منقولة
🌹#اليتيمة🌹هيا 1700 تعليق تنزل لي بعدها طول😘
🌹الحلقة الثانيه والأربعون🌹
_______________________________ ✨
اماني: اووف قيس عطل والله إستاحشته اني ضروري نكلمه ونقوله عندنا اجتماع مهم ونخليه يرجع
~
~
اني : حبيبي فونك يشرين
قيس : مني ؟
اني: 😳 أماني😒 .... ومديتهوله ... وكملت ترتيب الدولاب ودرت روحي مش مهتمه
قيس: احم .... الو
اماني: مساء الخير .... قيس شن الأخبار
قيس: مساء النور ... تمام بخير وانتي
اماني: الحمدلله بس والله مخلي مكانك في الشركة وفي العمارة
قيس: 😳 احم ... ها انشالله سبوعين ونرجع
اماني شهقت : شنو سبوعين 😳 المفروض السبوع هدا ترجع
قيس : اي المفروض بس أجلتها
اماني: بس هكي مايصيرش ياقيس
قيس: وعلاش مايصيرش اني من الأول خديت إجازة مفتوحه ؟
اماني: اي لكن بدايه السبوع الجاي عندنا إجتماع مهم واكيد انت ضروري تحضر
قيس: إجتماع شنو ؟ ... اني لاغي اي إجتماع الفترة هادي
اماني: اي بس شركه الإسمنت مش حاتقدر تجيبلنا الطلبيه في الشهر الجاي ... وكلموني قالو يالشهر هدا ياتعاملو مع شركه تانيه ... وانت عارف من يوم يومنا واحني مع نفس الشركه وتساعد فينا هلبا .... مانقدروش نلغو العقد
قيس: تي كيف هكي 😠... اني من الأول متفق معاهم شهر 7 اصلا المخازن معبيه ومافيش وين نحطوها الطلبيه
اماني: هدا الي صار .... وهدا علاش كلمتك تعالا واتفق معاهم
قيس: به به يصير خير 😪
اماني: اوكي مانعطلش عليك وكلمني وقولي شن صار معاك
قيس: تمام ... تصبحي ع خير
اماني: تلاقي الخير😏
"هه وهكي انخليه يرجع السبوع هدا .... توا خليني نكلم الشركه ونقلهم يقدمو الطلبيه "
.
.
.
.
~
.
.
.
~
اني: خيرها شن تبي 😒
قيس: عندي اجتماع مهم السبوع الجاي وضروري نرجع لي باريس
اني: 😳 شنو قيس اكيد تبصر وله 😢
قيس: للأسف لا
اني: بس احني من الأول متفقين السبوع هدا حانقعدو في ليبيا ..... وبعدين كلمت سجى وقلتلها حانجو لي تركيا
قيس: هدا الي صار ... مرة تانيه ياحبيبي نمشو لي تركيا
اني: قيس مايصيرش الكلام هدا 😠 بعدين قعدة نبي نقعد في ليبيا اني
قيس: ميرال خيرك انتي 😠 ... افهمي النم قتلك اجتماع مهم
اني: خلاص برة ودير إجتماعك بروحك 😠
قيس: شن تقولي انتي 😠
اني: شيء 😒
قيس: تمام 😠.... واني غدوة بنحجز التذاكر وتي الشناطي من توا
اني : وتي شنطك بروحك اني مش ماشيه😠 ... ونضت من ع الأرض وسكرت الدولاب بالقوة ✨
قيس: ميرال 😠
مشيت للباب من غير مانشبحله وطلعت من الدار بسرعه .... تيي😠 الهم الأحرف تو هادي كيف يتفاهم معاها الزح
~
~
عمتي: خيره صوت قيس عالي خيركم😳
اني: اا لالا صوت التلفزيون.. عمي وين ؟
عمتي: في الجامع يصلي في العشي
اني : اها .. وقعمزت جنبها وقعدنا نتفرجو ✨
.
.
.
.
~
.
.
.
.
.
~
بو تسنيم : شن تسنيم شن قالت بتسافر ولابترحع لي فراس
امها: قالت بنسافر ومعش نبيه 😪
بوها : ااااه بتهبلني البنت هادي 😪
امها: حرام نضيعو فراس من يدنا ..... بعدين البنت بتسافر من بيجاها في الغربه وينقطع نصيبها
بوها: هي الي بتتزوج وبتعيش معاه تختار الي تبيه مانقدرش نغصبها .... وبعدين شن ينقطع نصيبها شن الكلام هدا ... كل شيء نصيب من ربي
امها: ونعم بالله
بوها: وينها هيا ؟
امها: روحت من ميرال رقدت طول
بوها : ربي يصبرني علاها ... قعدة لاماكله لاشيء ... تو الواحد كيف يتفاهم معاها .... ونشد في اعصابي بالسيف
امها: اهدا الله يربحك راس بنيه وهكي .... امالا كان زي الناس عندنا 5 و6
بوها: ماهو هدا شن مهبلها ... من يوم يومنا واحني مدلعينها والي تبيه عندها مش كان راس بنيه نخلوها تفلت واضيع من بين يدينا
امها: شن تفلت ماتفلت تسنيم عمرها مادارت الغلط .... وهادي مرحله عاديه واي بنت تمر باها
بوها: به به .... جيبيلي عشاي عندي ملفات مرضه بنشوفهم وبنخش نرقد
امها: هالمستشفى الحرفه 😠.... حتي وانت واخد اجازة وقاعد معانا شاغلاتك علينا
بوها: هدا شغلي ... واستغفري ربك يامرا هادم ارواح ناس وضروري نهتم بيهم
ناضت من غير ماترد عليه ✨
.
.
.
.
~
.
.
.
.
.
~
عمتي: اني بنرقد مع عمك .... قيس وينه خيره مانزلش
اني: باعتتله الشركه ملفات يراجع فيهم
عمتي: به امالا ربي يعاونه .... اني راكبه وانتي كان بترقدي سكري التلفزيون
اني: به حاضر
ركبت عمتي .... واني قعدت نقلب في القنوات وكسدت مافيش حاجه نتفرجها سكرته .... وخشيت للكوجينه شربت اميه وطلعت ..... واني راكبه قابلتني دار سجي ... تفكرت دكراياتنا .... فتحتها وخشيتلها ... قعدت نتفرج علي كل زاويه فاها وعلي كل ذكرة صارت فاها ... فتحت الروشن وطول قابلني حوشنا ..... نغصيت ودمعتي نزلت ..... حسيت بيدين نلفو علي خصري ونفس علي رقبتي .... تلفتت لقيت قيس .... رجعت شبحت للروشن واني ساكته .... نسمه بسيطه خاشه من الروشن .... والجو ربيع وكيف بيخش الصيف ..... شجرة الياسمين الي علي حيط حوشنا ومقابله روشن الدار .... ريحه الياسمين والفل ... تنهدت.... سكرت عيوني وقعدت ناخد في شهيق وزفير .... حسيت بحاجه إداعب في رقبتي . .....وأنفاسه وهو يتكلم
قيس: مش بقصدي نحرمك من بلادك ومن هواها .... ولامن حوشك ودكراياتك .... انتي عارفة طبيعه شغلي .... واني مليت من الغربه ..... صح ماقعدناش هلبا .... بس والله ملل من غير بلادك ولهجتك .... صدقيني حاندير كل شيء باش نرجعو ....
اني: قيس اني مش ضدك .... بالعكس حلو الواحد لما يطور من نفسه وتاخده شركه وتسفره .... واني معاك.... بس اقل شيء خلينا نجو من فترة لي فترة .... خلي وقت لي شغلك ... ووقت لي عيلتك
لفني ليه وقاملي وجهي .... خلا عيني تجي في عينه .... وتكلم ....
قيس: حاضر ... انتي عارفة لولا الشغل الي جي فجأه كنا قعدنا اكتر
اني: حبيبي شن رايك نطلعو نقعمزو في الجنان الجو يهبل
قيس: حاضر ياعيون حبيبك .... هي تعالي
اني: شويا بس .... وسكرت الروشن .... هيا
طلعت اني وياه وسكرت الضيء والباب . ... ونزلنا بالشويا فتحنا الباب وطلعنا ....
اني: لالا ماتاخدش كراسي نبي نقعمز لوطا
قيس: صقع عليك
اني: لالا الجو حلو ... هي تعالا
قيس: زي ماتبي
قعمز قيس واتكى ع الحيط .... قعمزت جنبه وحطيت راسي ع كتفه ... سكتنا الزوز وقعدنا نتأملو في السماء ..... مافيش الا ضيء القمر .... والسمي معبيه نجوم ..... والهواء الي ريحته ورد .... كان الجو ولاأروع من هكي .... تنفسنا الزوز بالقوة .... وتكلم قيس ...
قيس: تتفكري ايامات الصيف
اني إبتسمت : كنت مانروحش من عندكم بكل .... وهدا مكانا اني وسجى نقعدو لي نص الليل ....
قيس: كان صوت ضحككم معبي الحوش ....
اني: وتطلعنا من روشن دارك وتقعد تهزب فينا
قيس: وانتي لسانك مايهنيكش وتردي الكلمه بعشرة
اني: ههههههههه قيس تتفكر لما بزعت عليا مالقي الميه
قيس: هههههههه موقف عمري ماننساه هههههه جاب ربي الي كان جنبي مالقي إميه
اني: لولا تدخل عمتي كنت عضيتك ههههه
قيس: هههههه لكن منضرك خيال قعدتي دقايق وانتي واقفة وتشبحيلي بغل هههههه خفت منك
اني: كنت تحب تنرفزني
قيس: تعرفي مرات نتعمد اناشبك
اني: حبيتك من غير مانحس
قيس: خديتي قلبي وسكنتيه
اني: قيس انت هدية من عند ربي .... ربي عوضني علي كل عيلتي بيك انت
لف يده علي خصري وباس راسي: وانتي بنوتي ... وحبيبتي ... وعيلتي ... ربي يقدرني نسعدك ومانقصرش معاك
اني: اكتر حاجه فرحتني في حياتي كلها .... يوم بادلتني نفس مشاعري
قيس: في كل صلاة ندعي ربي انك تحبيني ولو جزء بسيط من حبي ليك ...
اني: حبنا كبير قيس خلينا نحافظو عليه
قيس : اكيد ياعمري عمري مانفرط فيك
تنهدت ودخلت راسي في حضنه : نحب ريحه الدخان علي صدرك ❤
قيس: واني نحبك كلك ❤
وقعدنا لي نص الليل واحني مقعمزين في الجنان ونهدرزو ✨
