عشق الشيخ ملكني

part:17

اشلونكم حبايب البارت طويل لعيونكم 😘

لا تنسون الفوت و التعليق قبل ما تقرأون واعوفكم مع البارت قراءة ممتعة 💜

رزان:
ثاني يوم گعدنا كالعادة بدلنا و غسلنا اني وفاطمة وبوجهنا للسفرة ميار اجت گعدتنا و اتريگنا وخلصنا و ريم گالت لبابا وعمي:
_اني لازم ارجع اتأخرت على دوامي و راح اخابر فؤاد حتى يجي ياخذني.
بابا گال:
_ماكو داعي احنا راجعين لبغداد اليوم بليل و من نوصل گليله يجي ياخذج اذا تردين بس لتخلي يجي لهنا الطريق بعيده عليه وانتي ميار نفس الكلام.
البنات گالن:
_صار ان شاء الله.
اني عرفت وراهم شغل والشهر اصلا خلص وزايد ولازم نرجع كملنا ريوگ و اني وفاطمة خلصناها بالحديقة انسولف و نشاقة واتصل علي كيان جاوبته وگال:
_صباح الخير يا حلوة اشلونج حبيبتي .
اني گلتله:
_صباح النور حبيبي الجمد لله وانت شلونك؟
هو گال:
_من سمعت صوتج اتعدل مزاجي اليوم انتم معزومين عدنا على الغدة جدي عازمكم كلكم وگلت لعمي ابو جود و اطانه موافقته بالجية منتظر اشوفج بأحر من الجمر.
اني گلتله:
_ان شاء الله حبيبي.
هو گال:
_اني راح اطلع هسة اني وعمر عدنا شغل انكملة قبل جيتكم من اشوفج نحجي باي حبيبتي😘.
اني گلتله:
_اكيد الله وياك حبيبي 💋.

فطومة اتباوع علي ابتسمت وگالت:
_امبين من كلامج ضايجة واكيد هو حس يا عمري هن كم شهر وترجعين هنا لا اضوجين عمري.
وحضنتني و بادلتها وضلينا انسولف لحد الساعة 12 الظهر وجود اجة وگال:
_يلة بسرعة گومن بدلن احنا معزومين على بيت الشيخ استعجلن.
اني وفاطمة ركضنا لغرفنا انبدل ومكياج خفيف و بكامل اناقتنا لبسنا فساتين طويلة لأنه رايحين لبيت الشيخ محلوة انروحلهم بالبناطير والنسوان هنا اصلا ايلبسن عبايات اكبار وصغار وتجنباً للأحراجات بس طلعنا انفلش بالفساتين 😍
__________________

الكاتبة:
حاولت لمدة 3 ساعات اضيف صور لبس فاطمة و رزان بس النت مو زين ابد وما حملن 😑
لذلك حبايب اعوفكم تتخيلون 😍
_

_________________

ونزلنا الكل كان جاهز ومبدل و جود وسالم جابوا السيارات و صعدنا وبوجهتنا لبيت حبيبي مسافة نص ساعة وصلنالهم و استقبلونا الشيخ و عمام حبيبي و احنا النسوان دخلنا للبيت واستقبلنا الشيخة وام حبيبي وعماته و خالاته امبين الشيخ عازم كل گرايبهم دخلنا و ترحيبهم حار و اني وفاطمة گعدنا بصف مرام وهند و فاتن و امي وسارة گعدن يم ام حبيبي و الشيخة مقابيلنا و عماته وخالاته هم ويانا و قدموا الضيافة واسوالف و نقاشات على الحنة والعرس مالتنا اني وحبيبي والكل فرحان ومكيف وانتبهت كلهم ايحبوني و ماعدهم مشاكل وياي من فرحتهم بس فاطمة واختها زينب گالبات وجهن وماخذات زاوية وحدهن و امهن نور فديتها من اهل الله اتسولف وفرحانة لزواجنا

كلساع تخزر بناتها وهن يعدلن وجهن وايرجعن مثل ما كانن الشيخة رادت علاجها مرام گالت :
_اني راح اجيب العلاج و هند جيبي مي بسرعة.
وراحن ايجيبن العلاج والمي ورجعن الشيخة اخذت علاجها ورجع الجو طبيعي ودخل علينا حبيبي سلم على الكل و سلم علينا و گال لمرام ايجهزن الچاي بسرعة وطلع.