الشخص : اه تفاهمنا
لوجين : يلاه تلاح
ايواااا الالة لينا غنوريك شكون هي لوجين 😈😈😈
====> عند لينا
إيوا أسي سيف حالفى تنرض ليك داك الشي لي دوزتي عليا مثنى و ثلات و رباع
أنا : اهئ اهئ بعد مني الحقير نسيتي اش درتي لي وليت كنخاف منك بحال شي شبح كيفاش غادي نعيشو بزوج يلاه غنمشيو غدا غنطلقو فهمتي
الله الله شحال ولى حنين شد وجهي بين يديه
سيف : سمعي احياتي راه الرسول " إن أبغض الحلال عند الله الطلاق "
أنا : علاه نتا كتعرف بينك وبين الرسول كون كنتي تعرف متحطش يديك عليا
سيف : عفاااك سمحي لي أنا راه كنبغيك بزاف
واش سمعتوه شنو قال كيبغيني ولكن نزيدو نعدبوه 😈😈
أنا : ولكن أنا كنكرهك و مكنبغيكش كرهتيني فحياتي الحقيييييير
سيف :( شد فراسك أ سيف خاف تجي تكحلها تعميها ) ولكن أنا ندمان بزااااف
أنا : ندم و لا لا حيت دبا فات الفوت حيت كون كان الندم ينفع كون نفع بابا ملي تسلف الفلوس من عند باك
سيف : لينا أنا مبغيتش نتعصب باقي شاد فراسي
أنا : إيوا شفتي ها علاش مبغيتش سير بدل ساعة بأخرى
مشيت دخلت للبيت وسديت عليا لا يجعر و يقصدني وبقيت كنقز فوق الناموسية وتفكرت فاطمة و عيطت عليها
أنا : الووووو حبي صافا عليك
فاطمة : احم احم راك واقيلة غالطة فالنمرة أنا راه فاطمة ههه
أنا : ههههه لا لا أنا عارفة ليمن كنعيط مهم بغيت نقوليك صافي طيحناه
فاطمة : لا لا متستسلميش ليه راه مزال عندنا الخدمة شوفي غدا فالصباح غنجي عندك
أنا : اوكي واخا مواااح عليك
فاطمة : صافي باااي ههههه
قطعت معها وسمعتو كيعيط
سيف : لينا لينا آجي تاكلي
أنا : مابغييييييييييييتش
سيف : وأجي وكلي غير ولدي
أنا : لااااء تا هو مفيهش
سيف : واش بغاني نعاود الهضرة
اويلي كيفاش غيعاود الهضرة لا لا وأصلا واعدني
أنا : يلاه لقدرتي تعاودها غير عاودها
سيف : ايوااا حلي الباب وخليني نعاودها ليك هههه حمقة
أنا : لا غير هضر راني كنسمعك من تما نيهاهاهاها 😈😈
سيف : مابغيتيش واخا ولكن غير غتحلي الباب غنوريك
أنا : مسكيييييين أنا ممخرجاااش
سيف : مهم أنا غادي للخدمة غنرجع تال الصباح
