Arrow Perez
Nakangiting nilapag ko ang tray sa harapan nila Juana at Homer.
"Kain muna kayo," nakangiti kong sabi.
"Hay, ang bait talaga nito ni twinnie," maarteng sabi ni Juana 'saka kinuha ang juice sa tray.
"Anong twinnie?" kunot noong tanong ni Homer.
"Twinnie, duh, kakambal sa kagandahan." Pinitik pa ni Juana ang imaginary na mahabang buhok.
Napatawa ako nang makita kung paano sumama ang mukha ni Homer sa narinig.
"Ang kapal talaga ng apog mo, Juanito Marcelo," madiin na sambit ni Homer kaya mas lalo pa akong natawa.
Kitang-kita kung paano umusok ang ilong ni Juana sa galit.
"Napaka-epal mo talaga sa kahit anong paraan, Homer, ano?" irap ni Juana rito.
"Matagal na, since birth," nangingising sagot naman ng huli.
"Uy, huwag na kayong mag-away. Atsaka hindi ka naman talaga maganda, Juana, kasi gwapo ka. Kung lalaki ka nga lang may crush na talaga ako sa 'yo." Tinapik ko pa ang balikat niya matapos sambitin iyon.
Napahagikhik ako nang makita ang pagpula ng mga tainga niya.
"A-Ano? Malabo 'yon!" sabi niya.
Napanguso na lang ako sa sinagot niya. Sana talaga ay maging lalaki na siya para may pag-asa pa silang dalawa ni Saiko.
"Bakit nga pala kayo nandito? Alam ko namang hindi lang dahil sa gusto ninyong mangamusta kaya kayo nandito," paninigurado ko.
Bahagya pang nasamid si Homer kaya mabilis ko siyang dinaluhan.
"Actually nandito kami kasi may gusto kaming itanong," diretsyong saad niya matapos mahimasmasan.
"Ano naman 'yon?" nagtataka kong tanong.
Tungkol saan naman kaya? Sa acads? O baka naman tungkol kay Sabrina?
"I saw the incident inside the Cafeteria, few days ago. Froze started acting strange since that day, kaya may gusto lang kaming siguraduhin," panimula ni Juana.
Tumango lang ako.
"May something ba kayo?" Bigla na lang akong nanlamig sa kinatatayuan ko dahil sa tinanong ni Juana.
"Wala! Walang something," mabilis kong pagtanggi.
Mukhang katulad lang din sila nila Sabrina dahil nanunudyo pa silang tumitig sa akin.
"Sabi sa akin ni Miyuki nag-kiss daw kayo," sumisipol na turan ni Homer.
Pinamulahan ako ng mukha sa narinig. Nakakahiya.
"M-Masama ba 'yon?" kinakabahang tanong ko.
Natatawang umiling si Homer. "Hindi 'yon masama, Arrow, that's good for your health."
Wala sa sariling napatango ako. Hindi ko alam na mabuti pala iyon sa kalusugan, wala naman kasing nasasabi sa akin sila mommy at daddy.
Ang sabi lang nila ay sabihin ko sa kanila kung sino ang hahalik sa akin.
Siguro para mapasalamatan nila dahil sa pagbigay ng mabuting kalusugan sa akin. Ang powerful pala ng halik.
"Puwede ko rin ba kayong halikan?"
Nagulat ako nang sabay nilang maibuga ang iniinom.
"Naku! Ayos lang ba kayo?" nag-aalalang dinaluhan ko silang dalawa.
Mukhang ayos naman sila dahil tawa lang sila nang tawa.
"Hindi mo kami puwedeng halikan, baka maaga kaming mamaalam sa mundong 'to. Atsaka isa pa, Arrow, kung sino yung unang nanghalik sa 'yo, siya lang ang puwede mong halikan. Hindi na kasi healthy kapag sa iba," paliwanag ni Homer.
Napatango naman ako. Ang galing pala nilang dalawa sa mga ganitong bagay. Sana med na lang ang kinuha nila.
"Sige, salamat sa inyo. Ngayon ko labg nalaman yung nga ganiyang bagay," nakangiti kong sabi.
Kitang-kita ko ang pagpipigil ni Juana sa pagtawa kaya pinagmasdan ko siya. Nginitian niya lang ako kaya ngumiti naman agad ako pabalik.
"Arrow, isa pang advice, para mas healthy. Mas mabuti kung araw-araw mong gawin kasama si Froze. Healthy talaga 'yon, hindi ka na dadapuan ng germs." Wow, ang galing talaga ni Homer.
"Naku, salamat talaga, buti na lang nandiyan kayo." Sobrang galing talaga nila.
"Oo naman, Arrow, magaling talaga kami," nakangising saad ni Juana.
Napaisip tuloy ako bigla. Kaya pala laging nagki-kiss si mommy at daddy, kasi healthy 'yon.
Hindi naman nagkakasakit si mommy at daddy kaya marahil ay totoo nga ang sinasabi nila Homer.
Pero nakakahiya naman kay Froze, kaso para sa kaniya rin naman 'yon, e.
Mabuti na ang malusog at malakas.
Napalingon kami sa pintuan nang bumukas iyon. Bumungad sa amin ang tatlo kong kaibigan na galing sa gymnasium.
"Hello, nandito sila Homer," nakangiti kong sabi.
Namumulang lumingon si Saiko at Sabrina sa mga tao sa harapan ko.
"Hi, babe. Beautiful as ever," malanding saad ni Homer kay Sabrina na tumayo pa talaga para halikan si Sabrina sa pisngi.
Napahagikhik ako nang makita kung paano kiligin ang kaibigan ko.
"T-Thank you," namumulang sagot ni Sabrina kay Homer.
Pero pinanlakihan ako ng mata nang biglang itulak ni Juana si Homer kay Sabrina kaya ang ending... Nag-kiss sila!
Parehas pa silang nagulat at agad na napahiwalay sa isa't isa.
"Bakit kayo naghiwalay? Hindi ba healthy 'yon?" nagtatakang tanong ko kay Homer.
"Oo naman, healthy talaga 'yon. Hindi ba, babe?" nakangising tanong ni Homer sa kaibigan ko na sobrang pula ng mukha.
"T-Tumigil ka nga! Pervert!" naaasar na sigaw ni Sabrina bago padabog ba tumakbo palayo.
Pervert?
Bakit naman magiging manyak si Homer?
Siguro hindi gusto ni Sabrina maging healthy. Gusto niya ang figure niya ngayon, siguro nga.
"Sige na, mauna na kami, Arrow. Baka mahimatay na 'tong katabi ko dahil sa kilig," natatawang saad ni Juana habang nakakapit sa braso ni Homer.
"Okay, ingat kayo, inom ka agad ng gamot Homer para gumaling ka agad," sagot ko.
Alanganin siyang tumango. "S-Sure, kispirin na lang ang iinumin ko para sure."
"Kispirin? Ano 'yon? Mabisa ba 'yon?" nagtatakang tanong ko sa kanilang lahat.
"Ayos, Arrow, kaonti na lang talaga makakaltukan na kita sa pagiging inosente mo!" frustrated ang boses na sigaw ni Saiko.
Napanguso na lang ako sa tabi.
"Alis na kami," paalam ni Homer.
Hinatid ko muna silang dalawa sa pinto bago kumaway.
"Ba-bye!" nakangiting sabi ko.
Kumaway din sila pabalik bago tuluyang mawala sa paningin namin.
"Anong pinag-usapan ninyo nila Juana, Arrow?" mabilis na usisa sa akin ni Saiko.
"Tungkol sa kiss," sagot ko.
Nangunot ang noo niya. "Kiss?"
"Sabi nila healthy raw iyon. Lalo na kapag kay Froze ko ginagawa. Dapat daw araw-araw," sagot ko.
Natatawang umiling silang dalawa ni Miyuki.
"Healthy nga talaga, Arrow."