ودبا بغيتك تهلاي فختك وديريها فعينيك وأنا عرفاك كبيرة وبعقلك معرفتش شحال غنجلس فالحبس ولكن نوصيك عمرك تخلي شي شماتة يقربليك إلا فالحلال وحضي ختك
أنا :( عينيا غرغرو )كيفاش كتقولي هاذ الهضرة راه وخا نعرف نموت منخليكش تمشي للحبس
ماما : لا أبنتي أنا ميمكنش نقتلك بيدي
أنا : ماما صافي قولي ليه إيجي بلا متمرضي الله يرحم باك
جمعت الوقفة مشيت لبيتي سديت عليا وبقيت كنبكي حتا رتاحيت أنا ميمكنش نخلي ماما تمشي للحبس راه مستحييييل غنتزوج بولدو ومن بعد نطلب منو الطلاق نعست فقت مع 17:00 مشيت غسلت وجهي وجلست مع ماما كنتفرجو مهضرنااااش
فاقت إسراء جات عنقاتني كتبكي ختي لينا عافاك متمشيش وتخليني والله عمري بقا نقوليك الزرقا
تصدمت يحسابلي عرفت
أنا : حبيبة شكون قالك غنخليك
ماما بقات كتبكي وناضت للكوزينة
إسراء : لا أنا حلمت بيك راكبة فواحد الطموبيل وكنقوليك نزلي ونتي كتبكي وماما طاحت
أنا : خير وسلام حبيبتي أنا مستحيييل نخلي صرصورتي بوحدها ( عنقتها تاحسيت بضلوعها تجمعو )
-حبيبا تسناي أنا جايا
- واخا ختي الحبيبة
مشيت عند ماما لقيتها كتبكي
انا: صافي اماما ولي دارها الله هي لي كاينة
ماما : صافي احبيبتي بد لي حوايجك وبدلي لختك وخرجو بد لو الجو راه هدي شحال ماخرجتو
-واخا اماما
لبست جلابة كحلة وصباط كحل ودرت ميكاب خفيف و درت ضفيرة فالجانب مع شعري طويل جيت كييوت لبست لاسراء كسيوة فالغوز حد الركبة مع ليبا بيضة وليبوط غوز
إسراء : الزرقا عافاك عافاك ديني ألعاب
