منقولة
🌺#اليتيمة🌺 مشالله ربي يحفظكم ع التفاعل وعلي فكره في ناس تقري وماتعلقش عيب عليهم والله المهم نبي نوض بكره نلقها 1500 تعليق عشان نزلكم 38 طوول يا احلي متابعين وللعم الف مره قلت الروايه منقول ربي يحفظكم😘المشهدات نلقي فيهم 5لاف و 6 لاف
يعني لو الناس الي يقرو كل واحد منهم يعلق تعلبق واحد بس توصل الحلقه اقل شي 5000 تعليق لاكن ناس تقري وماتعلقش😑عيب عليكم والله 😣
🌺الحلقة السابعة والثلاثون🌺
_________________________________✨
قعمزت تسنيم وبوها ومقابلهم فراس ✨
فراس مشي من قدامهم وكلم صاحبه ✨
فراس: خير يابرو
احمد: خيرات شن جيبك للمحكمه انت
فراس: قصه طويلة بنطلب منك خدمه وياريت تقدر تساعدني
احمد: قول لو قدرت مش حانقصر
فراس نزل راسه لوطا: المدام تبي تطلق واليوم بترفع قضية واني مانبيش الشيء هدا يصير
احمد:😳 امت تزوجت
فراس: تي لا مش زواج مقريه فاتحتنا وخلاص
احمد: شوف هو الموضوع هدا صعب يعني لو المدام قدمت للقاضي شكاوي ضدك اكيد الأوليه لاها وطبعا علي حسب الشكاوي
فراس: زي شني متلا
احمد: زي الضرب متلا الإهانه الخيانه يعني حاجات زي هادي ،وفي هادي الحاله عندها الحق انها تطلب الطلاق
فراس: ماتقدرش تساعدني يعني
احمد: والله شن بنقولك ياصاحبي خليني تو نشوف القضية ونقولك
فراس: تمام منور
ورجع فراس لي مكانه "تو هيا خاناتك طلقها وارتاح منها ....لا مستحيل نطلقها ونخلاها تمشي لي غيري .... فراس انت خيرك اناني ..... معقولة تخلاها هكي .... اي اني اناني في حبي لاها ياتكون ليا يا لا .... وهي جابتها لي عمرها والله إندمها ونخلاها يوميا في المحكمه"✨
وستنو حوالي ربع ساعه ونادو عليهم
"طبعا القانون مش شوري بكل انشالله غير الي نقول فيه صح بس😁"
طلعو وكانت عندهم جلسه السبوع الجاي بو تسنيم عنده صاحبه يخدم في المحكمه مشي يكلم فيه وتسنيم قعدت مقعمزة ودموعها في عيونها
فراس كان بيروح ولما شاف تسنيم بروحها قعد يراقب فاها من بعيد من غير ماتشوفه ✨
الولد: معقولة قمر زيك يكون في المحكمه 😍 خير من الي مضايقك واني ناخدلك حقك
تسنيم: تعرف تمشي من قدامي😠
الولد جي وقعمز جنبها: تؤتؤتؤتؤ وعصبيه😍 حليلي اني وخلاص
تسنيم كيف بتنوض شدلها يدها .... جاه فراس بسرعه ودفه
الولد: تي خيرك النم😡
فراس: اقلب زومتك من قدامي خير ماندير حاجه ماتعجبكش😡
تسنيم: وانت شن دخلك 😠امشي وماتدخلش فيا
الولد: خلاص دردح هي😒 السمحه راضيه
فراس: سكري فم امك انتي😡 واقلبي وجهك من قدامي .... وتعالا تو نوريك السمحه كيف .... ويعطيه بوكس علي وجهه قريب طيرله خشمه
الولد ويمسح في الدم من خشمه وفمه .... يوخر ويرده لي فراس
تسنيم:😳 ففراس حي عليا😱
قعدو يتعاركو لين جي الأمن حز رفعو الولد
وفراس قعد واقف .... تسنيم قربت منه ومدتله كلينكس : امسح الدم😢
قعد يشبح لي عيونها ومستك بعدها سكر عيونه ومشي من غير مايقول ولاحرف ..... تسنيم قعمزت ع الكرسي وعصرت يداها في بعض ..... وتفكر في الي صار
بوها: هيا تسنيم
تسنيم: هيا 😢
وطلعو✨
.
.
.
.
.
~
.
.
.
.
.
اني مديت لي قيس قهوته وهو يلبس في كندرته في الجنان : امت بتجينا بعدين
قيس خدي مني قهوته: امت تبو تمشو انتم
اني: ارفعنا مع الواحد ومع العصر تعالا خودني عميمه تبيني نستقبل معاها الضيوف😁 وبعد المغرب ارجع جيب سجى
قيس شبحلي وفتح عيونه: بلا تسهويك😳 شن نقعد ماشي جاي ع المزين
اني: به مافيش غيرك من بيروح بي سجى عمي متلا
قيس: اياح وضروري تروحي قبلها انتي
اني دبلت عيوني : عميمه هكي تبي 😯
قيس: باهي الواحد تطلعو طول مانقعدش نستنا
اني: حاضر به
قيس: خلاص خشي
اني: باهي .... ومشيت وهو طلع ✨
لقيت البنات يفطرو قعمزت معاهم كملنا فطورنا وقعدت كل وحدة ادير في حاجه ومع الساعه11 جبنا شغالات وقعدو يوتو في الجنان بنديرو البيان فيه وعمي جاب طباخ بنقعدو للرجاله متع الفضانيه والنساوين بنجيبو خفيف يعني كل شيء واتي قعدت كل وحدة توتي في روحها وخلاص ✨
سجى: ميمي قيس امت قالك بيجينا
اني: الواحد قال .... سيمو عطيتاها اسم المزين وله
سجي: اي .... قاتلي مع التلاته نجي وبعدين بتروح معاي
اني: تمام اقل شيء تساعدك في اللبس
شدى: حتي اني بنمشي معاكم
اني تلفتلها: وين 😳
شدى: وين يعني 😒.... للمزين
رندة: مرت عمي تبينا نوقفو معاها
شدى: اي بنروح مع ميرال ..... سمعتها مبكري تكلم في قيس
اني :😳 تتصنتي علينا ولاشنو😒
شدى: انتم صوتكم عالي 😒 بعدين اني خاطمه سمعتكم
اني مشيت من غير مانرد علاها ✨
.
.
.
.
.
.
.
~
.
.
.
.
.
.
~
ام تسنيم: تسنيم احكيلي شن صار
تسنيم: ياماما اطلعي وسكري الباب 😭 خليني في حالي
امها: باهي معش تبكي تو تمشي للناس وانتي عيونك منفخات 😔
تسنيم حطت راسها تحت المخدة: اطلعي اطلعي😭😭
امها طلعت وسكرت الباب : لاحول ولاقوة الا بالله💔
تسنيم: ياربي مش قاادرة 😭😭 نحبه نحبه شن اندير😭 اااه يافراس اااه 😭 كرهتك وانحبك 😭 مش قادرة علي فراقك مش قادرة نتخايل حياتي من غيرك😭
.
.
.
.
.
.
~
.
.
.
.
.
~
ام فراس:😳 بسم الله خيره وجهك
فراس: شيء
امه: شن شيء ووجهك كله دم 😳
فراس وهو خاش للدار : ماتلحقينيش ..... وخش لي داره وسكرها .... إمتد ع سريره وغطى عيونه بي يديه .... انحبك ياتسنيم انحبك ومش متخيل انك تكوني لي غيري .... لما شفت الولد معاك جن جنوني .... مانتحملش حتي واحد يكلمك ..... كيف تبيني نشوفك عند غيري ..... اااخ ياربي اااخ 😣✨
.
.
.
.
.
~
.
.
.
.
.
~
اني: هيا سجى قيس برة
سجى: هي نازلة
لبست عبايتي ونزلت اني وياها وشدى وركبنا في السيارة قيس شبح لي شدى وشبحلي اني درت روحي مش معدله
شدى: بنتعبوك معانا قيس
اني: قولي بنتعبك معاي قيس 😒..... اني مرته وسجي اخته
شدى: واني بنت عمه 😒..... بعدين هو مش طالع علي خاطري
سجي: 😳 خيركم اسكتو
قيس شبحلي ع جنب : ميرال خيرك
اني: شيء 😷 .... وتلفتت للروشن .... كنت مش طايقتها بكل متحمله روحي بالسيف ✨
وقعدنا ساكتين لين وصلنا قدام المزين .... اني كيف بنفتح الباب .... قيس شدني من مرفقي: استني نبيك ... نزلت سجي وشدى واني قعدت .... تلفتله: نعم شنو
قيس: جبتي معاك خمار
اني:😳 شنو اكيد تبصر من بيلبسه اني😳
قيس: انتي شن رايك 😒.... بالك تبي تركبي معاي هكي
اني: قيس بالله فكني والله مانحبه يخنق فيا
قيس: باهي تمام انزلي
اني شبحتله ونزلت من غيرك مانرد عليه ✨
.
.
.
.
.
.
~
.
.
.
.
.
~
تسنيم خشت دوشت وبدلت وخدت شنطه صغيرة حطت فاها قفطانها وكندرتها وحاجاتها ونزلت : هيا بابا كان بترفعني
بو تسنيم: امت تبيني نجيك
تسنيم: لالا ماتعبش روحك بنروح مع سجي طول
بوها : باهي هيا اطلعي
تسنيم: رد بالك تنسا تجيب ماما وتجي ... راهو حتي انتم عازمينكم
بوها: اي كلمني جمعه امس
تسنيم: تمام ... هيا
ومشت هي وبوها ✨
~
~
~
جتنا سيمو وبدت فينا المزينه ومع العصر كملت اني وشدى كلمت قيس قتله يجيني وحوالي ربع ساعه اتصل بيا
اني: شن نطلعو
قيس: علاش من بيروح غيرك ؟
اني: شدى😑
قيس: حطي وشاح علي وجهك واطلعي تلقيني قدام الباب خودي الخمار البسيه بعدين اطلعي
اني: قيس خير ... وقبل مانكملها سكر عليا
ياربي صبرني والله مرات تجيني النيه نقتله😠
شدى: شن نطلعو
اني: اصبري مزال😒
وحطيت وشاح علي وجهي وطلعت .... لقيته واقف قدام الباب مدلي الكيس .... اني خشيت وهو ركب في السيارة
سجى: من وين جاك هدا
اني ونلبس في الخمار : خوك من يعني😒
تسنيم: موليه تسمعي في كلامه 😂
اني فنصت فاها وقعدت نأشرلها علي شدى متع اسكتي ... تسنيم هزتلي راسها متع خيرك
اني: هههههه وحق ربي غبيه .... هيا شدى
شدي حطت وشاحها حطان : هيا
تسنيم: هادي خيرها
سجي: غايرة من شدى بنت عمي 😁 وماتبيش تبين قدامها انها هي وقيس مش متفاهمين
تسنيم: اووو قصدك بدت تغار عليه وحركات 😂
سجى: اسكتي والله ماتطلعه الا تحبه وقولي قالتها سجي
تسنيم: هههه انشالله يهبلو مع بعض
~
~
~
اني ركبت في السيارة وسكرت الباب بي كل قوتي
قيس شبحلي وضحك: هههههه طالعه زي عزوز القايلة😂
اني: باهي ياقيس 😠 ماهو كله منك .... وتلفتت للروشن
قيس يتكلم بالشويا: زي شبحتي للروشن زي لا ماتبانيش😁
اني تلفتت عليه ونتكلم بالشويا مانبيش شدى تسمعنا : مانيش رادة عليك 😒 وعليت في صوت المسجل
قيس لبس نضارته ومشي ..... قعد يدندن مع الغنيه ويطقطق ع الدومان ..... تلفتله وقعدت سرحانه فيه .... محلاه ياربي محلاه😍
شدي: كل شيء فيك حلو قيوس حتي صوتك يقتل ❤
قيس شبحلها من المرايه وضحك: شن عجبتك امالا
شدى: من زمان عاجبني❤
قيس ابتسم وقعد يسوق ويشبحلي من تحت لي تحت
شبكت يديا في بعضهم وقعدت نضغط عليهم بغل ونحاول مانبينش لي قيس" مش محترمني بكل تقول مش مراته مقعمزة جنبه .... شن متوقعه منه يعني ....يحبني متلا"
وصلنا قدام الحوش نزلت شدى واني كيف بننزل
قيس: بنخش نبدل شوفيلي الحوش كان فيه حد
اني نزلت وهو نزل وراي خشينا من الباب الخلفي لقيت الحوش فاضي ركبت اني وياه للدار ✨
خشيت قبله .... وهو سكر الباب وقعد يشبحلي ..... نحيت الخيمار وقعدت نمروح ع وجهي : اوووه انخنقت
قيس يشبحلي وماحولش عيونه عليا .... حسيت بنضراته توترت .... مشيت للدولاب وفتحته: شن تبيني نوتيلك
قيس : اي حاجه علي دوقك
اني : به ... وقعدت نختارله .... طلعتله سروال اسود .... وسوريه حنيه ودجاكه كحله ..... قعدت نحددله فيهم وهو واقف يتفرج عليا .... كملتهم ومديتهومله
قيس: شوفيلي الممر بنخش ندوش
اني : به .... طلعت ومالقيت فيه حد خدي سرواله وسوريته وخش للحمام ..... سكرت الباب .... نحيت عبايتي .... ودهنت جسمي بالكريمه وطلعت قفطاني الوردي الي شريته مع قيس .... لبسته وماعرفتش نسكر السوسته ..... ياربي والله ماوقتك هيا عاد اوووف ..... حاولت فاها مابتش تندار .... خليته ولبست تاكمي ... وساويت مكياجي وشعري .... علي خشت قيس .... شديت قفطاني من تالي وقعدت نشبحله .... وهو يشبحلي ❤
نزلت عيوني لوطا ووجهي احممر وبصوت يادوب طالع : قيس تسكرلي السوسته😳
قيس إبتسم حط الفوطه ع الكنبه .... وجي وقف وراي .... اني نحيت يديا ..... وكان شعري مدايراته فلو ومخلياته ع طوله ..... حطلي شعري ع جنب .... وقعد يسكرلي فاها بالشويا بالشويا .... واني قلبي نحس فيه بيوقف .... كمل نزلي شعري .... ولف يديه علي خصري ..... وقرب مني ......حط خشمه علي رقبتي ..... غمضت عيوني واني نحس في أنفاسه علي رقبتي .... باسني من رقبتي بووسه طويلة ......حركت كل مشاعري ....... قعد يحرك في خشمه لين وصل لي كتفي وباسه بكل حنيه ...... عصرت عيوني وكأنه حلم مانبيشي يتم .... حسيت بيديه وهو بيلفني ليه ...... لفني ليه وحاوطني بيديه وقربني منه ..... فتحت عيوني وجت عيني في عينه ..... إبتسملي وقرب من وجهي .... حط خشمه علي خشمي وكيف بيقرب أكتر ..... فونه شرين .... بعد عليا وقعد يحك في لحيته ..... اني نزلت راسي لوطا وسكتت .... خدي فونه ورد عليه
قيس: ها شن تبي
وليد: تي وينك ياراجل راهو شويا وبيطلعو العيلة
قيس: حق علاش الساعه كم ... اووو قاعد ماجبتش حتي سجي .... هي طير .... وسكر عليه✨
اني ونلبس في كندرتي: خيره شن يبي
قيس واقف ع المرايا يساوي في شعره : اهل وليد قريب يجو
اني: 😳 خيرهم بكري اللطف
قيس يلبس في دجاكته وفي كندرته في نفس الوقت: هو هداكا المغرب علي وشك
اني: حتي سجي اكيد كملت
قيس: اي بنمشي نجيبها تعالي شوفيلي كان فيه حد في الممر
اني: هي اصلا بنطلع .... الناس بدت تجي
بخ قيس برفانه .....ولبس ساعته ..... بخيت برفاني .... وخديت تزداني ..... وطلعت اني وقيس من الدار سكرتها ..... وكيف مشينا خطوتين طلعت شدى من دار سجي..... وهي لابسه قفطان أسود ضابط ع الجسم وقصير بكل ..... وقفت مقابلتنا والدروج فاصل بينا ✨
شدى: قيس ❤
اني نزلت راسي لوطا وبصوت دوب طالع: قيس ماتمشيلهاش 💔
قيس قاملي وجهي : وخيرك متحشمه عادي انتي مراتي ومن حقك
اني قطعت عليه: مش غايرة😠
قيس ضحك ع جنب : تمام مش غايرة😁
اني: ايه 😑
شبك يدي في يده : هي تعالي❤
شبحت لي يدينا ولي شدى الي كانت واقفة وتشبحلنا .... مشيت اني وياه خطوة بخطوة ..... وصلنا للدروج وشدى واقفة تتفرج علينا .... فاتها وكأنها مش موجودة .... فرحت هلبا بحركته ..... نزلنا بالدروج بالدرجة وعلي أقل من مهلنا .... الدنيا هدووء ومافيش الا صوت طقات كعبي .... انتي أميريتي .... وانت ملكي .... محلاك لما تغاري ..... ومحلاك لما ماتشبحش لي غيري .... انتي معاي وتبيني نشوف لي غيرك .... انحبك قيس.... واني انحبك ميرال ..... كملنا الدروج وكل واحد يتكلم في خاطره وهو مبتسم .... طلع قيس من الجنان الخلفي .... واني طلعت للجنان لقيت ع امال وام تسنيم ومرت عمهم وشويه جيران وقفت مع عمتي وقعدت توري فيا ونسلم ع الناس✨
~
~
~
وصلت سجي قبل امالي وليد خشت تسنيم قبلها بعدين خشت سجي علي مسيقه هاديه وصلت لي مكانها قعمزت
اني: تبارك الرحمن😍 قداش مامتغيرة تهبلي
تسنيم: قلتلها هي دارت عركه مع المزينه 😒
اني :😳 علاش خيرك
سجي: قلتلها ماتكتريليش عرسي قريب وديريلي تسريحه بسيطه ... شوفي كيف طلعتني تقول اليوم عرسي😣
اني: بالعكس مش هلبا هكي احلا .... بعدين في العرس الصبغه حاتغيرك ماتحطيش في بالك
سجي: اوووف
تسنيم: خلاص عاد نفختيهملي من بكري وانتي تأفأفي😑
سجي: ياماما صوت تبييب😳
اني: هههه شكلهم وصلو ... هيا سيمو
تسنيم: هيا وانتي إبتسمي ع الأقل مادتلي شواربك كودس 😑
سجي: ههههههه باهي بري وانتي شويا وبتضربيني
~
~
مشيت اني وسيمو وشويا وخشو امالي وليد وماكانوش هلبا سلمو علي سجي وقعمزو وفات الوقت حلو ووليد من الأول قال لي سجي مانبيش نخش انتي اطلعيلي ناخدو راحتنا اكتر
سجي:😳 شكلي مساوي
اني: تهبلي .... هيا خشي وليد في المربوعه
سجي: سيمو فوتي شويا وابعتيلي المصورة
تسنيم: مافيش تقه كان تخش معاك من توه خير بعدين مكياجك يتلبز😂
سجي: قهرتك ياصايعه😂
خشت سجي للمربوعه .... فتحت الباب .... قابلها وليد واقف وشاد باقه ورد كبييرة ..... سكرت الباب وهي مبتسمه ..... قربت منه وهو قرب .... يمشو الزوز بكل تقه ومش متوترين بكل ..... وقف ووقفت قدامه والباقه في النص ✨
وليد: مبروك علينا ياعمري❤
سجي: مش مصدقه والله مامصدقه .... خلاص حب حياتي قعد خطيبي ❤
وليد: وبعد سبوع حيولي راجلك ❤
سجي خدت منه الباقه وشمتها بعدها قامت عيونها وشبحتله: انت قدري❤
وليد خدي الباقه وحطها ع جنب ..... لف يديه علي خصرها ..... وقربها منه: وانتي قدري❤
سجي شبكت يداها علي رقبته: انحبك ❤
قرب من وجها .... باسها علي خشمها : واني نموت فيك ❤
حطت راسها علي صدره .... لفت يداها عليه ..... تنهدت بالقوة ..... وسكتت ..... مسد علي شعرها..... حط دقنه علي راسها ..... تنهد وباسلها راسها ❤
سجي بعدت عليه : لبسني الخاتم 😁 شويا وتخش المصورة
وليد: ههههه نسيته بكل
وطلع باكو من جيب دجاكته وفتحهه .... شدلها يدها ولبسهولها .... باسلها يدها : مبروك علينا حبيبتي❤
خدت خاتمه من الباكو ... لبستهوله .... خدت يده وباستهاله من داخل بكل حنيه : يبارك فيك حبيبي❤
~
~
قطع رومنسيتهم صوت الباب .... انفتح وخشت المصورة .... خدتلهم لقطات ... وطلع وليد وطلعت سجى ..... قعمزت مع الضيوف حطينا العشي ... وبدت الناس تروح اول بأول ✨
~
~
سجي: اااخ نحس في روحي تعبانه
تسنيم: حتي اني طايبه نروح ندوش ونرقد
سجي: تروحي عينك باتي عندنا الليله قداش لينا
معش رقدنا مع بعض
اني حسيت تسنيم مش علي بعضها وماحكتنلاش انها كانت في المحكمه شديت علاها اني وسجي تبات معانا بالك نغيرولها جوها كلمت امها وقلتلها بنبات وروحو الناس كلهم وقعدت غير العيله ✨
~
~
اني: ناخد توتي ونجيكم
سجي: باش ترجعي مش معش تولي 😁
اني: وااك وانتي شادتاها وراي
تسنيم: تعرفي تعطلي نمشيلكم للدار 😁
اني: باهي ياهمي عليك صحبات 😑
كيف طالعه من الدار تلاقيت اني وقيس ✨
قيس: وين ماشيه
اني: بناخد توتي وبنبات مع البنات
قيس: اها مديلي حتي بطانيات بنبات مع عبدو "ولد عمه" اني: تمام به
وخشيت اني وياه للدار .... طلعت لي قيس توته .... خداها وخش للحمام .... اني قعمزت وقعدت نفك في شعري .... علي خشه قيس حط حوايجه ع السرير
اني نضت ومديتله بطانيات
مش هاين عليا نرقد من غيرك : تصبحي علي خير ❤
ياريت نقدر نرقد جنبك: تلاقي الخير❤
خدي البطانيات وطلع من الدار وسكرها .... قعمزت مسحت مكياجي ونحيت قفطاني علقته ورتبت دبش قيس ..... ولبست توتي ومشيت للبنات ✨
شدى رقدت طول ورندة هدرزت معانا شوي ورقدت ....قعدت اني وسيمو وسجي .... حكتلنا تسنيم ع الي صار معاها اليوم وهي بتتقطع من البكي 💔
~
~
فاتو ايام واني وقيس علي حالنا ومعش شفته هلبا قعدنا لاهيين في حوسه العرس وفي الليل هو يبات مع ولد عمه واني مع سجي وغدوة بيبدا العرس❤
.
.
.
.
.
~
.
.
.
.
.
~
احلام: عطلتي هلبا المحاظرة بدت
سجود: هدا وين ناض بابا هيا دوبنا انلحقو
وهما ماشيين قطع طريقهم #مراد
سجود:😳 ببسم الله
مراد: 😳 خيرك
سجود: مش مسافر امت روحت😳
مراد: امس وماهانش عليا نروح ومانسلمش عليك
سجود: مش قتلي بتقعد شهر😢
مراد: ماقدرتش.... نحلم بيك كل ليله ... فاقلت خلاص نروح ونشبع منك بعدها نولي
سجود شدت في يد احلام: ببه عندنا محاظرة😢
مراد: اي عارف واني علاش جاي ... قلت نسهل علاها الموضوع بدل ماتجيني في الليل واماليك يحسو بيك .... تمشي معاي توا وقبل مايجيك بوك نردك
سجود بلعت ريقها: اااه😢
مراد: هي ياعيوني مافيش وقت وقولي لي صاحبتك تمشي لي محاضرتها حرام اضيع علاها
سجود: ممراد اني
مراد قص علاها: اوووس خلاص تفاهمنا احني مانقعدوش نرجعو لي نفس الدوة
سحود: اعطيني وقت باهي😢
مراد: عطيتك 3اسابيع خلاص كافي
سجود: بالله عليك زيدني شويا😢
مراد: علي خاطر هالعيون انزيدك يوم
سجود: اااه شنوو قصدك غدوة😳
مراد: هاك شاطرة وحسبتاها طول
سجود: به سبوع ع الأقل
مراد عقد حواجبه وعلا صوته: اسمعي مانلعبش معاك😠 كلمه هي غدوة نفس الوقت هدا تكوني في شارع***** في شقه**** وإلا اني نعرف كيف نتفاهم مع بوك
ومشي وخلاها ✨
سجود قعدت تخبط علي وجهها: حي عليااا حي 😭 شن درت في عمري اني شن درت😭
احلام: اوووس الناس كلها تتفرج 😳 تعالي ... وخدتها من يدها وقعمزتها ع كرسي: سجود ردي بالك تمشيله ردي بالك😢
سجود: كيف مانمشيلاش ماسمعتيشي انتي شن قال 😢
احلام: عندك حل واحد تفكي روحك منه وماتوصلش الدوة لي بوك
سجود:😳 وششن هو😢
احلام: .........
#يتبع
رايكم وتوقعاتكم حبايبي😗
#تحياتي
