أنا : طلقينا خلاص خلينا نمشيو
ماما :صافي هاني جاية
أنا : ماما أنا كنعرفك عنداك تقولي للحاجة شي حاجة خلي تانقولها ليهم خليها مفاجأة حيت لا قلتيها ليها غتقولها لسيف و أنا بغيت نقولهالو بطريقتي
ماما :صااااااافي كوني هانية
وصلنا للدار مشيت نرتاح حيت عييت بقت كن فكر فولدي وباه كيفاش غادي نقولو أنا حاملة بففف أكيد إلى عرفها غادي يدبحني ياربي دير لي شي تأويل ديال الخير داتني عيني تاكنسمع ماما
ماما : لينا لينا فيقي راه الحاجة جات عندك
أنا : ماما شوفي فيا ...... نتي قلتي ها للحاجة
ماما : ابنتي هاذ الخبار كتخبا
أنا : يااااااي حشومة هاذ الشي لي كديري فيه ولمن عاودتيها تاني
ماما : ياك ابنتي ياك اهئ اهئ دبا وليت برگاگة
أنا : الله يهديك اماما .....صافي صبقيني هانا
ماما : يلاه
لبست عليا بنوار وخرجت عندهم
الحاجة : تباركلاه تباركلاه على بنتي .... علاهاش كتوحمي
أنا : هه مزال هاذ الساعة مابانت لي فوالو
الحاجة : أنا غنعيط لسيف ونقولها ليه
أنا : لا لا لا أ الحاجة خليني نقولها ليه أنا بطريقتي
الحاجة : ههههه تا أنا ملي كنت حاملة بيه مبغيت تاحد يقولها للحاج
أنا : اييه باش كتجي بسرها
وجدت ماما الغدا كلينا وهما دايرين لي محاضرة شنو نأكل و شنو لا ......
الحاجة : إيوا أ لآلة سعاد خليتكم على خير تهلاو
أنا : بسلامة أ خالتيخرجتها ماما للباب و رجعت
أنا : ماما فعشية غنمشي للدار
ماما : علاش .. !!؟؟
أنا هكاك بغيت نمشي وصافي
ماما : واخا أ بنتي ديري لي بان ليك
أنا : هاني غادا نرتاح
مشيت جمعت كاع داك الشي لي غنحتاج وحطيتو حداية
و نعست وصلات 17:00 جمعت حوايجي و عيطت للطاكسي يجي للدار ومشيت عند ماما
أنا : ماما ماما فينك
ماما : هاني فالكوزينة
أنا : صافي هاني غنمشي
ماما : صخيتي بينا ياك راجلك قاليك تا يجي ويديك
أنا : وصافي راه هضرنا أ ماما
ماما : صافي صافي هاني ساكتة
أنا : يلاه بسلامة
هبطت ركبت فالطاكسي و عطيتو العنوان ومشيت للدار دخلت يلاه جلست هو يعيط لي سيف فالتيليفون
سيف : الووو صافا عليك
أنا : وي صافا حمد الله ونتا
سيف : بيخر فينك دبا
