أنا : صرصورتي ليوم غيجي سيف وغنمشيو نقضيو واحد الغراض
إسراء : اه صافي تا أنا غنمشي معاكم
أنا : هه لا احبيبتي هاد البلاصة كيمشيو ليها غير الناس الكبار
إسراء : واش فيها خالتي الغولة
أنا : ( لا فيها عمك الغول ) اه
إسراء : صافي ديني عند ماما
أنا : واخا حبيبتي
لبستها ولبست أنا جلابة فالخضر باااارد ومخيطة بالكحل وجات مع فورمتي مع أنا عندي تضاريس أمامية وخلفية هههه ودرت فولار كحل وصباط كحل وصاك خضر مدرتش المكياج تفذيا لاي هجوم
وصلت 10 سمعت الكلاكصون ديال الطموبيل طليت ولقيتو هو
نزلت أنا و ختي غير شاف ختي كحل بالعمى
سيف : واش إسراء غتمشي معانا
أنا : لاء غندوزوها عند ماما
سيف : اوكي
ديت ختي عند ماما دخلتها أنا وسيف
سيف : سلام خالتي كيف غادة مع الخدمة
ماما : إيوا اوليدي حنا خدامين .... تهلا لي غير فبنتي راه هو ما لي عندي
سيف (شد يدي وباسها ): الله يا ودي رآها فوق عيني وغمزني 😉
أنا تصدمت صدمة ديال العمر ضحكت
سيف : يلاه أخالتي نخليوك دبا
ماما : بسلامة عليكم
سيف : يلاه احياتي
وصلنا للباب
أنا : براكة من النفاق
سيف : شفتك جايبة لي ختك يكما أنا شيفور خدام عند باك
أنا : بابا بعيد عليك ومتوصليهش حتا صندالتو بابا راجل عليك أشماتة
الله ياربي محسيتش براسي تسناني تصورو فشنايفي
مشينا عند العدول
سيف : السلام عليكم
العدول : وعليكم السلام. ......
