-لا لا قولي شكون أنا 😈
- واااااع نتي لينا ختي الحبيبة نتي ماما التانية هههه 😂😂
-ههه اوكي يلاه نمشيو للألعاب
مشينا شديت ختي من يديها وبقيت كن فكر كيفاش كنت عايشة كيفاش تقلبت عليا مي الحمد الله ربي مكينساش عبادو
إسراء : يلاه نمشيو لزعلولة
ركبتها وبقيت كن دفع بيها وعقلي مرفوع شوية توعيت ملقيتش ختي بقيت كنغوت وكنبكي والناس كيشوفو فيا
مشيت حدا واحد مول لا كلاص وجلست كنبكي ونوح على ختي شويا هي تبان لي
إسراء : اهئ إهى ملقيتكش مشيت نشريليك الصوفا
أنا : ختييي اهئ اهئ اهئ عنقتها مطلقتهاش حتا نعست بين يد يا
وهي تجي واحد المرة تكون فعمرها ديك 50 عام
المرأة : السلام
أنا : وعليكم السلام
المرأة : باينة ابنتي فعينيك بحر ديال الحزن ونتي عندك الحل لهاذا لأحزان كاملة من مورها غتشوفي السعادة لي تستاهلي عليك غير بصبر وتخدمي عقلك شويا
ناضت ومشات خلتني مصدومة عيت نقلب عليها مي غبرات من بعد هضرتها رتاحيت شوية شفت فالتيلي لقيت 21:00 اويلي ليوم ماما تصفيها لي هزيت ختي ومشيت للدار لقيت ماما ناعسة والتلفزة شاعلة حطيت ختي فبلاصتها و بستها وغطيتها بدلت حوايجي ومشيت طفيت التلفازة وغطيت ماما ومشيت لبيتي طفيت الضو و نعاس حلف لا بغا يجيني غمضت عيني وبقيت كن فكر فبابا و ماما و ختي والناس لي غنمشي عندهم اوووف حياتي تقلبات أصبحنا وأصبح الملك لله
فقت مع 6:30 غسلت وجهي وسناني وجدت الفطور و فيقت ماما وختي فطرنا لبست ختي وديتها للمدراسة ديالا
إسراء : عرفتي أ لينا أنا فرحنا بزاااف وخا مكينش معنا بابا
أنا : حبيبتي علاش كتقولي هاكة اصلا بابا غيجي
-علاش كتكذبي عليا أنا كبيرة وبابا مات
طاحت دمعة من عينيها مسحتها بزربا
- لا الحبيبة ديالي شكون كيقوليك هاذ الهضرة
- ولكن متخافيش أنا قوية بحالك وبحال ماما مكنحتاجو تاواحد باش نعيشو ياك ا لينا
-اه ومعمرنا غنحتاجو شي واحد
