عند سيف
اليوم غنصفيها لداك الحقير مشيت للشركة و سولت هند (السكرتيرة )
أنا: هند فين هو سليم
هند : خرج الصباح بكري
أنا : شوفي نبغي نعرف سليم داااااابا فين هو و إلا غنصفيها ليكم ب 2 فهمتي
هند : اوكي مسيو بناني
دخلت للمكتب هزيت السلاح وخرت
أنا : فين هو
هند : فالحديقة العمومية اسي بناني قدرت نعرفو من جي بي إس ليفالتيليفون
أنا : اوكي مزيان إلى ملقيتوش غندبحك
خرجت هزيت اللوطو و مشيت للحديقة بقيت كن قلب وكنجري بحال الهبيل وشفتو جالس هو وشي رجال قصدتو نيشان شديتو من يديه و ركبتو فاللوطو و مشيت للدار دخلتو وسورت الباب هو يبان لي الدم فالارض عرفت غتكون واقعة شي حاجة للينا
شديتو وشنقت عليه من الكول ديال قميجتتو
أنا : الحقير فين كتعرف مراتي
سليم : تلاقيتها فالمول
ضربتو حتا سال الدم من نيفو
أنا : الكلب واش أنا كنضحك ..... قولي فين كتعرفها ولا غنصفيها ليك
جبدت السلاح
سليم : سي سيف تهدن أنا غنعاود ليك شنو كاين ولكن هبط السلاح عفاك
أنا : يلااااااااه هضر الحمار
سليم : البارح عيطاتلي لوجين وطلبات مني نجي ونجيب معيا منوم وديتو ليها بقيت كنتسناها ال تحت شي ساعة وعاد عيطات لي طلعت عندها لقيتها لبسات مراتك داك اللبس وخا ناعسة وهي بقات كدير لي و مراتك فالبوزات وكتصور ومن بعد طلبات مني نخرج ليها هاذ التصاور ........ عفاك خليني نمشي راني عندي عائلة
أنا : الله ياخود فيكم الحق خرجتو لي على حياتي
خرج سليم وجلست أنا الكرسي وحطيت السلاح قدامي وشديت راسي بيدي وبقيت كن فكر فحبيبتي اه نعيط لفاطمةهي لي غتكون معاهاأنا : الووو
فاطمة : وي سي سيف بي خير
أنا : لا مابخير والو ... فين هي لينا
فاطمة : ناعسة
أنا : واش هي بيخير
فاطمة : لا كانت على شوية غيموت ليها الولد
أنا : ملي تفيق نقدر نهضر معاها
فاطمة : لا غير كنسمع سميتك كتعصب
أنا : أنا شوية غنكونعندكم
فاطمة : صافي واخا ولكن كون متأكد بلي مغتبغيش تهضر معاك
مشيت عند لينا لقيتها كاملة ضاير بيها السلوكا و الكابلايات و الأجهزة يعني تقدر توقع ليها شي حاجة فأي وقت ميمكنش كنت غنقتلك بففف أنا مكنسواش ولكن أنا كنواعدك أ عمري غادي نتاقم طاحت دمعة سخونة على خدي حيت أنا أكثر واحد عارف الإحساس بالظلم
فاطمة : سي سيف بيخير
أنا : لا ماشي بيخير
فاطمة : بلا متخاف الأطباء قدرو يعتقو لينا و الجنين
أنا : ختي فاطمة قولي لي واش هي غترجع لي وغادي تولد ونشد ولدي بين يدي
فاطمة : اه غادي ترجع وغادي تولد وتعيشو بثلاتة فسلام
أنا : ويلا مسمحاتش لي ...... غادي نموت حيت تعديت عليها كتر من القياس أنا مكنستهلهاش
فاطمة : لا غادي تسمح ليك كون هاني
وقفت فالزاج لقيتها بدات كتحرك وكتحتل عينيها بغيت نحماق بقيت داخل عندها
أنا : لينا حياتي سمحي لي
ضورات وجها
