عشق الشيخ ملكني

part:14

البارت طويل استمتعوا بالقراءة 💋

رزان:
الساعة 10:30ص بابا راح لبيت جد كيان حتى يطيهم جوابنا على طلبهم واني وفاطمة كنا بالغرفة مالتها انسولف ونتفرج فلم رعب والأضوية طافية واحنا رابطين الابتوب بالبلازمة الي بغرفتها و حلويات و مسليات ومنغمسات بالفلم اجت لقطة يطلع بيها الجني الي بالفلم ودخل علينا جود وسالم واني فاطمة وحدة حضنت الثانية وصرخنا من كل عقلنا جود وسالم سدوا اذانهم و سالم گال:
_يمعودات بالعات صفارة اسكتن.
وجود عاط بينا لين مسكتنا:
_اسكتن ولجن لا اغير رأيي ما اطلعجن ويانا.
احنا سمعنا السالفة بيها طلعة سكتنا وضحكنا بوجهم و طلعنا وجهنا البريئ سالم انفجر من الضحك و جود ابتسم وسد الباب واجوا گعدوا ويانا يتفرجون الفلم اني همست لجود لين گاعد ابصفي:
_جود وين راح اطلعنا؟
هو همسلي وگال:
_خلي انكمل الفلم واتعرفين بعدين.
اني خنزرت عليه هو شافني ابتسم وباس راسي ورجع يتفرج كملنا الفلم الساعة 1 الظهر و سمعنا ماما اتصيحلنا ننزل.
نزلنا كلنا وبابا وعمي كانوا گاعدين بالصالة و بابا شافنا وگال:
_تعالوا اگعدوا عندي كلام وياكم.
گعدنا اربعتنا اني وفاطمة بالنص وجود بصفي وسالم بصف فاطمة وماما گعدت هي وسارة مقابيلنا بابا گال:
_رحت للجماعة وگلتلهم قرارنا بس هم رفضوا ومصرين على الطلب و گلتلهم كلام رزان هم دزوا جوابهم على كلامج.
بابا سولفلنا شحجوا بالتفصيل و بعد ما عندي حجة اعترض بس اگللكم الصراحة اني طايرة من الفرح وعجبني جواب كيان على كلامي وجده هم بابا من كمل كلامه الكل انعجبوا بكلام جد كيان وكيان و گالوا انه هم اهل اصل و رغم الرفض والظرف مصرين على الزواج والكل فرحان.
بابا سألني وگال:
_رزان انتِ شنو رأيج بنتي؟
باوعت على بابا وشفته فرحان و جود لزم ايدي وابتسملي بادلته وگلت لبابا:
_بكيفك بابا انت فصل واني البس بس عندي شرطين.
بابا گال:
_گولي بنتي.
گلتله:
_اول شرط: اكمل دراستي وما ايجبروني اتركها هذا اهم شيء.
والثاني:اتكون الخطبة بيناتنا بدون هوسة و العرس يتأجل اقل شي 7 اشهر لحد ما اتمر فترة على ظرفنا وتنسى العالم السالفة تفهم قصدي مو صح؟

بابا ابتسم وگال:
_ان شاء الله حبيبتي اگللهم وانشوف بالخير ان شاء الله.
بادلته و ماما گالت:
_اسألهم اليوم حتى اذا وافقوا نتفق على كلشي.
بابا گال:
_ان شاء الله.
جود گال:
_اني وسالم راح ناخذ البنات ونفتر اشوية اكيد اختنگن من البيت منتأخر.
بابا وعمي گالوا:
_براحتكم ابني.
جود غمزلي يعني اروح ابدل اني جريت فاطمة وركض للغرفة بدلنا اني لبست 👇