أنا : ياك لاباس
سيف : لاباس غير بغيت نجي وصافي
أنا : صافي مرحبا '
إيوا دبا أ لينا ورينا علاهاش قادة بعد ما قطعت مع سيف دوشت ور تاحيت شوية سمعت الدقان فالباب حليت لقيتها الجارة لي قبالتي
الجارة : سلام ختي لينا أنا جارتكم فاطمة
أنا : مرحبا مرحبا دخلي
فاطمة : أنا عرفت السي سيف مكينش ونتي عاد جيتي وجبت ليك معيا شي فقيقصات صايبتهم فالصباح
أنا : يعطيك الخييير بلاتي نمشي نلقم شي كأس ديال اتاي
فاطمة : شفتك مكتخرجي موالو
أنا : لا راه حيت سيف مانع عليا نخرج ملي ميكونش فالدار ههه كيخاف عليا
فاطمة : هههه اه سي سيف راجل وعاطي للعين قبل متزوجي بيه كانت كتجي معاه واحد البنت فصراحة مكدخلش للخاطر
أنا : اااه لا لا هذيك غير بنت
متزوجي بيه كانت كتجي معاه واحد البنت فصراحة مكدخلش للخاطر
أنا : اااه لا لا هذيك بنت غير خالتو
فاطمة : إيوا سمعيني رجال راه كيبغيو المرة تكون متبتة ونتي تباركلاه عليك زين و التباتة ولكن خصك تخدمي عقلك قبل ميطير ليك الراجل
أنا : وكيفاش غندير ليها .. !!؟؟
فاطمة : اوووف راجلي كيتاصل
أنا : جاوبيه. ... هاني جاية
فاطمة : الووو ...... لا لا هاني غير مع مرات سي سيف .....صافي هاني جاية. ..... قلب فوق التلاجةأنا : جلسي فين غادة
فاطمة : راجلي تلغو ليه سوارت ديال الطموبيل حتا لعدة ونرجع عندك ..... يلاه بسلامة
أنا : بسلامة إيوا عنداك تغبري عليا
فاطمة : لا لا متخافيش تهلاي
سديت الباب ودخلت وأنا كنفكر فهضرت فاطمة كيفاش زعما عاطي للعين ...ويلى ضارت بيه شي وحدة ... ياه وأنا مالي يمشي يعاودها للراسو .....بفففف عيت أنا
مشيت لقمت براد ديال اتاي و حطيت دوك الفقيقصات و المسمن لي عطاتني ماما كليت وجمت الكوزينة غسلت الماعن وبقيت كنتفرج فواحد المسلسل ملي سالة شعلت البيسي و دخلت للفيس بيني وبينو زمااان شوية طلع لي واحد الكروب " المغربيات أجمل نساء الكون " (تحية ل #MANK ) لقيت وحدة مبوسطية كيفاش تخلي راجلك يموت عليك
اويلي أصلا السيد جاعر غير بوحدو الله يهديني تا أنا شوفي أ لينا نتي قلتي بلي مغتخليهش للوجين
صافي قريت داك الشي عجبني بغيت نطبقو خفتو يفرشخني لا لا مبقيت قادة
سديت البيسي و نعست فقت مع 8:00 وجدت الفطور فطرت وبقيت جالسة حتا جات عندي فاطمة
فاطمة : سلام بي خير كيف غادا مع تمارة
أنا : بخير الحمد الله
فاطمة : إيوا أجي معيا..... عرفتيني علاهاش جيت
أنا : لا .... بغيت نقول اه
فاطمة : إيوا غنبداو بالخطة الأولى غادي تجمعي الدار وتسيقيقها مزياااان
أنا : ولكن أنا حاملة
