عشق الشيخ ملكني

part:27

اشلونكم حبايبي 😘

نبدأ بقسم جديد من الرواية البارت طويل استمتعوا اليوم بس مقبلات اهيألكم الجو شوية شوية 😎

لا تنسوني بالفوت 👈⭐ والتعليق على الفقرات 👈💬 قبل متقرأون البارت. 😘

ملاحضة:
احفظوا شخصيات اليوم وبعد كم شخصية بالبارت القادم راح تتعرفون عليها شخصيات لها دور رئيسي فترقبوا احداث صادمة منا وجاي 😎.

رزان:
مرت الأشهر وخلصنا من المشاكل ورجعت للدوام المرحلة الثانية اني ومرام قبل لا تبدأ السنة رحت اني وجود لجامعة بغداد حتى اخذ اوراقي وكملت كلشيء وحالياً اني طالبة قانون بجامعة البصرة وكلش متحمسة ابدي السنة واني مقررة اطلع منها بأمتياز ومرام نفس حماسي بس المشكلة مرام تتعب من المشي والجامعة ما شاء الله كلش كبيرة لذلك ما اخليها تمشي موزين على الطفل ، المهم اول يوم ما داومت حتى اكمل اوراق النقل ثاني يوم داومت اني ومرام وحبيبي وصلنا كان لابس عسكري لأنه راح يلتحق كلش انقهر من يروح لشغله اشتقاله رغم انه نبقى على تواصل واگله على يومي بالتفصيل وهو هم بس يبقى فراقه صعب مو مثل هو گدام عينج وتدلليه ويدللج واتكونين مطمنه انه مو بخطر وحياته مو مهدده من يروح تجيني كوابيس انه راح يعوفني ويروح لو تتعرض فرقته لأنفجار وهو يتصاوب كلش اخاف وانرعب ورأساً اتصل عليه واطمن وهو يعرف تجيني كوابيس يگعد ساعتين يطمني ويهدأني (اروحله فدوة حبيبي اتمنى كل وحدة حالتها مثل حالتي الله يحفظلها رجلها او اخوها او ابوها ويرجعهم سالمين غانمين ويفرحكم بشوفتهم يارب 😘).

من وصلنا حبيبي للجامعة اني كنت لابسة:
👇

باس راس مرام ونزل من السيارة ونزلنا وراه هو اجه حضني وباس راسي وگلي:
_ديري بالج على نفسج حبيبتي وعلى مرام هم وخليج على تواصل وياي راح اشتاقلج يا گلبي.
اني اتماسكت وما بچيت مثل العادة وحضنته وهمست يم اذنه:
_روح وخليك مطمأن ودير بالك على نفسك واذكرني دائماً وطمني واتصل علي كل ما تفرغ ، روح وخليك مرتاح يا ارويحتي مرام والأهل احطهم بعيوني بس ارجعلنا سالم وكلشي ما اريد.
وبسته بخده 😘 هو ابتسملي وحضن مرام وراح بعد ما دخلنا للجامعة والحمد لله من راح لأنه متت غيره من البنات اشلون يباوعن عليه وياكلنه بعيونهن بودي احرگهن وحدة وحدة بس الحمد لله ملامحي باردة ما بينت غيرتي بس من فتت للجامعة سمعت بنية هي وصديقتها ادگول:
_والله انيالها على هذا الصاك ياريتني مكانها.
والثانية گالتلها:
_اي والله صاك والزي العسكري لايگله ياريته حبيبي ما اخلي وحدة تلمحه او تتقربله بمقدار شعرة.
اني ضحكت بگلبي شنو هو انسان لو قلم حمرة حتى متخلي احد يتقربله ويلزمة استغفر الله رحنا اني ومرام اندور على قاعتي ولگيناها مرام گالت:
_صحيح مو وياي بس بالأستراحة اجيج ونقضي الوقت سوة وديري بالج من الولد بقسمنا كلهم صاكين بس ملعبين ونسونجية لا تحچين مع احد منهم.
اني گلتلها:
_اهدأي لتوصين حريص اعرف اشلون اتعامل وياهم اطمأني وخليج مرتاحة اني اجيج بالأستراحة انتي لا تتحركين.
هي ابتسمتلي ودخلت لقاعتها واني هم بس دخلت الأنظار كلها صارت علي والبنات التغزلن بحبيبي الصبح وياي بالقاعة وداير مدايرهن شباب ولبسهن قصير وحصر وهن محجبات ما أهتميت ودخلت بهدوء ووقار وگعدت بثالث ستيج قرب النافذة ما احب اگعد بالبداية ولا بالأخير وكان الستيج بي 3 مقاعد ملاسقة لبعضها وفارغات نص ساعة وجن 2 بنات لبسهن ايخزي وهن مو محجبات مراح اشرح لبسهن تبقى حرية شخصية واني ما اهتم بلبس احد المهم هي اخلاقه وطريقة كلامه هذن هن ايجذبني للشخص اجن يمي وگالت وحدة منهن:
_نگدر نگعد يمج اذا ماكو ازعاج؟
اني گمت من مكاني حتى ايفوتن ويگعدت اني ما اگعد الة بالحافة ما احب اگعد بالوسط او يم الحايط (منو مثلي) وگلتلهن:
_اتفضلن ماكو ازعاج.
هن ابتسملي وفاتن گعن بصفي انترست القاعة طلاب وگعدة گدامي و وراي شباب ما اهتميت ودخل الدكتور (الأستاذ بالجامعة نطلق عليه دكتور) وبدت المحاضرة كانت بداية عامة اتعرفنا عليه وشرح مقدمة عن حقوق الأنسان واشلون انصونهم والأمانة بالعمل.....والخ هاي كانت مقدمة الدكاترة اغلبهم والمحاضرات من اول يوم كانت مشددة اطونا واجبات كومة البنات لبصفي كانن كلش هادئات وفقيرات عكس مظهرهن الي يوحيلك انهن وكحات والسانهن طويل ارتاحيت من ناحيتهن.