اشلونكم حبايبي البارت طويل 😉
لا تنسوني بالفوت 👈⭐ والتعليق على الفقرات 👈💬 قبل لا تقرأون البارت ❤
رزان:
گعدنا مفزوعين واني ارجف ميتة من الخوف من صوت الرمي كلش قوي وگلت لكيان:
_حبيبي شنو هذا الصوت بس لا علينا؟
هو خطية گام بسرعة بدل واخذ اسلاحه وگال:
_لا اتخافين هسة اشوف شكو ابقي هنا ولا اطلعين.
اني اومأتله وارجف وهو باس راسي وگال:
_اهدي ولا اتخافين ما اتأخر.
وراح اني گمت بسرعة لبست دشداشة ولفيت الشال ونزلت على صوت اعياط عمتي وشفت البنات كلهن وعمتي ونسوان عمامي بالصالة ويصرخن خايفات والجهال مفزوعين من صوت الرمي اني رحت يم عمتي اهدئها لا يرتفع ضغطها وگلتلها:
_اهدي عمتي ماكو شيء مو زين عليج هسة نفتهم شنو السالفة بس اهدي.
هي گالتي وادموعها تنزل:
_ولج خايفة ولدي كلهم طلعوا مسلحين والشيخ هم طلع وياهم والرمي ما يوگف.
اني گلتلها:
_اهدي عمتي هسة يهدأ الوضع ونفتهم لتخافين.
هدأت اشوية بس بعدها تبچي والبنات هم ومرام شفتها وجهها اصفر ومختنگة ركضت عليها وگلت:
_مراااااام اشبيج اتنفسي.
مرام گالت بتعب:
_علا .... علاجي بال ... بالغرفة.
اني گلت لهند تجي يم مرام وركضت لغرفة مرام لگيت العلاج يم السرير اخذته ورحت للمطبخ جبت مي واطيتها شربته واشوية اتحسنت وعمتي فوگ راسها وتبچي اني گلت لهند:
_هند ساعديني ناخذ مرام للغرفة ترتاح.
هي اجت وسندنا مرام واخذناها لغرفتها وهند گالت:
_انتي روحي يم عمتي لا يرتفع ضغطها اني باقية يم مرام.
اومأتلها ورحت يم عمتي وگف الرمي بس نسمع صوت اصياح بعيد اشوية ودخل يزن عمتي ركضت عليه و سمر هم خطية وگالتله عمتي:
_ابني طمني شنو هذا الرمي بس لا اتصاوب احد منكم تحچة لا تسكت.
يزن باس راسها وگال:
_اهدي ما اتصوب احد هذول من عشيرة *** جاين لأن ابن عمي جاسم مؤيد متعارك هو وابنهم ودافعه بدون قصد على الشارع ومدعوم والولد هسة بالمستشفى ومدخلي للعمليات وابو الولد هو شيخ العشيرة واخوته حامي دمهم على مؤيد ومناوين خير اذا يصير شيء بأبنهم.
(بتعريف الشخصيات ذكرت كيان عنده عمام ومن ضمنهم ابو جاسم ، وابو علاء راح ايكون لهم دور هم ولدهم بهاذا الجزأ من الرواية)
ام مؤيد (مرت ابو جاسم) ضربت صدرها وصرخت:
_يمة ابني سودة بوجهي راح يروح من ايدي لك مؤيييييد وينك يمة مؤيييييد.
وضلت تبچي وتصرخ من خوفها على ابنها واحنا انهدأ بيها بطلت اصياح بس بعدها تبچي بحرگة سمر گالت ليزن:
_طمأنا شيصير والولد بيهم شيء؟
هو گاللها:
_لا ما بيهم شيء هسة هم بالمضيف وكيان والشيخ يحاولون يهدون الوضع راح ارجعلهم اجيت اطمأنكم بس سولنا چاي انضيفهم عيب.
جاي يطلع وعمتي گالتله:
_اي صار ابني طمأنا شيصير ودير بالك على ابن عمك.
هو گال:
_لا اتخافين اترخص من اتكملون گلولي.
وطلع اني وسمر سوينا الچاي ونغم كل الوقت مع الشيخة خاف يرتفع الضغط او السكر وعمتي ونسوان عمامي ايحاولون ايهدأون بأم جاسم خطية متلوعة على ابنها .
YOU ARE READING
عشق الشيخ ملكني
Romanceتتحدث القصة عن فتاة بغدادية يتم خطفها و ينقذها الضابط ويقع بعشقها.. القصة باللهجة العراقية.. فشنو الاحداث يا ترى منو الشيخ بقصتنا؟ تابعوا وستعرفون القصة 😈
