سالينا بديت كنتسخر لقيتو عاطي تيليفونو لإسراء كتلعب بيه غير شافني هز راسو بقا مصدوم أنا مبغيتش نعيق
أنا : صرصووووووتي توحشتك
لاحت ليه التيليفون وعنقاتني
إسراء : الزرقا جيتي توحشتك أنا
أنا : كيفااااش بعدي مني
إسراء : ههههههه ليونتي أنا كنبغيييييك
أنا : ههه حتا أنا اعمري
سيف : إسرااااء غلبتك غلبتك
مصغيراتو إسراء غلبتك اويلي حي على فقسة
إسراء : ههه بالآتي أنا غنوريك
كملت أنا وماما التوجاد كلينا وكل مرة كيهز راسو ويشوف فيا كيخلعني بهاذ الشوفات سالينا وناض يغسل يديه
سيف : لينا ليناااا أجي 5 دقايق محتاجك
ماما : نوضي أبنتي شوفي راجلك
أنا : وخااا هاني جاية
مشيت عندو للحمام
أنا : وي ها أنا
بقا كيشوف فيا وشويه هو يجرني لبيتي سورت الباب وبدا كي قرب ليا
أنا : عفاك راه ماما فالدار خليني عليك
سيف : أصلا نتي لي جهلتيني
أنا : حشومة عليك دير لي هاكة 😢😢😢
بديت نتهرب ليه حتا شدني من خصري وقربني ليه حط نيفو على نيفي عينيه مركزين على فمي اوووووف باقي حتا ما برا
هبط لفمي بدا كيبوس غير بشوية بقا هكاك شي 20 دقيقة وشدني من وجهي وباس لي راسي حسيت بالأمان والراحة واحد الإحساس واعر ماطلقني حتى جات إسراء كدقإسراء : حلو الباب خويا سيف هاك تيليفونك كيصوني
مشا فتح ليها الباب خدا التليفون لقاها لوجين
سيف : الووو وي ..... صافي ساعة ونكون عندك ..... يلاه باي
حسيت بقلبي تقبض عليا ملي عرفت لوجين هي لي معاه
سيف : يلاه بسلامة دبا أنا غادي خلي تيليفونك مشعول باش نعيط ليك
أنا : اوكي.......اه سيف إلى قنطت نقدر نمشي للدار
سيف : اه تقدري ها كي ها سوارت
أنا : شكرا مكين مشكيل
ايواااا الالة لوجين لبقات فيك أجي وشمي لي 😈😈صافي مشا سيف ملي سلم على ماما و ختي معرفتش حسيت بالترويعة فقلبي مشيت للحمام رديت كاع داك الشي لي كليت
ماما : مالكي أبنتي
أنا : والو راه كترت فالماكلة ومقديتش
ماما : اه إيوا صافي دبا يفوتك الحال
عاود حسيت بنفس الإحساس رجعت عوتاني
ماما : خلعتيني ابنتي
أنا : متخافيش راه معندي والو نتي لي طحتي عميا فالسمن علا الناس كيطيبو بالسمن
ماما : لا لا لا هذا ماشي السمن غدا غنمشيو للطبيب
أنا : الله يهديك اماما راه مكاين والو
ماما : صافي هضرت يلاه سيري سيقي الدروج أنا غنجمع الدار والكوزينة
هبطت كنسيق بديت كنحس بالأرض كضور بيا الله ياربي اش هاد الشي محسيتش براسي حتا فقت فبيتي وماما و إسراء كيبكيو
ماما : الله يا بنتي قلت ليك غدا نمشيو للطبيب
أنا : صافي واخا غدا نمشيو
ناضت ماما دارت الكوطي ودارت لينا المسمن بقيت كناكل فوق القياس ساليت جمعت الطابلة قاديت الدار مخلاتنيش ماما نغسل الماعن قاتلك كاين طبسيل ديال الطوس وخافتني نهرسو ليها ههه مشيت كنتفرج وإسراء كتلعب حدايا وماما مشات عند صاحبتها دي ليها جلابتها محسيتش براسي تا نعست فقت حتا للصباح توضيت وصليت ومشيت وجدت الفطور فطرنا و جمعنا الدار وغسلنا الماعن ولبسنا حوايجنا وخدينا طاكسي ومشينا للطبيب بقينا جالسين واحد 10 دقايق وهي تجي الممرضة
الممرضة : مدام لينا تفضلي معايا
أنا : واخا شكرا ....... السلام عليكم
الطبيب : وعليكم السلام
أنا : دكتور البارح رديت كاع داك الشي لي كليت وطحت حيت جاتني الدوخة وكنحس بقلبي مقبوض عليا
الطبيب : وي تفظلي معايا نشوف
دار لي الصناتة فكريشتي ( تحية للسكينة مرات المصطافا) وبقا كيشوفالطبيب : مبروك عليك الالة
أنا : كيفاش مبروك
الطبيب : راكي حاملة ب أسبوع ونص
غير قالها تفكرت داك الوحش نهار تعدى عليا تخلطو عليا جميع الاحاسيس الفرحة الحزن .....
خرجت عند ماما
ماما : امدرا ابنتي اش عندك
أنا : حاملة
ماما : يويويويويووووووي
أنا : اويلي اماما فضحتينا
