منقولة
🌷#اليتيمة🌷 زي مانكم عارفين 1200 تعليق تنزل الي بعدها هيا خليكم سرعين😘نا ماقصرتش وانتم ماتقصروش😉
🌷الحلقة الرابعه والثلاثون🌷
_________________________________✨
نضت من السرير خشيت للحمام غسلت وجهي وطلعت
قعمزت في فراشي كان مقابل الدروج وحطيت راسي علي رجليا ودموعي نزلو لإراديا
وسمعت صووت غالي عليا صووت مستاحشاته صوت شخص يفهمني ويقدر يواسيني
قمت راسي وشفت سجي واقفة في الدروج وعيونها معبيات دموع
سجي: استاحشت انجي لي حوشكم ونلقاك مقعمزة هني😢
اني: وتقوليلي كيف يسد فيك الفراش وهو صغير😢
سجي؛ وتردي عليا يسدني ويسدك تعالي جربي 😢
اني: وانتي تجي وتقعمزي جنبي 😢
سجي: ويسدنا الزوز ونقعدو نهدرزو 😢
اني: ويجي خالد يلقانا لاصقين في بعض ويقول من قله المكانات معش لقيتو وين تقعمزو😢
سجي: وترد عليه عمتي الوحيدة الي تخلاها تقعمز معاها هي سجي😢
اني: استاحشتهم ياسجي علاش هكي بس😭
سجي وهي تمشي: الله يرحمهم ويغفرلهم😢
اني : مش قادرة نعيش من غيرهم😭 والله😭
سجي وصلتني قعمزت ع ركابها وضمتني وهي تبكي واني نبكي "ماقلناش ولاحرف حوالي 10 دقايق واحني علي هالحال"
بعدت سجي عليا وتمسح في دموعها: استاحشتك الحوش كساد من غيرك😢
اني: امالا اني شن نقول😢 وفي بلاد بروحي😢
سجي: كلمي قيس وولو خلاص سادكم😢
اني: مش عارفة عمري مافتحت معاه الموضوع تو نشوف😢
سجي وقفت :😱 حي علياا
اني: بسم الله خيرك😳
سجي: هاربه من بابا قالي ماتمشيلهاش😂 خليته يمشي لي صلاه المغرب وماما خشت تصلي وجيتك نجري😂
اني: هههههه وعلاش ماخلاكش تجي
سجي: قالي خليهم يرتاحو وتو هما يجو في الليل
اني: ههههه كنت راقدة ماحسيتش بالوقت
سجي: وقيس وين
اني: راقد حتي هو
سجي: وينه ماشفتاش في الصاله
اني: لا في الدار
سجي:😳 وانتي وين كنتي راقدة
اني: في الدار 😳
سجي:😱 اوومايقاد وتقولي مافيه شيء وانتم راقدين مع بعض😂
اني: نقصي صوتك تو يسمعك😳 بعدين عادي نرقدو مع بعض من زمان
سجي: اي مش نفس سرير زوجي زي سرير فردي صار كنتم 🙊
اني: طيح سعدك عينك 😳
سجي: ههههه به المهم هيا ماتعطليش نوضي قيس وتعالي وحتي سيمو جايه
اني: الله😍 تموم انوضه ونجي
حقا كيف خشيتي انتي😳
سجي: ماهو مخليه مفتاح احتياطي عندي😁
اني: هههه اها
سجي: اي هي سلام قبل مايحصل عليا بابا
اني: ههههه سلام
ونزلت تجري ✨
واني خشيت بنوض قيس لقيته نايض متكي ع السرير ويدخن✨
اني: امت نضت
قيس: علي عياطك انتي وسجي
اني: اها به بنمشي لي حوشكم
قيس: تمام حتي اني طالع بنشوف وليد
اني: به نلبس وشاحي ونطلع معاك
قيس: علي ماغسلت وجهي
خش قيس للحمام واني قعدت نساوي في وشاحي وضميت الدار وسكرتها
علي طلعت قيس من الحمام : هيا
اني: هيا
وطلعنا من الحوش وسكرته وكيف بنخش لي حوشهم وقف قدامي : الي يصير بيناتنا ياريت معش تحكيه لي حد مش ضروري يعرفو كل أخبارنا😒
اني: ااا 😳
وقبل مانتكلم ركب في سيارته ومشي ✨
واني خشيت للحوش
ع امال: اهلا اهلا بعروستنا الحمدلله ع سلامتك
اني سلمت علاها: الله يسلمك 😘
ع امال: والله خليتي مكانك شن اخبارك وشن اخبار قيس معاك
اني: الحمدلله كويس
ع امال: سجي ياسجي اهي ميرال جت وانتي من بكري تنقي تبي تمشيلها
اني شديت ضحكتي
سجي طلعت من دراها تجري ع اساس مش شايفتني : الحمدلله ع سلامتك
اني: هههه صار تبي تمشيلي
سجي: عنشكلك سكري فمك 😁
علي خشت عمي للحوش : اووو ميرال واني نقول خيره الحوش منور
اني: منور بصحابه ونضت سلمت عليه
عمي: شن حالك وحال فرنسا
اني: الحمدلله لكن ليبيا خير
سجي: ايااه خلاص نبدلو معناها😂
اني: اديري فيا خير
عمي: امالا قيس وين
اني: طلع قال بنسلم علي وليد
عمي: اها باهي كويس
ع امال: حسه الباب
سجي: اكيدة تسنيم نمشي نفتح
عمي: خلاص امشي لي صاحباتك اكيد مستاحشتهم
اني: نستأدن منكم
~
~
~
