عشق الشيخ ملكني

part:19

حبايبي البارت طويل لعيونكم 😘

لا تنسوني بالفوت 👈⭐ والتعليق 👈💬 قبل متقرأون البارت قراءة ممتعة 💜

رزان:
رجعنا للبيت ودخلنا اني وجود وانصدمنا من الشفناه كان علي وبابا يتعاركون جود صار عصبي لأنه من خلال الكلام افتهمنا العركة بسببي لأنه علي ايريدني افسخ الخطبة وبابا ميقبل وراد جود ايضربه بس منعته وهمستله:
_انتظر خلي انسمعه للأخير.
علي كان مطينا ظهره وما منتبه علينا واني اشرت لماما وبابا من حطيت اصبعي على حلگي عود ايكملون وميحسسون علي علينا وهم افتهموا قصدي علي گال:
_عمي اني رايد رزان من زمان وردت اتقدملها بس ارجع من تجارتي وارجع الگاها مخطوبة اني اولا بيها من الغريب.
بابا گال:
_اسمع ابني رزان مو الك انخطبت واطيت كلمة للرجال ما ارجع بيها وانت لو كنت رايدها كان اتقدمتلها من زمان مو منتظر تجي قسمتها واتريدني اخربها.
علي صار عصبي وگال بصوت عالي:
_ليش ما گالتلك خالتي كم مرة امي گالتلها اني رايد رزان وناوي اتقدملها وخالتي اترد امي وادگول:
_مو هسة بعد وكت بعدها صغيرة بس تدخل للجامعة ان شاء الله نفكر بالموضوع بس الزواج هسة ما افكرين بي.
واني وامي ما حجينا بعد وانتظرنا تدخل رزان الجامعة ودخلت خطبها غيري شنو العنده خطيبها واني ما عندي؟
بابا جاوبه بهدوء:
_اعرف گالتلي خالتك وانت مناقصك شيء وتلگة لتستاهلك بس طلبك مو عندي اعذرني ابني .
علي صار عصبي كلش وكسر الطبلة الگزاز الي بالصالة وگال بصياح:
_خلي ايكون بعلمك رزان اذا مصارت الي متصير لغيري انت السبب بكل الي راح ايصير منا وجاي مو اني الينلعب عليه.
وراد يطلع وانتبه علينا جود صار عصبي كلش بس اني لازمته ما اريده ايعقد المشكلة اكثر علي باوعلي نظرة عتب وحزن وحب وانتقام وعصبية كلهن اجتمعن بهاي النظرة محجة شيء وطلع من البيت بابا و ماما گعدوا على التخم واني رحت جبتلهم مي (ماء) وحبوب وجع راس وگعدنا اني وجود وياهم وام تحسين متوترة متعرف شسوي اني گلتلها:
_خالة ممكن اتحظرين چاي.
هي گالت بسرعة:
_اكيد حبيبتي دقايق ويجهز.
واني باوعت على بابا وهو مدنگ ولازم راسه وماما نفس الشيء راسها يوجعها اني گلتلهم:
_لا اتفكرون هواي وارتاحوا ميگدر ايسوي شيء هسة اشربوا الچاي(شاي) وروحوا ناموا وارتاحوا وبعدين نحجي بالموضوع.
بابا گال:
_ان شاء الله حبيبتي.
وماما بس ابتسمتلي شربوا الچاي وراحوا اينامون وجود راح لغرفته بعد ما هدأ واني ساعدت ام تحسين بتنضيف الگزاز وخلصنا ورحت لغرفتي سبحت وبدلت واجاني اتصال من حبيبي جاوبته وگال:
_اشلونج حبيبتي مشتاقلج.
اني گلتله:
_هلة بيك حبيبي الحمد لله واني اتمنى لو انت يمي هسة محتاجتك.
هو گال بقلق:
_حبيبتي باجر اجيج اذا هيج وما ابتعد عنج لحظة گولي حبيبتي شنو لزاعجج علي سوة شيء جديد اذاج بشيء؟
اني گلتله كلشي صار اليوم وهو گال:
_حبيبتي ميگدر ايسوي شيء بس من حرگة گلبه هيج يحجي بس هم اخذي حذرج منه ولا تختلطين وياه ولا اتجاوبين على اتصالاته ورسائله ماشي عمري؟
اني گلتله:
_ان شاء الله حبيبي وهو هيج تدري بنهاية الشهر احنا يمكم؟
هو ضحك وگال:
_اي گالي عمي وصاني استلم الأثاث من يوصل ما بقى شيء وتجين واتنورينا حبيبتي.
اني ابتسمت وگلتله:
_النور نوركم حبيبي صحيح اريد البشارة.
هو گال:
_يا ابشارة؟
اني گلتله:
_اليوم اجت صديقتي لين وگالتلي طلعت الأولى على قسمي بمعدل 99% وجود اليوم علمني اسوق السيارة لأنه هو وعدني اذا اطلع هيج معدل ايعلمني.
هو فرح وگال:
_الف مبروك ياعمري تستاهلين اشطر محامية هديتج من تجين للبصرة اطيجياها والف مبروك على السيارة هم.
اني گلتله:
_ان شاء الله انت ما عندك مانع اسوق سيارة مو صح؟
هو گال:
_لا حبيبتي اكيد براحتج وجود گلي جابلج سيارة بعيد ميلادج وشرط عليج اطلعين معدل حتى اتسوقيها واني ما اكسر فرحتج بس عندي شرط.
اني گلتله:
_شنو هو حبيبي؟
هو گال:
_ما اريدج تتهورين بسياقتج وما اتسوقين سريع ابد اذا خالفتي شرطي تنسين موضوع السياقة اتفقنا؟
اني گلتله:
_اتفقنا حبيبي 💋.
ضلينا نحجي وهو كلساع يتغزل و يشعر واني ميته خجل ربع ساعة ونمنا .