منقولة
🌷#اليتيمة🌷600كومنت الحلقه 20 خميس عاد قيمو القدر
🌷الحلقة التاسعة عشر🌷
_________________________________✨
ع امال : بنكلمك في موضوع وردي عليا كأني امك وماتتحشميش مني
اني:😳 انشالله شن فيه
ع امال: حكتلي كل شيء انه قيس بيسافر ويبي يتزوج وع اساس هو قال دوريلي اي وحدة ماعنديش مشكله وعمتي تبيني اني ✨
اني:😳 هه بصراحه فاجأتيني ياعمتي 😳 وقيس زي خوي مانقدرش نفكر فيه بي حاجه تانيه😳
ع امال حطت ايدها علي إيدي: مافيش حاجه اسمها زي خوي يابنتي انتي بنتي وهو ولدي وتعرفيه قداش ليك والله نتمناك كنتي وماتبعدي عليا هو صح قيس صعب شوي وعنده عقدة من البنات لكن صدقيني مافيش احن من قلبه مش تقولي تشكر في ولدها لا راهو زي ماقتلك هو ولدي وانتي بنتي وماعندي فرق بينكم وكان نعرف انه مش مناسب ليك صدقيني مستحيل نوافق علي الشيء هدا لكن انتي وقيس طالعين علي بعضكم وياريت تكونو من نصيب بعض انتي البنت الي نباها كنتي والي نطمن علي قيس معاها ❤
اني: بس ياعميمه اني وقيس مش زي بعض انتي تشوفي فينا احني هكي ومانتفاهموش وديما بعراكنا لابال نتجوزه ويبدا ليه كلمه عليا وفوق هدا بنسكنو برة يعني لاأهل ولاشيء 😔
ع امال: يابنيتي الراجل علي مراته هي لي تغيره للأحسن وللأسوى صدقيني مع شويه اهتمام وتاخدي رايه وماتعانديشي يحطك فوق راسه وميقصر معاك في شيء ❤
اني: بس ...
عمتي قصت عليا: مانبيش منك جواب توا فكري وردي عليا ومش تتحشمي مني ولامن عمك لالا كأني امك وهدا رايك ومافيش حاجه بالغصب الي تبيه احني فيه ❤
اني حسيت كأنه ماما مقعمزة قدامي وتنصح فيا وتخاف عليا عيوني تعبو دموع وحضنتها: شكرا لأنكم معاي ❤
ع امال قعدت تمسحلي ع شعري: هي سادك من الدموع عويناتك الحلوات نتفخو من البكي ❤
اني قعدت نمسح في دموعي ونضحك ✨
ع امال: سلمها ياربي ايوه ديما اضحكي مافيش حاجه تستهال❤
اني: انشالله ❤
ع امال: هي تعالي ننزلو تو سجي تقول راحو😁
اني: ههههه هي
ومسحت دموعي ولبست وشاحي ونزلنا ✨
~
~
سجي: نحساب خطفوكم😒
ع امال: وواااووو من هالفرخه😒
اني: في موضوع بيني وبين عميمه مش للصغار😌
سجي: انتي ياكبيرة😂
ع امال: نوضي انتي وياها نوضو ديرو بيتزا عشانه امبكري قيس جاب حاجاتها
سجي: امباه😒
ونضت اني وسجي خشينا للمطبخ✨
سجي سكرت الباب وجتني✨
سجي: هي ياحبي احكيلي شن قتلك ماما😁
اني نطلع في الطماطم من الثلاجه: ماليكش علاقة😏
سجي: باهي ياميمي 😠 والله لما تندمي😒
اني: ههههه تعالي قعمزي تعالي
سجي جبدت الكرسي وقعمزت واني قعمزت جنبها✨
وحكيتلها كل شيء✨
سجي: وانتي شن رايك 💔
اني نضت نرحي في الطماطم للصالصه: انتي عارفة رايي
سجي ناضت وقفت جنبي: لا مش عارفة
اني: تي شن مش عارفة ياسجي 😒 تو بالله عليك اني وقيس نقدرو نعيشو مع بعض والله يانقتله يايقتلني ✨
سجي: شوفي ياميمي انتي عارفة مكانتك عندي شني من غير مانتكلم وقيس خوي وعارفة طبعه وعارفه عصبيته الزايدة لكن أحن من قلبه مافيش وتقدري تغيريه مع شويه اهتمام
اني قصيت علاها: مش اني البنت الي تقدر تغير قيس بعدين علاش نتعب في روحي ونعيش معاه وهو لايطيقني ولانطيقه الموضوع هدا سكرته وتو نكلم عميمه ونقولها لا وادورله علي بنت قبل مايسافر ✨
سجي: علي خاطر يزن بتقولي لا💔
اني شبحتلها : هه يزن طلع زيه زي غيري الوعود الي قالهالي وانه مش حايتخلا عليا ويحبني كلها طلعت وهم وشوفه عينك اختفي من حياتي فجأة زي مادخل عليها فجأه وبعدين اني عمري مافكرت فيه كاحبيب باش نرفض قيس علي خاطره
سجي: صدقيني الا فيه مشاعر بينك وبين قيس والمشاكل الي بيناتكم كلها حاتتحول للحب وقولي قالتها سجي واول دليل علاش ختارك انتي مش غيرك ✨
وطلعت لي دار الخزين بتجيب دقيق وخلتي واقفة بروحي ✨
اني : هه شن تخرط هادي مافيش منها الدوة مستحييلل😣😣
