اشلونكم حبايب گلبي 😘 البارت طويل لعيونكم استمتعوا بالقراءة 😍
لا تنسوني بالفوت 👈⭐ والتعليق على الفقرات 👈💬 قبل متقرأون 😘
احبكم واموت عليكم وشكرا عاى تعليقاتكم العسل مثلكم اعوفكم مع البارت 😍
هند:
_جود احجي شيء لا اضل ساكت هيج والله ما گدرت امنعه اقوة مني جود.😢
احجي وابرر واني ادموعي متوگف دون ارادتي اينزلن اشوفه ايباوع علي وعصبي عيونه يجدحن وجهه احمر وعروقه برزن وايده يقبض عليها بعصبية واني ما سكتت اريده يحجي ايرزلني ايصيح ايسوي ايشي بس لا يكبت بنفسه گلتله بعد ما يأست انه مراح ايجاوبني:
_احجي وياي جود صيح رزل ذب حرگتك بية اتحملك بس لا تكبت بنفسك حبيبي والله مو بيدي شسوي گلي شسوي؟
هو ماكو اي رد فعل نفس وضعه بس يباوع علي وعصبي مرن كم دقيقة ما حجينا شيء قطعه هو من گال وصدمني:
_تصبحين على خير.
وسد التليفون حتى قبل لا اجاوبه اتصلت عليه اكثر من مرة ميرد واخر اتصال طلع رقمه مغلق اني اتخبلت گعدت بالگاع ملخت روحي من البجي واضرب بوجهي انهاريت كلش وشمرت التليفون وگعدت ابجي لحد ما نمت بمكاني دون ما احس وگعدت ثاني يوم الفجر الساعة 4:30ص اخذت التليفون واتصلت على جود يطلع مغلق اختنگت كلش وادموعي رجعن اينزلن بدون صوت ضل هيج يومين تليفونه مغلق واذا فتحه واتصل عليه ميجاوبني ولا على مسجاتي ايشوفهن بس ميرد اني لا اكل ولا اشرب ومرتين اتخربطت وحابسة نفسي بالغرفة ومرام ورزان ايصيحلي على الاكل او يردن ايفوتن اگللهن تعبانة اريد انام وهن ما ايلحن ايعوفني ويرحن حتى ماما هم ما اطلعلها كل همي وتفكيري هو جود وشنو وضعه اشتاقيتله كلش كتبتله رسالة كتبت بيها:
اعرف زعلان وضايج مني وحقك ما الومك بس حط نفسك مكاني شتسوي؟
والله مو بيدي جود صار غصباً علي حبيبي تعرف بس انت بگلبي وانت وحدك ساكن روحي وعقلي وكلشي ايخصني هو الك وحدك.
جدي حجة وياي بموضوع الزواج من جلال واني رفضت ومن سألني على السبب گلتله:
_اريد اكمل دراسي واحظر مستقبلي واعتمد على نفسي ما اشوف نفسي اگدر اتحمل مسؤولية بيت واطفال بهذا الوقت واتمنى تفهمني وما تجبروني.
هو ابتسملي وما عارض قراري وگال:
_لتردي يجرالج.
جلال من سمع قراري وقرار جدي اتعصب كلش وهددني اذا ما اغير رأيي واوافق من يطلبني مرة ثانية ينهي علي وازوجه اجباري.
جود ما اصير لغيرك صدگني حبيبي اموت وما اكون زوجة لغيرك ما اشوف غيرك رجلي وابو بيتي واب جهالي وسندي لا تكسر ظهري بفراگك اكتل روحي والله.
ماشي لا اتجاوبني براحتك بس اعرف اني ما حبيت ولا راح احب احد غيرك حبيبي هند لجود ومستحيل احد يملك گلبها غير حبيبها.
احبك جود وسامحني.
باي 💋
دزيتها وشمرت التليفون فتت للحمام كنت مكتأبه كلش وگلبي محروگ مشتاقتله وگلبي ايلوب بس يريد يسمع صوته او ايحس بأنفاسه اشسويت بية اني وين والحب وين 😢
فتحت الدوش على المي البارد جان ثلج ودخلت جواه اني وملابسي انهد حيلي وما اگدر اسوي ايشي گمت ابجي وما حسيت بشي بعد.
جود:
من اخر مرة اتصلت بيها على هند واني فاير من العصبية وگلبي محروگ كرهت الساعة الطلعت بيها من العراق وعفت گلبي لعيون ما ترحم وناس تافهة ما تعرف قيمتها اعرف هي مالها ذنب وما تگدر ادافع على نفسها وهذا ال*** احسابة عندي ما حاجيتها شيء وسديت التليفون وما اتصلت بيها بعد لانه من اتعصب اتجاوز بالحجي وما اريد اجرحها لذلك عفتها وعلي عرف بسالفتي وياها وباركلي من عرف وبذيج الليلة هو كان طالع ايجيب العشة ومن رجع وشافني عصبي ومكسر الغرفة ومدخن باكيت كامل اني نادرا ما ادخن بس من اكون باقسى درجات حزني او عصبيتي هو من شافني هيج ضل ايلح ايريد يعرف شكو احنا ما انضم شيء على بعضنا من زمان وگلتله هو گال:
_تگدر اتروح وتطلبها وخصوصا هم كلهم ايحبوك مراح ايرفضون.
اني گلتله:
_وهو هيج المحكمة باجر وراح انهيها بجلسة وحدة ونرجع بسرعة ما اگدر ابقى اكثر هنا.
هو گال:
_ان شاء الله
تعشينا ونمنا واني كل تفكيري يمها يومين ما امحاجيها اجتني رسالة منها قبل لا انام قلقت كلش من قريتها واتصلت عليها ما اتجاوبني يمكن نايمة ما لحيت عليها ونمت ثاني يوم گعدت الساعة 7:30ص بعد نص ساعة موعد المحكمة گعدت علي واتريگنا وبدلنا واخذت اوراقي اتفقدت تليفوني قبل لا نطلع ماكو لا اتصال ولا رسالة منها گلت من ارجع اشوفها اشبيها لازم انهي موضوع المحكمة اليوم رحنا للمحكمة ونهيتها بجلسة وحدة لانه كنت جامع ادلة قوية انه علي ماله علاقة بالأسلحة وتسجيلات الكاميرات مال السفينة ساعدتني وعرفنا المحملهن واحد من العمال الأجانب الي متعاقد وياهم علي وهذا العامل امريكي وقررت المحكمة وفق الادلة علي بريئاً من التهمة وراح يدفعولة تعويضات على التأخير الي اتسببوه لبضاعته وراح ايحاكمون العامل وفق قوانين بلده ومحاكمهم واطونه الأذن بالسفر ورجع سجل علي نضيف من اي تهمة هو فرح خطية وحضني واتشكر مني هواي واني گلتله:
_حبيبي هذا واجبي اذا اخوك ما سندك منو يسندك.
هو گال:
_ونعم الأخ وين الگة مثلك اوگفلك بعرسك ان شاء الله انت والحب.😉
اني ضحكت وگلتله:
_اذا لحگت عليها اول شيء.
هو گال:
_اتلحگ والطيارة بعد ساعتين حجزتها البارحة.
اني گلتله بصدمة:
_اشلون حجزتها واني دورت على رحلة قريبة ملگيت اقرب شي بعد اسبوع.
هو ضحك وگال:
_طبعا لانه طيارة خاصة يلة يادوب انلحگ انلم غراضنا صحيح جبتلهم هدايا لو لا؟
اني گلتله:
_جبتلهم كلهم لتخاف امشي خلي نطلع ما اصدگ اشوكت اوصل للعراق.
هو ابتسم بخبث وگال:
_للعراق لو للحب يا العاشق الولهان.😉
ضوبته بصدرة واخذت جنطتي وسدريتي وطلعت وهو يضحك وراي ابتسمت رجعنا للفندق لمينا غراضنا وبوجهنا للمطار كانوا منتظرينا الرحلة اطول 15 ساعة على جرة وحدة مر الوكت واني نايم وعلي هم او نسمع اغاني او انشوف افلام من الملل هلكنا من التعب لحد ما وصلنا لمطار بغداد نزلنا من الطيارة واخذنا غراضنا واني ودعت علي بالمطار واجرت تكسي للبصرة بوجهي ما اريد اتأخر شغلت تلفوني بعد ما حطيت خطي العراقي واتصلت على رزان وگلتلها بعد ما جاوبتني:
_اشلونج حبيبتي امي اشلونها؟
هي من صوتها احسها متوترة وخايفة گالت:
_الحمد لله حبيبي انت اشلونك؟
اني گلتلها:
_الحمد لله ليش احسج متوترة وخايفة صاير شيء؟
هي گالت بتوتر اكثر:
_ماكو شي حبيبي تتوهم.
گلتلها بصرامة:
_رزان اعرفج اكثر من ما اتعرفين نفسج گولي شكو شصاير؟ امي بيها شي؟ او انتي والطفل بيكم شي احجي؟
هي گالتلي انها حامل اول ما عرفت بحملها وكلش فرحتلها ما امصدگ راح اصير خال لابن العنيدة 😂 هي گالت وتبجي موتتني ياريتها ما حجت احس گلبي وگف و روحي طلعت مني:
_هند مريضة وهسة احنا بالمستشفى ودخلوها غرفة العناية ومنعونا انشوفها.
گلتلها بخوف:
_بأي مستشفى؟ واشبيها ما گالوا ليش تعبت فجأة؟
هي گالت:
_بمستشفى *** گالوا عدها ضعف عام وفقر دم حاد وحطولها دم ومغذي وگالوا دخلت بغيبوبة مؤقتة رافضة الحياة وجسمها ما يتقبل اي علاج.
اني اتخبلت گلت لأبو التكسي ايوديني للمستشفى رأساً وگلت لرزان بهدوء عكس زلازل گلبي:
_اهدي ولا اتخافين ما بيها شي وراح تگعد اعرفها مو ضعيفة وراح تتجاوز هاي المرحلة.
باوعت على ساعتي وعلى المنطقة دخلنا البصرة گلتلها:
_اني ساعة واكون بالمستشفى انتي هناك؟
هي گالت بصدمة:
_اي هناك ليش ما گلت راح تجي اليوم؟
گلتلها واني اهدي نفسي لانه متوتر كلش وخايف على الخبلة مالتي لا ايصيرلها شي واريد بس اوصللها:
_لان ردت افاجئكم وحتى الشيخ ميكلف نفسه بالذبايح والعشة اذا عرف بجيتي.
هي گالت:
_تمام حبيبي ننتظرك الحمد لله على السلامة.
گلتلها:
_الله يسلمج.
ودعتها وسديت التليفون وتفكيري وعقلي يم بلوة گلبي بعد ساعة وصلت للمستشفى وشفت كيان وعمر اباب المستشفى من شافوني اجوا سلمت عليهم وهم هم واتحمدولي السلامة السايق نزل الجنط مالتي ودفعتله كروته وراح عمر گلي:
_راح احط الجنط بسيارتي راكنها بالگراج ما اتأخر.
اني گلتله:
_ماكو داعي اطيني المفتاح مالتها اني احطهن لا اتعب نفسك.
گال:
_ماكو تعب اذا اتريد تعال وياي بس لا ادري بيك ملهوف على اختي واتريد اتشوفها لذلك روح شوفها احسن واني اشوية واجي.
اني خجلت منه وگلتله:
_اجي وياك امشي.
هو ضحك وكيان هم يدرون بية احبها ورايدها وحاجي بيها مع عمر وگلتله:
_اريد اطلبها منك ومن الشيخ بس تخلص دورة السنة مال ابوي الله يرحمه.
هو گلي بيومها:
_گبع واخذ ابو حسين ما عندي مانع وين الگة احسن منك لأختي.
وكيان هم فرحلي وباركلي وما عارض وگال متصير لغيرك اطمأن ومن حبيبتي گالت الشيخ فاتحها بموضوع الزوج من ال*** ورفضت وهو ما جبرها عرفت وقتها من رزان عمر وكيان هم مقنعين الشيخ ما يجبرها وگالوله اني خاطبها من عمر قبل جلال والشيخ فرحان بيومها وگال:
_التردوا ايصير ان شاء الله وين نلگة مثل جود زلمة وتشهدله وگفاته والدواوين بشهامته وغيرته وعظم اصله.
كلش فرحت بيومها من موقف الشباب كل يوم ايثبتولي وفائهم واخويتهم وياي وگفاتهم الاخ ما ايسويها لأخوه اني معتز بيهم كلش وهم الله يحفظهم الي ما امحسسني ابد اني غريب ومن يوم خطوبة رزان وكيان گلولي انهم اخوتي واصدقائي وشوكت ميحتاجوني الگاهم بظهري وما جذبوا وزادوا و وفوا بكلامهم زلم گول وفعل.
اخذنا الجنط وحطيناهن بسيارة عمر ورجعنا للمستشفى وسالوني على علي والقضية گلتلهم كلشي هم فرحوا واتحمدولنا السلامة وصلنا لغرفة العناية البيها نبض گلبي وشفت رزان وام كيان وام عمر وابو محمد وحسن بالغرفة يتفحص الأجهزة شفناه من المراية بس حبيبتي ما اتبين حاطين البردة تمنع شوفتها ويحجي مع الممرضة رزان من شافتني اجت حضنتني وتبجي وتتحمدلي السلامة بادلتها وهدأتها وسلمت على الكل واني گلبي ايلوب اريد افوت يم گلبي واريح حفل المرثون البصدري دمرني بس مجرد احساسي هي قريبة مني وما يفصلنا بس كم متر يبدي گلبي اينادي بأسمها وبحبها گلت لعمر:
_اگدر افوت اشوفها؟
هو گال:
_من طلعت لهسة مخلوا احد ايفوت من يطلع حسن انسأله.
اومأتله وانتچيت (اتكأت) على الحايط بتعب وسألته:
_اشلون هيج صار وياها يعني ما معقولة تتخربط وتدخل غيبوبة بدون سبب؟
هو گال:
_والله ما اعرف اني كنت بالمضيف وقت اتخربطت ومن رجعت للبيت افتقدتها ماكو هي والبنات واني يومين مشايفها گلولي بغرفتها رحت عليها قافلة الباب ادكه متجاوب قلقتني واطريت اكسره وادخل ما لگيتها سمعت صوت الدوش بحمامها دگيت باب الحمام ما اتجاوب رحت صحت رزان او سمر ايشوفنها اجت رزان دگت الباب مال الحمام واني واگف وياها ما اتجاوب وقافلة الباب عليها كسرت الباب وفاتت رزان اتشوفها ما سمعت غير اصريخها ادگلي:
_عمر تعال شوفها بسرعة.
اني گلبي انلچم عليها فاتت شفتها جوة الدوش هي وملابسها ومتخربطه وجهها ابيض ركضت عليها وشلتها ورزان راحت اتصيح حسن ايشوفها وسمر اجت غيرت ملابسها كانت منگعة وجسمها ثلج بعد ما فحصها حسن عاط بيا وگال:
_شيلها لازم انوديها للمستشفى بسرعة نبضها ضعيف راح اتموت.
اني اتسودنت وعطت بي:
_ما ايصيرلها شي امشي گدامي شغل السيارة.
هو راح ايشغلها واني شلتها واسعفناها 4 ساعات بغرفة العمليات وهاي حالتها هسة.
اني رجلي بعد متشيلني گعدت على الكراسي وحطيت ايدي على راسي كله بسببي لو بس امجاوبها ما كانت انهارت هيج وما كانت راح اتأذي نفسها كلة من وراي راح اخسرها بغبائي وغيرتي الما حصلت منها بس التعب وحرگان الگلب اني اعلمها الخبلة خلي بس تگعد اشوف اشلون تهمل نفسها بعد طلع حسن وسألناه اذا نگدر انشوفها هو گال:
_اتگدرون بس واحد واحد لانه تحتاج واحد يحجي وياها تكدر تسمع كلشي لازم تگعد قبل مرور 24 ساعة اذا ما گعدت تدخل بغيبوبة الله يعلم اشوكت تگعد منها روحوا مع الممرضة البسوا زي المستشفى وادخلولها اني راح اراجع حالتها مع الدكاترة اذا شفتوا اي حركة او رد فعل منها اطوني خبر فورا.
وراح بعدها ام عمر گالت:
_اني ادخل اشوفها اول شي گلبي ايلوب عليها.
اومأنالها وراحت مع الممرضة كلهم دخلوا بالترتيب واني دخلتلها اخر واحد لبست زي المستشفى ودخلتلها وشفتها الوجه اصفر و ضعفانة والتعب نال من وجهها الحلو والخدود ذبلانة مو مثل ما عفتها دمعت دون ارادتي من شفتها بهاي حالتها اشلون نايمة وما تتحرك والتعب مسيطر عليها گعدت بصفها ولزمت ايدها وگلتلها:
گليبي روحي اعرف بيج اسمعيني حتى لو عيونج غمضن وعقلج يرفض يستجيبلج گلبج مستحيل ينسى ويخون گلبي روحج ما تذبل وروحي بجسمي اعرفج مو ضعيفة وراح ادگعدين وترجعين لحضني راح اتقاومين وترجعيلي لأنج ما اتحبين البعد وماحيته من حياتج ،
اگعدي حبيبتي بسرعة ولا اطولين مشتاقلج ومتلهف احضنج واسكن بوسط گلبج واغرگ بلمعة اعيونج الذابحني،
هند حبيبتي اگعدي هاي النومة مو الج اعرفج اكثر من نفسج مو انتي ليهزج الحزن او مرض بعدين ما اشتاقيتيلي يا الضالمة؟
لا اتحرگين گلبي بفراگج اگعدي حتى اطلبج واشوفج بنص بيتي يا ام جهالي اگعدي يا گليبي.
بستها براسها وبست اديها وگعدت يمها اشوية اتأملها گلبي ما يطيني اطلع واعوفها اجت الممرضة ادگلي اطلع ميصير ابقى اكثر كنت لازم ايدها بستها وجاي اطلع بس هي لازمة ايدي قوي الممرضة مصدومة ركضت اتصيح حسن واني هم اباوع عليها بلهفة واحاجيها وامسح على وجهها ابأيدي اليمنة والأيد اليسرة هي لازمتها:
_حبيبتي افتحي عيونج خلي اشوفهن اشتاقيتلج يا نبض گلبي الحمد لله.
ابوسها بكل وجهها وهي ما تفتح عيونها بس تضغط على ايدي اجة حسن شافها لازمة ايدي حيل هو فتح عينها وفحصها وشاف الأجهزة ابتسم وگال:
_الحمد لله على سلامتها هي تگدر اتسمعك وتستجيب لك تصرف وحركة بس جسمها خدران ، اشوية وتگعد لا اتخاف راح ننقلها لغرفة عادية واتگدرون تبقون يمها.
اني فرحت وگلتله:
_يعني ماكو خطر على حياتها بعد مو صح؟
هو ربت على كتفي وگال:
_طبعا لا اتخاف ما بيها شيء ارتاح هسة بين ما اينقلوها لغرفتها راح ابشر الأهل.
اومأتله وطلع بست ايدها واني طاير من الفرح ما امصدگ حبيبتي ما بيها شيء ورجعتلي سالمة الف الحمد لله الك ياربي رجعتلياها وما حرمتني منها.
جابوا السدية واني شلتها وحطيتها عليها ونقلناها لغرفة عادية والكل يم راسها امها وام كيان ورزان وابو محمد وعمر وكيان واني گاعدين على التخم بالغرفة اشوية ودخل محمد گلناله على حالتها وكيف لأنه ما بيها شي واباوع عليهم كلهم فرحانين وينتظروها تگعد مرت ربع ساعة وگعدت گليبي وهي مستغربة واتباوع بالوجوه رادت تگعد ساعدتها امها ورزان وشافتنا كلنا هي ضلت صافنة علي الكل اتحمدلها السلامة هي ما اتجاوب بس اتباوع علي اتحمدتلها السلامة هي دمعت ودنگت وگالت:
_الله يسلمك.
اني استأذنت حتى اطلع ما اگدر ابقى عيب حتى ياخذون راحتهم كيان سأل حسن قبل لا اطلع گال:
_اشوكت نگدر انطلعها؟
وحسن گله:
_نگدر انطلعها هسة لانه تحاليلها نظيفة وماعدها مشكلة.
عمر گال:
_اني راح اكمل اوراق الخروج جود تعال وياي.
اني گلتله:
_اتفضل ابو علي.
ابتسملي وطلعنا للأسعلامات ندفع وانكمل اوراق الخروج وام الأستعلامات ما نزلت عينها من عدنا ومن اخزرها تبتسم التافهة اتسغفرنا اني وعمر الف مرة اخذنا الاوراق انكملها بغير مكان لعبت نفسنا عمر گلي وهو يملي الورقة:
_بحياتي مشايف هيج صلافة وعدم مستحة.
اني گلتله:
_اكو اسوء منها ابو علي لا تحرگ دمك على هيج اشكولات.
هو اتنهد وكمل الأوراق واطيناها للموضف الثاني الوياها ورجعنا للغرفة كانوا جاهزين وهند لابسة عبايتها واتباوع علي اني ما اباوع عليها حتى لحد ينتبه عمر انتبه عليها باوعلي وابتسم وگاللهم:
_
يلا خلونا نتوكل حسن راح تجي ويانا؟
حسن گله:
_لا شغلي بعده ما مخلص بليل ارجع.
عمر اومأله ودعناه وطلعنا هند ساندها محمد اخوها واحنا نمشي گدامهن لحد ما وصلنا للسيارات رزان وكيان وامه واني صعدنا مع كيان ام هند وهند وابو محمد وعمر بسيارة عمر ومحمد بسيارته ورجعنا للبيت اني بوجهي لبيتنا اشوف امي اشتاقيتلها قبل ما اروح للبيت كيان گالي:
_جود عشاكم انت والوالدة يمنا مسوين عزيمة على شرفك لا تتأخر.
اني گلتله:
_ان شاء الله.
شفت هند اخر مرة وهي تنزل من السيارة واتباوعلي عفتهم ورحت لبيتنا اول مدخلت بالحديقة اجت تركض واتلگتني امي بالأحضان والبجي اليگول غبت عنها سنة وهو بس شهر اني عفتهم بس گلب والدة يبقى على ولدها حضنتها وهدأتها ودخلنا للبيت بعد ما سلمت على ابو محمد وام تحسين واتحمدولي السلامة ولگيت امي طابخة مقلوبة العشق يا يابة گلتلها:
_يمة صبيلي اشوية لانه عدنا عزيمة على العشة ابيت الشيخ ما اريد اشبع بالمقلوبة ولو هي ما تتفوت.
هي ضحكت وگالت:
_صار حبيبي روح اسبح وارتاح واني اصبلك.
بست راسها ورحت لغرفتي اسبح ولبست اتراك جوزي ونزلت لگيتها صابتلي ومجهزة السفرة وگعدنا ناكل گلتلها:
_يمة منو بقى يمج من سافرت؟
هي گالت:
_اجت سارة وفاطمة باتن يمي وسالم كل يوم يجي يتفقدنا اذا نحتاج شي وكيان ما مقصر هو شايل المسواگ وادويتي ورزان كل يوم تجي اتمر علي هي وهند ويشتغلن بالبيت تنضيف وطبخ هن وفاطمة.
اني گلتلها:
_الحمد لله.
ورجعت اكل وكلساع اشرب مي امي ضحكت وگالت:
_گول خلي اسمع شتريد؟ ماكو داعي تتوتر هيج الموضوع على هند مو؟
اني شهگت بالمي هي خربت ضحك واطبطب على ظهري وادگول:
_صحة صحة على كيفك يمة شگلت قابل.😉
ابتسمتلها بعد ما هدأت وگلتلها:
_من يوم يومج كاشفتني اي عليها.
هي گالت وتبتسم:
_اعرف شتريد بس اصبر 4 اشهر بعد وتجي دورة السنة مال المرحوم واطلبها الك.
اني گلتلها:
_وهو هيج يمة بس اريدج تحجين بيها مع امها حتى ايكون عدهم علم اني رايدها وميطوها لغيري.
هي گالت:
_ان شاء الله.
كملنا ومر الوقت صارت الساعة 8:30م بدلت ولبست 👇
ولبست ساعتي واتعطرت وطلعت وامي لبست صاية خليجية اتجنن اليشوفها ميگول امي الله يحفظها ما امبين عليها الكبر ابدا كملنا وطلعنا لبيت الشيخ امي دخلت للبيت بعد ما سلمت واني استقبلني الشيخ وذبحوا يم رجلي وكيان والشباب ورحبوا بية بحرارة واتحمدولي السلامة اتشكرت منهم وفتنا للمضيف سلمت على الشيوخ والضباط والشرطة جماعة الشباب وگعدنا نتعشة واسوالف وضحك وشفت ال*** وحسيته مو راحة بس يتهامس هو وابوه كملنا العشة وغسلنا وكلنا گاعدين بالمضيف لحد ما ال*** گال ويا ريته ما حاجي:
.......
ستووووووب 😎
💜💜💜💜💜💜
اشلونكم حبايبي 😘
شنو رأيكم بالبارت؟
لا تنسون ابطالكم بدعمكم بالفوت 👈⭐ والتعليق على الفقرات 👈💬 احبكم واموت على تعليقاتكم العسل مثلكم لو ما اعرف شگول اعجز عن وصف معزتكم بگلبي احبكم واحد واحد 😍
سؤال البارت:
شنو برأيكم جلال گال وصدم جود؟
شنو توقعاتكم للبارت القادم؟
٢٧٢٦ كلمة.