#اليتيمه✨
الحلقة الثانيه ✨
____________________________
وقعدت نشوف اني وسجي وعجبتنا وحده صغيرونه وحقها يمشي مع حالتي مابيتش نكتر ع ماما واتفقنا مع صاحبها باش عمي جمعه يتمم ع كل شيء وكملنا ومشيت اني وسجي للسيارة القينا قيس واقف علاها ويدخن
اني: قيس مش ضروري نتعاركو روح انت وسجي واني تو ندبر راسي😔
قيس:😳 من عقلك انتي زي ماجبتك زي مانروح بيك ومافي شيء بينا
اني: بس ياقيس
قيس قص ع كلامي: هيا هيا من غير كترت دوة وركب في السيارة
سجي: مصح وجهك اركبي اركبي 😒
اني: هيا 😪
وركبت في السيارة ووصلنا قيس وهو طلع ولي اول مرة ماتكلمناش وماتعاركناش
سجي: ديريلي تشيز كيك نبدل ونجيك😁
اني: همك في بطنك😂 مش حانديره لين تجي تساعديني
سجي: كلبه😬 لكن حاضر ع السريع وجايه😂
وخشت هيا لي حوشها واني خشيت لي حوشنا
ماما: روحتي
اني نسلب في كندرتي: لالا مزال😂
ماما: لسانك متبري منك تعالي تعالي شن خترتي
اني نحيت وشاحي وقعمزت جنبها: بنحكيلك كل شيء من وين مامشينا لاوين ماروحنا خير ماتقعدي كل شوي تسأليني😂
ماما: اتكلمي اتكلمي😒
اني بديت نحكيلها في كل شيء الا عركتي مع قيس طبعا لانه بطلعني اني الغالطه✋
ماما؛ كويس معناها تو غدوا نعطي لي عمك جمعه حقها ويجيبهالك
اني: يس يس😍✌
ماما اني خاشه بنبدل كان جت سجي افتحيلها بندير اني وياها تشيز كيك
ماما: به
وخشيت نبدل
.
.
.
تسنيم بنت وحدة وبوها عنده شركه وديما مسافر للشغل
ام تسنيم: تسنيم الدبش في الغساله انشريه بعد ماتكمل اني ماشيه لي حنان 《جارتهم》 وتوا انروح
تسنيم : كساد واني بنقعد بروحي
ام تسنيم: باهي تعالي بري معاي
تسنيم: لالا فكيني وهيا بناتها يدرهو الكبد
امها: تبي الحج وتبي السلامه😒 ماشيه اني
تسنيم: احسن حاجة انوض ندير حاجة ناكلها
وسكرت ورا امها الباب وهيا كيف خاشه للكوجينه طق من جديد
تسنيم: وواااك ياماما ديما نقولك ارفعي المفتاح معاك وفتحت الباب وتلقا #فراس
تسنيم:😳😳 ففرااس وقعدت تساوي في شعرها
فراس: ديما وانتي تعيطي وخش قعمز في الصالون وخلاها وراه
تسنيم ربعت يداها وقامت حاجبها وقعدت تشوفله
فراس: شن غداكم جيعان
تسنيم: قول شن عشاكم😒
فراس: قصدكم تغديتو 😳
تسنيم: لانستنو فيك😒
فراس: وانتي خيرك واقفة زي البواب😂
تسنيم: نستنا فيك تطلع بنسكر الباب بعدك😌
فراس: استني حتي اني بنستنا خالتي لين تروح
تسنيم سكرت الباب بكل قوتها وخشت للكوجينه خدت البكرج وصبت فيه اميه وحطاته ع الغاز ولفت باش تاخد القهوة والسكر لقت قيس متكي ع الباب ويتفرج علاها
تسنيم: انت شن ادير هني مش خليتك في الصالون😠
فراس: احسبيني معاك 😌
تسنيم: البرود الي عنده 😠 وتلفتت وقعدت اتمتم
فراس جي وقف قدامها : قعمزي بنحكي معاك
تسنيم نزلت راسها لوطا : فراس مافيش دوة بيناتنا
فراس: لافيه انتي قعمزي بس
تسنيم جبدت الكرسي وقعمزت
فراس خدي نفس وقعمز في الكرسي الي جنبها
تسنيم حاطة يداها ع راسها وتشبح للطاولة
فراس يشبحلها ويتكلم : امنه حكتلي ع الي صار وقاتلي انك مفكره انه قاعد نحب سجود صح اني كنت نحبها وانتي عارفة ويمكن العيلة كلها عارفة بي علاقتنا لكن الي داراته معاي سجود ومش ضروري نفتح الماضي خلاني مش بس نكرها بديت نكره حتي اسمها صح اتعبت شويا باش نسيتها ويمكن لانها قريبتي ونشوف فاها ديما لكن مستحيل ننسا وقفتك معاي كنتي كل يوم تجيني وتحكي معاي حبيتك حبيت كلامك عياطك عصبيتك احلا حاجه فيك لما تتعصبي تبدي تفترشي في الدوة وتتكلمي تتكلمي وبعدين تفشي غلك في البكي تسنيم انحبك ويشهد عليا ربي الا انحبك
تسنيم نزلت منها دمعه مسحتها وقعدت تشبح لوطا وماردتش عليه
فراس: تسنيم ماديريش فيا هكي مش من عوايدك تسكتي عيطي سبي تكلمي المهم ماتسكتيش
تسنيم مسحت وجها وشبحتله: فراس اني عييت منك بديرلي زي كل مرة بالرغم ماليناش شهور علي علاقتنا لكن المشاكل الي بيناتنا اكتر من حبنا نفسه تعرف كم مرة غالط بإسمي وتقولي سجود 😠 بالدات في الليل تبدا مروح من العمل تعبان وبترقد وتقولي سجود خليك ماتحرمينيش منك 😠 واني نسكت ونسكت 《وبدت تعلي في صوتها وبتبكي خلاص تسنيم رغم شخصيتها القوية لكن دمعتها فيسع ماتنزل 》 انت قاعد تحب سجود ولو ماتحبهاش😠 قاعد تفكر فاها 😭 اني تعبت والله تعبت 😭 نكرهك نكرهك 😭
فراس قرب منها وخداها في حضنه: واني نحبك نحبك وراس سيمو حبيبي معش تبكي دموعك غاليات عليا
تسنيم: انت الي تبكي فيا😢 انت بتصرفاتك 😢 اتخلي فيا نرقد واني مقهورة وزعلانه😢
فراس: خلاص معش تبكي شوفي عبيتيني دموع😂
تسنيم وخرت من عليه: ماقالك حد اعرض خدماتك😒
فراس: بكل انتي راهو لسانك رايح طويل
تسنيم وهيا تحك في عيونها وتمسح في الدموع: ياسلام غير انت اطوله
فراس جبدها من يدها لين خبطت في صدره وقعد يشبح لي عيونها ودمعتها تلمع
فراس ويتكلم بهدوووء: اتحبيني
تسنيم تحكي بنفس طريقته بهدوووء وبالشويا: انت تعرف جوابي
فراس: نبي نسمعه منك
تسنيم: مرات مايعجبكش
فراس: انتي قولي بس وحط عينه في عينها
تسنيم: عيونك معبيات كلاام
فراس: كله حب ليك
تسنيم: تحبني ؟
فراس: غش هكي اني سألتك قبل 😂
تسنيم: انت جاوبني بعدين اني
فراس: انتي تعرفي جوابي😌
تسنيم بعدت من عليه وضرباته ع ايده بالشويا: بلا برادة هيا قولي
فراس: قربي به خيرك وخرتي
تسنيم: لالا حتي هكي تمام ! هيا قولي
فراس قرب منها بكل وكانت ماتفصلش شعرة بيناتهم : نمووت في الأرض الي تمشي علاها ❤
تسنيم حطت يداها ع يديه: اننحبك❤❤
فراس: حبيبتي!!
تسنيم: يا عيون حبيبتك❤
فراس: اوعديني ديما تقعدي جنبي وميفرقنا شيء
تسنيم شدتله يديه: نوعدك ياروحي
فراس عض شاربه: وخري فيسع فيسع خير مانغلط وتصير حاجة
تسنيم فكت يداها : سخييف😒
فراس: مع حبيبتي بس😌
تسنيم: لا والله وبالك تبي مع وحدة تانيه😒
فراس: يعني مرات 😌
تسنيم: نقتلك قبل ماتفكر تخوني😠
فراس: حليلي من حبيبتي الي تغار وعطاها بوسه من بعيد
تسنيم: هنيلي روحك
فراس: ههههههه باهي حبيبك جعان 😣
تسنيم: خسا الجوع .. فيه لازانيه انسخلك
فراس: ياريت والله
.
.
.
.
سجي مقعمزة ع الرخامه تهدرز عليا
واني ندير في التشيز كيك جنبها
سجي: اليوم بيجينا وليد😍
اني شبحتلها :😳 وكيف عرفتي
سجي: اكيدة مش هو قالي😒
امبكري نسمع في قيس يكلم فيه
اني: مش ناوية تكلميه
سجي: مهبولة انتي تبي قيس يقتلني بعدين هو الولد مش شايفني ولايعرفني كيف بنكلمه
اني: وبتقعدي هكي
سجي: اني يكفيني انه نشوف فيه 😍😍 بس
اني: اقعدي هكي ياحنه لين تجي وحدة فالحه وتاخده منك
سجي: فال الله ولافالك ياكلبه😬
اني: هاك هاك كسري البسكوت
سجي: هاتي
وقعدت ندير فيه اني وياها❤
.
.
.
تسنيم: هيا خلاص روح
فراس: نعتبرها لزة😒
تسنيم: حبيبي مش هكي بس توا ماما تجي واديرلي قصة
فراس: تمام ياعمري سلام
تسنيم: سلام دير بالك ع روحك
فراس: حاضر
وطلع ركب في سيارته علي طلعت ام تسنيم من حوش جارتهم هيا شافاته لكن هو لا ومابتش تكلمه خلاته يطلع وهيا خشت لي حوشها
ام تسنيم: تسنيييم😡😡
تسنيم: نعم ياماما خيرك تعيطي
امها: فراااس شن كان يدير اهني😡😠
تسنيم:😳😱 ااااه من فراس
امها: تسنيم بلاعباطه فراس ولد خالتك شفته بعيوني طالع من حوشنا 😡 شن كنتو اديرو بتحشميني انتي😠
تسنيم: 😳 خييرك ياماما شن بنحشمك هو كان مروح من العمل والقي روحه قريب من حوشنا قال ننزل ونشوف خالتي ولما جي ومالقاكش كان بيروح بس اني تحشمت وشديته درتله قهوة
امها: اني هدا كله ماخشش عقلي😠 يحبك ربي كان يطلع الي في بالي صح😡
تسنيم: ماما شن الدوة هادي 😠
امها: يصير خير انسي توا 😒
وخشت للدار وخلتها
تسنيم: انهاري المغبر 😱 كان ماتعرف تقتلني😳
.
.
.
وليد: ها وينك اني خشيت لي شارعكم
قيس: 10 دقايق ونكون عندك انزل واستناني في المربوعه مفتوحه
وليد: تم
.
.
