بدلت حوايجي وبقيت كنتسناه هو يدخل وهاز فيديه بيتزا موناضة
سيف : أجي تاكلي راك متعشيتيش راني شفتك ملي حطو العشا عينيك كانو غيخرجو وسمعت مصارنك ملي كانو يزغرتو
أنا : ههههه واخا هاني جاية
سيف : مهم كولي ونعسي أنا غادي نمشي عند لوجين
وقفت لي الماكلة
أنا : كح كح كح
سيف : (عطاني الما ) غير بشوية عليك مهم أنا غاذي بسلامة
أنا : اوكي بسلامة
غير خرج جمعت ديك الماكلة رميتها مخلاها لي منين دوز
نضت توضيت وصليت و نعست فقت مع 10 غسلت وجهي وسناني وبقيت كن قلب عليه ومالقيتوش
بدلت حوايجي وبقيت كنتسناه حتا جا
سيف : يلاه وجدي راسك على مندوش غنمشيو للدار عند الحاج 😠
أنا : اوكي أنا موجودة
دخل يدوش وخرج عندي
سيف :منسيتي والو
أنا: لاء منسيت والو
هو يجبد موس ناااااري واش هذا ناوي يصفيها لي
أنا : سيف مالك علاش الموس عفاك والله مادرت شي حاجة بلا خبارك
سيف : ههههه 😂😂😂 قربي
أنا : لاااااا عفاك واش حماقيتي
بقا كي ضحك هو يضرب يديه
أنا : أويلي واش تسطيتي
سيف : سيرييييي جيبي ليزار البيض بزربة
جبتو ليه وأنا كنقفقف
أنا : علاش كدير هاكا
سيف : هذا المكلخة ملي تسولك ماماك و الحاجة غتعطيه ليهم فهمتي
أنا : اه فهمت ولكن بلاتي نضفو هاذ الجرحةسيف : يلاه حتا للدار راه تعطلنا
جمعت الحوايج وهبطهم هو ونزلنا مشينا للدار لقيت ماما والحاجة فالباب سلمو علينا سولتني ماما
ماما : امدار ابنتي كيداز داك الشي 😉
أنا : ههه حمد الله
ماما : إيوا فين درتيه
أنا : راه فواحد الميكة فالشانطة
ماما : ههه ربي يخليك لي أبنتي خليه تنوريه للحاجة
أنا : اويلي اماما حماقيتي
ماما : ابنتي هادو هو ما التقاليد
ودخلنا للدار اشمن دار قصر هذا اشمنك يا ديكورات و الاتات كيحمق داك شي مغريبي 100% داني سيف للبيت بدلت عليا لبست قفطان فالبيض و فولار بيض وبليغة بالصم هبطت جلست حدا ماما فالصالون شوية وهي تجي هذيك الصفريطة لي كانت راكبة معاه ديك المرة فاش ضربني عقلتو عليها دخلت هي وسيف وهي غير هزا راسها بحلا شامة شي ريحة وصلت حديا
الصفريطة : اوووه حبيبي هاذي هي لي قلتي لي
سيف : وي لوجين هاذي هي لينا
وقفت وسلمت عليها وهي غير كتخنزر ملي سمعت لوجين عاد فهمت بلي هاذي هي لي كيبغيها و بقا فيا الحال ( لوجين بنت تكون فعمرها 23 دايرة لي لونتي زروق مقطعة شعرها حد كتافها )
سيف : لينا هاذي لوجين بنت خالتي
أنا : متشرفين
بقينا جالسين وداك 3 سوايع دازو بحال 3 سنين سلات الحفلة و الضياف مشاو وماما هزات ختي وغيمشيو بحالهم
ماما : بنتي تهلاي فراسك و راجلك وخا يخاصم عليك راه راجلك وضربك وميخلي لي يضربك
أنا : اهئ اهئ بغيت نمشي معاك
ماما : اويلي على الهبيلة
إسراء : صافي الزرقا غتخليني بوحدي اهئ اهئ غنتوحشك دبا شكون غيبقى يديني نقرا
أنا : اهئ اهئ ماما تهلاي فختي
ماما : ربي يتهلا
أحببته فعذبني ثم أحبني
By SiinYam
تفااااااااااعلوا💜 More