اشلونكم حبايبي 😘
البارت طويل اعرف اتأخرت عليكم اعذروني على التأخير حبايبي 😘
حبايب لا تنسوني بالفوت 👈⭐ والتعليق على الفقرات 👈💬 قبل متقرأون 😍
كيان:
كنت نازل من غرفتنا بعد ما غيرت لبسي ولبست 👇
وصلت للدرج مال الطابق الثاني وشفت رزان تصعد بصف المحجر ودايخة رادت توگع ركضت عليها لزمتها انفتح الجرح بس ما اهتميت كلش خفت عليها وجهها اصفر مثل الليمون عطت على امي او هند يجون يساعدوني اجن يركضن ونغم وياهن الحمد لله بعدها مرايحة لشغلها وحسن هم ساعدني شلتها ودخلتها لغرفة هند اقرب وحدة اجت بوجهي ونغم وحسن بقوا يمها بالغرفة يفحصوها واحنا طلعنا وگفت يم الباب واني متوتر وخايف عليها اذا يصيرلها شيء اني اموت كلشي ولا روح گلبي تتأذة دعيت بگلبي ما يطلع بيها شيء وايكون مجرد تعب امي اتحاول تهديني شافتني متوتر واهز برجلي وهند همين ربع ساعة وطلعوا حسن ونغم يبتسمون اني استغربت شكو گلتلهم:
_بشروني اشبيها رزان ليش اتخربطت؟
حسن ربت على كتفي وگال:
_لتخاف ما بيها غير كل خير يا شيخ.
اني صافن عليه شيقصد نغم ابتسمت وگالت:
_الف مبروك شيخنا مرتك حامل بشهرها الأول يتربى بعزكم ان شاء الله.
امي هلهلت وهند هم وباركولي واني ما امصدگ بنت گلبي حامل بطفلنا حسن حضني وگال:
_يتربى بعزك شيخنا الف مبروك.
اني بادلته واتشكرت منه وگلتله:
_اشلونها هسة؟ يحتاج اخذها لدكتور؟
نغم گالت:
_اني راح اخذها للعيادة وافحصها بس تگعد لا تاكل هم من تطلع النتائج اگللكم شيصير.
اتشكرت منها وعافوني وراحوا اني دخلتلها نايمة سديت الباب وگعدت بصفها وبست راسها والعب بخدودها واباوع على بطنها دون ارادتي نزلت دمعتي هي فتحت عيونها وشافتني گعدت ومسحت ادموعي وحطت اديها على لحيتي وادگول:
_حبيبي اسم الله ليش تبجي اكو شيء؟
اني لزمت اديها وبستهن هي مستغربة ابتسمت اتباوع علي بفهاوة بست راسها وخدودها وگلتلها:
_من فرحتي حبيبتي على اسعد خبر سمعته بحياتي وانتي سببه.
هي گالت بأستفهام:
_دومك عمري فرحان بس شنو هذا السبب؟
اني ابتسمت وحطيت ايدي على بطنها وگلتلها:
_هذا البطنج ثمرة حبنا وصبرنا هو سبب فرحتي يابنت گلبي راح اتصيرين ام وهسة انتي بشهرج الأول.
اباوع عليها لعيون انترست دموع وتبتسملي ما امصدگة حضنتني من رگبتي حيل وگالت بين شهگاتها:
_الف مبروك يا ابو جهالي الف مبروك يتربى بعزنا حبيبي اسعد خبر اسمعه بحياتي والله ما امصدگة.
حضنتها وامسح على ظهرها واثنينا ساكتين بس ادموعنا وفرحتنا هي تشهد على السعادة الغامرة گلوبنا وندعي الله يتممها على خير هدأت اشوية بعدتها ومسحت ادموعها وگلتلها:
_گومي حضري نفسج راح اخذج انتي ونغم تفحصج ونطمأن على الوضع .
هي ابتسمت وباست خدي وگالت:
_تمام عمري ما اتأخر بس خلي اشوف جرحك اول شيء ليش ينزف؟
اني گلتلها:
_عوفج من الجرح هسة اخلي حسن ايشوفه روحي بدلي بسرعة.
هي ضحكت وگالت:
_تمام ليش مستعجل ما اتأخر حبيبي.
بست ايدها وراحت واني نزلت لگيت حسن گاعد على التخم بالصالة وعدة الأسعافات گدامه عرفته منتظرني من گلي:
_تعال خلي اشوف جرحك لو ما منتبه على الدم بملابسي ما كان عرفت جرحك انفتح خلي اشوفه.
رحت يمه وشاف الجرح وگال بعد ما كمل تعقيمه وهو يتنهد:
_الجرح ما مفتوح بس لازم ترتاح انشيل الخياطات بعد 4 ايام لا تضغط على الجرح اهواي.
اني گلتله:
_ان شاء الله.
نزلت رزان وهي لابسة 👇
ونغم وياها اني اخذت مفاتيح السيارة واستأذنت من الكل وطلعنا طريق ساعة وصلنا للعيادة ركنت السيارة ودخلنا واني لازم ايد رزان وهي تباوعلي وتبتسم دخلنا غرفة نغم وراحت تفحص حبيبتي واني انتظرت يم مكتبها بعد نص ساعة واني متوتر وگلبي ايدگ سريع وادعي كل الفحوصات تطلع سالمة دخلن رزان ونغم ورزان تضحك ومكيفة ارتاحيت اشوية گعدت بصفي ولزمت ايدها هي ابتسمتلي التفتنا على نغم بعد ما گعدت على مكتبها گالت وهي تطيني ملف المراجعة:
_الحمد لله كل الامور تمام والجنين نبضه و وضعه طبيعي بس لازم رزان ترتاح وتلتزم بأدوية ومقويات وصفتلهيا لانه عدها فقر دم اشوية وضعف عام مع الادوية والاكل تتحسن ان شاء الله وملازم اتعب نفسها وخصوصا الاشهر الأولى.
اتشكرنا منها وطلعنا هي بقت اتكمل شغلها واني بوجهي للصيدلية جبت الادوية وصعدنا بالسيارة واحنا فرحانين وموتتني بخجلها من اغازلها اتصير اتموت من تخجل سقت السيارة بعيد عن المنطقة واني لازم ايدها وابوس بيها هي گالت بأستغراب:
_حبيبي وين رايحين هذا مو طريق البيت؟
اني ابتسمتلها وگلتلها:
_مفاجأة حبيبتي لا تشغلين بالج الطريق طويل اشوية ارتاحي انتي ولا اتفكرين بشيء.
هي حطت راسها على كتفي وتلعب بأيدي وگالت:
_اروح وياك لأخر الدنيا حبيبي بس انت تبقى يمي.
وباست ايدي ونامت بدون متحس اني كملت سياقة وكلساع اباوع عليها واتأملها اطيت خبر لأمي اليوم راح انبات بالمزرعة حتى لا يقلقون اطيت خبر للعمال والخدم اينضفون المزرعة ويجهزون الأكل لانه راح نوصل بليل ويفرغوها بس يكملون ويبقون بس الحراس بعد سايقة طويلة وصلنا الساعة 7:30م ورزان بعدها نايمة نزلت ورحت لجهتها ما هان علي اگعدها امبينه تعبانة شلتها ودخلنا للمزرعة ومثل ما امرتهم مجهزين كلشي ورايحين اني بوجهي لغرفتي دخلتلها وحطيت حبيبتي على السرير وغطيتها اخليها نايمة ساعة بعد واگعدها.
اخذت ملابسي وطبيت سبحت بسرعة وطلعت بعدها نايمة رحت للحراس وصيتهم ميتحركون من مكانهم واي شيء ايصير يطوني خبر هم گالوا:
_بامرك شيخ لتاكل هم وارتاح احنا موجودين.
اتشكرت منهم ورجعت جهزت السفرة بالحديقة الخلفية اكو گعدة عربية ومائدة جبيرة جهزتها اعرف رزونتي اتموت على هيج جو جانت ليلة صافية واضوية الحديقة امجملة المنظر وهدوء والنسيم بارد ايرد الروح كملت كلشي ورحت اگعدها گعدت بصفها وگمت اتحارش بيها وابوس بيها لحد ما گالت:
_اوووي كياني عوفني انااام حباب.
اني گلتلها واعض بخدودها:
_كيانج جوعان ومنتظرج اتگعدين واتوكلي بأيدج كافي نوم.
هي فتحت تك عين وباوعتلي بكسل اني غمزتلها هي ابتسمت الفاهية على كلشي تضحك وگالت:
_گمت كلشي ولا ايجوع كيان گلبي.
باست خدي وگامت اتغسل بس طلعت من الحمام جريتها للحديقة هي من شافت الگعدة والأكل والجو الرومنسي ابتسمت وحضنتني وگالت:
_ياعمري انت وحياتي احبك واعشق كل تفاصيلك ياگليبي شكرا على المفاجئة اتجنن يارويحتي.
باستني برگبتي وحسيت بدموعها اني حضنتها حيل وهمست يم اذنها:
_كلشي يروح فدوة لعيونج بس اشوف هاي الابتسامة الساحرتني تسوة عندي الدنيا بدون ادموع خلينا نتونس.
بست 💋 شفايفها قبل لا اتجاوب بادلتني اني اتخبلت عليها ولا امل من طعمهن عضيتها وابتعدت من حسيتها اختنگت وجريتها وگعدتها بحضني على السفرة وهي خجلت وگالت:
_حبيبي خلي اگعد بصفك واكول راح تأذيك رجلك هيج.
اني ابتسمت على برائتها وگلتلها:
_انتي ابقي بحضني وكل التعب ايروح اليوم اني اوكلج بأيدي لحد متكملين السفرة كلها.
هي باوعت على السفرة وباوعتلي بصدمة:
_سمج مسگوف؟
ضحكت على تعابير وجهها اعرف اتحبه گلتلها:
_اي ليش انصدمتي ادري بيج اتموتين عليه.
هي باست خدي وگالت:
_فديت ليعرف شأحب بس كلش جبيرة مراح اكلها كلها.
گلتلها واني اعصر الليمون على السمجة:
_راح تاكليها كلها مو على كيفج.
اخذت قطعة من السمجة وقربتها لشفايفها وگلتلها:
_يلة گولي اااه.
هي خجلت وصارت حمرة وگالت:
_حبيبي خلي اگعد بصفك واكل والله استحي هيج.
ضحكت عليها وگلتلها:
_اكلي هاي اللگمة واگعدي بصفي اذا ما اكلتيها اوكلج السمجة كلها وانتي بحضني غصبا عليج.
هي اكلت من ايدي وگعدت ابصفي بقيت افلس بالسمجة واوكلها وهي خجلانة وتاكل مثل الطفلة ومن اتغزل بيها اتموع وتگرصني بصدري وكلساع اتريد تشرد وارجعها اخذت جزء من السمجة وقربته علي وگالت:
_وانت هم اكل من ايدي يلة خلي اشوف.
اكلتها منها وعضيت اصبعها هي گالت:
_هاي ليش هيج مو جاي اوكلك.
اني ابتسمت وبست اصبعها وگلتلها:
_فديت ليوكلني الاكل يجنن من اديه ما اعرف السمجة طيبة لو اصابيعه المحلية طعمه خلي اضوگ.
وبست اسابيعها كلهن هي رايحة ميته خجل وضلينا هيج لحد ما كملنا وكمنا انغسل رادت اتعزل السفرة مخليتها واخذتهن للمطبخ ورجعتلها واني شايل استكاين الچاي وياي لگيتها گاعدة وصافنة بالسمة گعدت بصفها واطيتها استكان الجاي وانتچت على صدري واني العب بشعرها وصافنين بالسمة ونشرب جاي لحد ما هي گالت:
_اتمنى هاي اللحظة تبقى العمر كله وانت يمي وتأويني بدفوا حضنك يا اماني الوحيد ما اتخيل لحظة وحدة وانت مو يمي احس روحي تطلع مني وانفاسي تنعدم ياگليبي.
بست راسها واشم شعرها وگلتلها بهدوء:
_لا تحجين هيج محد ايفرقني عنج غير الموت ومستحيل اخليج اتحسين بعدم الأمان او الراحة واني يمج خليج مرتاحة يا عمري راح نبقى العمر كله سوة وابنا راح ايجمل حياتنا قريبا.
واتلمست بطنها هي حطت ايدها على ايدي واتنهدت براحة وگالت:
_ان شاء الله يا عمري يومي قبل يومك الله يحفظك النا ويطول عمرك يا شيخ گلبي.
اني بست خدها وگلتلها:
_ويحفضكم الي ياعمري ونبض گلبي.
ضليت اتغزل بيها واتحارش وهي ميته ضحك وخجل وضلينا انسولف لوقت متأخر عجبها الجو ومقبلت تدخل للبيت واني ما جبرتها لحد ما نامت بحضني شلتها ودخلنا للبيت ونومتها على السرير بحضني كانت الساعة 3:30ص طفيت الضوء و التليفون ونمت واني العب واشم بشعر حبيبتي لحد ما فزيت على صوت الحراس يصيحون ويگولون:
_شيخ كيان وينك اطلع من البيت شييييخ.
اشتم ريحة دخان رزان فزت من الصوت فتحت الباب النار مشتعلة بالبيت هاي اشلون اشتعلت رزان گامت ادگح مختنگة لفيت الشال على راسها وغطيت وجها بي وگلتلها:
_بقي على خشمج حتى لا تتنفسين الدخان گومي وياي.
گامت وذبيت العباية عليها واني لفيت الشماغ على وجهي وطلعنا من الغرفة وهي بالطابق الثاني شفت الحراس ايباوعولي من الطابق الارضي والدرج مشتعل نار وهم يحاولون ايطفون النار گلت لواحد منهم:
_واحد يفتح باب الطوارئ بسرعة واتصلوا بالأطفاء اتحركوا.
هم نفذوا لكلته رزان داخت شلتها ورحت على درج الطوارئ بنفس الطابق بالجهة اليسرة من المزرعة فتحت الباب الحمد لله ما مقفول وبعدها النار ما واصلته نزلت بسرعة واسمع الباب ينفتح من برة عرفته الحارس فتحه وطلعنا گلتله:
_جيبلي مي بسرعة واتصل بالأسعاف.
هو راح ركض ايسوي لكتله عليه واني احاول اصحي رزان متگعد رجع الحارس وبيده المي اخذته ورشيته على وجهها گعدت الحمد لله شربتها مي وگلتلها:
_شتحسين عمري؟ اكو شيء يوجعج؟
هي حضنتني بادلتها وگالت:
_لا عمري ما بية شيء بس راسي يوجعني من ريحة الدخان وانت اتأذيت صارلك شيء الجرح اشلونه خلي اشوف.
تحجي وتتفقد جسمي بخوف اني حضنتها وگلتلها:
_ما بية شيء عمري لا اتخافين تعالي وياي.
گومتها واني لازمها من خصرها گلت للحارس:
_اطلب دورية حراس بسرعة اريدهم گدامي هسة وجيبلي تسجيل كل الكاميرات مال المزرعة وطفوا النار لا تتأخرون.
هو گال ويضربلي التحية العسكرية:
_امرك سيدي.
هم جنود اني اختاريتهم ايحرسون المزرعة واثق بيهم صارلهم اسنين يشتغلون وياي وبحياتهم ما خيبوا ضني اخذت رزان للحديقة الخلفية وگعدتها على التخم وگعدت گبالها واتفحصها:
_عمري اذا اكو شيء يوجعج او اتحسين بشيء گليلي تردين اخذج للمستشفى؟
هي سحبتني اگعد بصفها وحطت راسها على كتفي وحضنت ايدي اني حضنتها نص حضن وگالت:
_لا حبيبي ما بية شيء بس وجع راس بسيط اشلون اشتعلت النار بالبيت؟ الطباخ كان مشتغل؟
اني گلتلها ومفور من العصبية وگوة لازم اعصابي يعني لو ما سامع الحراس ومنتبه كان رحنا بيها لا سامح الله :
_هسة انشوف التسجيلات ونتأكد انتي لا اتفكرين بشيء وارتاحي اني احل الموضوع.
هي اومأتلي وغمضت عيونها اتريد اتنام اشوية واجة الحارس وبيده تسجيلات الكاميرة وگال بصوت ناصي حتى لتگعد رزان:
_سيدي هاي تسجيلات الكاميرة.
وفتحلي الابتوب وشفت التسجيلات وگال:
_والحراس بطريقهم لهنا والاسعاف و الأطفاء راح يوصلون بعد 4 دقايق تأمرني بشيء سيدي؟
اني گلتله واشوف التسجيلات:
_لا تگدر اتكمل شغلك ومن يجون الحراس خلي يجوني هنا.
هو اومألي وراح اني شفت التسجيلات ماكو شيء مشتعل بالبيت ممكن ايسبب حريق كملت التسجيلات وشفت تسجيل الوقت كان 2:30ص يعني من كنا اني ورزان گاعدين بالحديقة الحراس كانوا بمكانهم ما اتزحزحوا ولا شعرة مستحيل احد يدخل او يطلع بدون ما ينتبهون شفت شخص ايحوم خارج المزرعة ويباوع على البيت لابس اسود من راسه لرجله ومغطي وجهه وخاتل بين الاشجار بعيد عن البوابة اشوية من دخلنا اني ورزان للبيت هو باقي بمكانه ما اتحرك بس النار اشتعلت بعد نص ساعة من دخولنا وبدت النار من الحديقة الأمامية للمزرعة واشتعل البيت لانه البردات والسجادات وصلتلها النار من الشبابيج كانت مفتوحة واشتعلت النار بالصالة بس الحمد لله الحرس انتبهوا وگفوها قبل لا توصل للمطبخ بعد ما اشتعلت النار الشخص الكان مراقب المزرعة غادر المكان بعد ما ركب دراجة حديثة الرقم ما امبين.
سديت الحاسبة بعد ما شفت كل الفديوات وشفت رزان نايمة وراسها على كتفي الحراس اشرولي اروحلهم مددتها على التخم وغطيتها بشرشف خفيف ورحت للولد الاطفاء كملوا شغلهم وطفوا النار والاسعاف خليت ممرضة تفحص رزان بدون مدگعدها واني ضمدت جرحي وامرت الحراس يكثفون الحراسة وامرت مجموعة منهم يلزمولي الولد الي كان ايراقب المزرعة وقت الحريق وهم راحوا لشغلهم اطيت افادتي والتسجيلات للشرطة لانهم طلبوها ايكملون التحقيقات وصلوا الخدم وگلتلهم اينظفون غرفة بالطابق الارضي قريبة على الحديقة الخلفية ما وصلتها النار وهي غرفة مرام وهم راحوا اينضفوها والباقين اينضفون الصالة ويطلعون الغراض المحترگة والبستاني والعمال وياه اينضفون بالحديقة الأمامية الجزء الحترگ منها رحت گعدت بصف رزان والعب بشعرها واحمد الله واشكره الف مرة مصارلها شيء ومرت السالفة سلامات والباقي كله يتعوض.
الساعة 8:30ص اتصل علي عمر وگال:
_كيان وينك من البارحة تدري المزرعة احترگت؟
اني گلتله:
_اني بالمزرعة من البارحة ورزان وياي وكنا بيها من احترگت لا اتخاف مصار شيء بس اضرار بسيطة تتعوض.
هو گال بغضب:
_اشوداك هناك وانتم بيكم شيء؟ اني هسة جايك مسافة الطريق واكون عندك.
اني گلتله:
_لا ما بينا شيء لتخاف ماكو داعي تجي اني بعد ساعتين ارجع للبيت ونحجي بالموضوع.
هو گال:
_انتظرك لا تتأخر والحمد لله على سلامتكم ترجعون بالسلامة.
اني گلتله:
_الله يسلمك.
ونهينا الأتصال ورزان گعدت اني نقلتها قبل ساعة للغرفة بعد ما كملوا تنضيفها وگلتلهم ايسون ريوگ لازم تاخذ علاجها باوعتلي وگالتلي بنعس وهي تفرك عيونها مثل الطفلة:
_صباح الخير گلبي 😘.
اني بستها براسها وگلتلها:
_صباح الورد حبيبتي يلة اگعدي وغسلي حتى نتريگ وتاخذين علاجج.
هي ابتسمت وعدلت گعدتها وگالت:
_تمام ما اتأخر.
باستني بخدي وگامت اتغسل واني طلعت اشوف اذا كملوا الريوگ 10 دقايق واجت حبيبتي وگعدنا ناكل واني اتغزل بيها وهي ميتة خجل اريد انسيها الحريق والسالفة كلها لانه كلساع تسألني لحد ما كملنا ريوگ گلتلها:
_تريدين نرجع للبيت لو نبقى هنا بعد اكثر؟
هي گالت:
_خلينا نرجع اريد اشوف امي وعيب من عمتي محلوة نبقى اكثر.
اني بست ايدها وگلتلها:
_تمام عمري خلينا نطلع يادوب گدامنا ساعة طريق.
جهزنا نفسنا وصيت الحراس ما يتهاونون بالحراسة واي شيء غريب يگلولي فورا وصعدنا بالسيارة وبطريقنا للبيت بعد طريق نص ساعة رزان اشتهت بطيخ وضلت اتلح مثل الجهال مريت على ابو المخضر وجبت 4بطيخات وحطيتهن بالسيارة رزان الفرحة مسايعتها عبالك مدري شجبتلها صعدت بمكاني اكمل سياقة باستني بخدي وگالت:
_تسلم حبيبي اموت عليك 💋
اني بست ايدها وگلتلها:
_اي شيء لعيونج حبيبتي بس اطلبي.
وكملت سياقة وصلنا للبيت بعد نص ساعة هي گالتلي:
_كيان خلي انمر على امي انشوفها اشتاقيتلها.
اني گلتلها:
_صار حبيبتي امشي.
وگفت السيارة گدام بيت اهلها ونزلنا قبل لا ادخل اجاني اتصال من عمر جاوبته كنا واگفين بالحديقة وهي اتباوع علي من جاوبته ختمت الاتصال وياه من گلت:
_هسة جايك ما اتأخر.
وسديت التليفون بستها براسها وگلتلها:
_حبيبتي ابقي يم امج ومن ارجع امر اخذج لانه عمر محتاجني لازم اروح سلميلي على عمتي اشوفج من ارجع ديري بالج على نفسج واشربي دواج بوكته.
هي ابتسمت وگالتلي:
_تمام حبيبي ارتاح انت وكمل شغلك ترجع بالسلامة.
ودعتها ورحت لعمر بالمركز بعد ما رحت للبيت ولبست الزي العسكري بسرعة وطلعت.
هند:
من سافر جود واحنا باقين على تواصل كل يوم ونطمأن على بعضنا والوقت وياه ايمر بسرعة كله حب وغزل وتوصيات واخرب عليه ضحك من ايغار اذا عرف ولد خالتي او عمامي يجون يمنا ازيارة او ايسهرون هم والشباب وخصوصاً جلال ما ايطيقه جلال ايحب يشاقة ويانا واينكت رغم هو مع العالم وبرة البيت ايبين جدي وعصبي وميتحاجة ومتشدد بس بالبيت غير تتغير شخصيته 180 درجة وايصير شقاوجي ومرح مثل يزن هو كلش يشبه كيان بشخصيته بس اقل من كيان من حيث التشدد وحنين بشكل انيالها التاخذه ايعيشها اميرة.
وجود من اذكر جلال يتعصب ويغار اما جعفر فقصة اخرى واني اخرب ضحك من ايغار ايجنن ايحسسج جوهرة ثمينه ويخاف عليها تنخدش او تتأذة مرة بليل خابرته اتصال فديو وهو جاوبني كان هستوة طالع من الحمام وشعره امبلل بس لابس اتراكسود نيلي ايجنن عليه وشكله مثير بحيث صفنت دون ارادتي هو گلي:
_ادري حلو بس ارحمي عيونج حبيبتي 😉
اني خجلت شحجي وياه هسة جاوبته وصوتي لا اراديا طلع خدران:
_منو گلك انت حلو؟
هو ضحك وگال:
_نظراتج گلتلي ولامسن گلبي بحبهن واني ضعيف گدامهن اتعرفيني 😉
ابتسمت ومحجيت شيء سمعت باب غرفتي انفتح شمرت التليفون على الجرباية ما سديته باوعت وشفت جلال دخل بعد ما سمحتله گال:
_هند ممكن تطيني حبوب وجع راس خالتي گالت موجودات يمج.
اني گمت للكومدي مالتي وگلتله واني اطلع الحبوب:
_اي ذن عندي.
اخذتهن واطيتهيا وگلتله:
_اتفضل.
هو اخذه مني وايده لزمت ايدي وسحبني عليه وگال وهو يلوي ايدي ورة ظهري اني مصدومة هذا اشبي:
_هذا لبسج بعد لطلعين بي گدام احد وخصوصاً اذا الولد بالبيت افتهمتي؟
كان عصبي وعيونه حمر كنت لابسة دشداشة مخصرة على جسمي وردية بس مو كلش هذا لبسي بالبيت ما احب الملابس العريضة لانه اضيع بيها بس اذا الولد بالبيت البس دشاديش خليجية اتجنن بس اشلون شافني وهو مكان بالبيت اني گلتله واباوع بعناد لانه ضوجني ماله حق يدخل بلبسي:
_مالك دخل شلبس هذا لبسي من زمان عاجبك عاجبك ما عاجبك هاي مشكلتك ما اغير لبسي علمود احد.
هو صار عصبي كلش ولوة ايدي بالزايد اني حسيتها راح تنكسر گمت اتلوة بين اديه واضرب بصدره واگله:
_ايدي عوفني جلال شعليك اطلع من غرفتي.
هو دفعني على الباب وگال بهسهسة غضب يم اذاني:
_العلي اني ابن عمج يا فهيمة وقريبا خطيبج وزوجج اسمعي كلامي بالحسنى احسلج لا احسب الله ما خلقج يا هند ما اتلومين الا نفسج اذا شفتج لابستها بعد وتفرفرين بيها بالبيت اشگهها على راسج وگولي ما گلت.
اني اتعصبت كلش وطبعي من اتعصب ما اتحكم لا بنفسي ولا بكلامي گلتله واني اضربه على صدره ايدي ملختني من الوجع:
_ايدك وخر مني جلال تحلم اصيرلك مرة اموت وما احقق هدفك هذا على موتي جلال ما ازوجك على موتي.
هو دفعني على الباب حيل ولزم اثنين ادي ورة ظهري وعصرهن وگال وهو يباوع بنص عيني بغضب:
_اتحلمين اتصيرين لغيري واتعرفين اگدر اخذج اليوم قبل باجر ومحد يمنعني بس اني اطيتج مجال وصبرت عليج گلت مع الوقت تفهمني واتحبني انتظرتج من انتي طفلة وصبرت عليج وربيتج على ايدي مستحيل اخليج اتصيرين لغيري انتي تعب وصبر سنين افتهمي ذن الكلمتين زين انتي الي ومستحيل اتصيرين لغيري.
اني ردت اصيح عليه بس صدمني من باسني 💋 بشفتي اني اتخبلت ضليت ارافس واضرب بي وابجي ماكو ما يتحرك ما عافني لحد ما حسيت بطعم دم شفتي ابتعد وهو خدران واني مقرفه منه ولعبانة نفسي بس عاف ايدي ضربته راجدي عمره ما ينساه وگلتله بغضب:
_اطلع برة يا نذل احسابك بس يرجع عمر ياحقير.
هو لزمني من شعري وگلي بغضب:
_ايدج هاي المرة مديتيها المرة الجاية اگطعها صوتج ميعلى علي افتهمتي لو لا؟ وگليله لعمر هذا راح ايسرع زواجنا ما عندي مانع اصلا اني فاتحت الشيخ بزواجنا وهو وافق بقى بس نشهر الخبر حضري نفسج مراح نتأخر بالخطبة اجيت اطيج علم فقط وهذن.
وهي يتلمس شفتي اني دفعت ايده هو ابتسم وگال:
_ما بقى شيء يا لبوتي واتصيرين بحضني ومرتي وام بيتي.
باسني بخدي النذل وطلع وسد الباب اني وگعت على ركبي وابجي بحرگة وملخت روحي والله عرفت هيج راح ايصير من نظراته واعرف الشيخ مراح ايعارض لانه يبقى ابن عمي بس جود ، اذكرت جود ما سديت الاتصال من اجة جلال ركضت للتليفون شفته بعده مفتوح وجود گاعد على الكرسي ويباوع علي وعيونه حمر واوردة ايده ورگبته طالعة ما حجة شي بس يباوع علي اني احاول ابررله وادموعي ما توگف وهو بس يسمع وما يبدي اي رد فعل بس اعيونه حرگني عصبي كلش صدمني من گال:
.......
ستووووووووب 💜
💜💜💜💜💜💜
اشلونكم حبايب 😉
حبيتوا البارت؟
اذا حبيتوه لا تنسون ابطالكم بالفوت 👈⭐ والتعليق على الفقرات 👈💬 انتظرني بالبارت الجاي الاحداث شائقة اكثر احبكم واموت عليكم 😘
سؤال البارت:
شنو گال جود لهند وخلاها تنصدم؟
ومنو سبب الحريق بالمزرعة؟
شنو توقعاتكم للبارت القادم؟
لا اتغلسون على الأسألة وشاركوني توقعاتكم 😘
٣١٢٨ كلمة.