمه يمدهولي
شدى: ااا😍 خلاص مداما قيس هني تو نطلع نجيبه ماعندي علاش نخاف وطلعت تجري
رندة نزلت عيونها متحشمه مني ودارت روحها تغسل
باب المطبخ الي يطلع ع الجنان كان مفتوح
واقف قيس مقابلني وشدي عاطيتني بي ضهرها
وقفت وقعدت نشوفلهم ✨
شدى وهي تلعب بي خصله من شعرها "طبعا من الي شفته انهم مش متحجبين قدام قيس" : فاضي قيس توا ❤
قيس قام عيونه فجأة ونتبهلي انه واقفة ونراقب فيهم : خلاها بعدين شوي
شدى: باهي وين نلقاك
قيس وهو يشبحلي : تعاليلي في الدار
شدى: 😍 حق باهي تمام ❤
قيس: تمام
وخشت للمخزن وخلاته ✨
اني درت روحي لاهيه ومش منتبهتله
وأخرتها معاك ياقيس معش فهمتك تبيني ولالا مرات لما تقربني منك وتعاملني بي حنيه نقول في خاطري خلاص حانعترفلك بي مشاعري بس بعدها فجأة تتغير وتخليني نندم انه حبيتك اساسا 💔
