اشلونكم حبايبي 😉
البارت اليوم طويل لعيونكم لا تنسوني بدعمكم ما اطول عليكم اعوفكم مع القصة 💜
رزان:
حنة مرام اتجنن و كلش حبيتها وبسرعة صرنا صديقات انقهرت كلش من بچت (بكت) هي واخوانها من شفت الصاك دخل يمة گلبي راد يوگف اشطالع القاط لايگله اويلي هذا الرجال ناوي ايجيب اخرتي حضن مرام و هو گوة لازم نفسه حتى ميدمع گدامها كلش فرحت لمن عرفت هو اخو مرام وعمر هو رجلها و اصدقاء للعائلة يعني راح تكثر جمعاتنا بالأيام الجاية ، بشكل عام الحنة اتجنن ومرام وعمر فديتهم ايخبلون سوة و لايگلهم الفرح الله يسعدهم ان شاء الله اليوم العرس نفس الروتين گعدت الساعة 9 وگعدت فاطمة اتريگنا واتجهزنا بسرعة اني لبست 👇
وفاطمة لبست👇
صارت الساعة 1:30م بابا گال:
_يلة خلي نتوكل لا نتأخر على الجماعة.
صعدنا بالسيارات و دخلنا سلمنا على الكل ومرام بعدها بالصالون الديجي مشتغل و البنات يرگصن وفرحانات اجت فاتن گعدت يمنا ضلينا انسولف وضلت اتعرفنا على بنات خالاتها و گرايبهم لحد ما اجت مرام اتجنن بالأبيض صور مقاربة لطلة مرام 👇
البدلة:
المكياج و التسريحة بس اعيون مرام عسلية وبشرتها بيضة واتخيلوا 😉:
اول مدخلت بدت الهلاهيل و الصلوات و البنات بدن يتصورن وياها و الباقيات ايرگصن و يردحن وهي گومتها فاتن ترگص اشوية ورگصنا وياها وفرحانة فديتها فرحتها مسايعتها.
شفت فاتن فاتت للبيت ورة اشوية سمعتها اتصيح على البنات بس محد يسمعها الديجي عالي رحت اشوفها شتريد شفتها بالمطبخ گلتلها:
_ها حبيبي گولي البنات ميسمعنج من صوت الديجي.
هي گالت:
_الحمد لله سمعتيني بس تعالي حطي الشكر بالستكاين حبابة لحد ما اطي العلاج للشيخة وارجع ما اتأخر.
گلتلها واني ابتسملها:
_روحي حبيبتي اني اكمل.
هي ابتسمتلي واخذت المي (ماء) وراحت اني گمت احط الشكر بالستكاين وسمعت صوت وراي يمة گلبي وگف هذا صوته شيسوي هنا گال:
_فاتن اطيني مي بسرعة اتأخرت.
اخذت المي و اطيتهيا هو شافني انصدم ضل صافن اني ابتسمت و نزلت راسي ورجعت اكمل شغلي واجت فاتن شافت كيان گالت:
_هلة بيك شيخ رايد شيء؟
هو گال:
_لا بس ردت اشرب مي يلة راح اطلع رايدين شي؟
جاوبته فاتن:
_الله وياك لا ما محتاجين شي.
هو طلع بسرعة اني گلبي يريد يطلع من صدري من اجگد ما ايدگ سريع الله لا ايحطكم بنفس الموقف التوتر عندي فول بلحظتها بس شطالع ابن الذين كتلة رجولة وهيبة واگفة گدامي اووووف المهم اني كملت الستكاين واجت فاتن صبت الچاي اشوية واجت فاطمة بت عمة فاتن وگالت وهي اتباوعلي صفح ما اهتميتلها:
_ها فاتن اساعدج بشي؟
فاتن گالت:
_اي تعالي شيلي صينية الكيك و خلي انضيف الجماعة.
وباوعت علي وگالت:
_يلة تعالي وياي.
وشالت صينية الچاي ورحنا للأستقبال گامت اتضيف بالنسوان هي وفاطمة و اني رحت يم فاطمة بت عمي صارت الساعة 4:30م گالوا اجة العريس باوعت على مرام متوترة و خجلانة يمة اتخبل امها طلعت من الأستقبال وهي شافتها دمعت بس ما بجت واتمالكت نفسها دخلت هند و امها و عماتها وبدن ايهلهلن و يطشن جكليت و يهوسن وام مرام رجعت والدمعة بعدها مناشفة من عينها امي و سارة راحن يمها يهدأنها حتى لتبجي گدام مرام ودخل عمر وگعد ابصف مرام و همسلها وانشوفلكم مرام خجلانة وتبتسم يابة مال گرط اتخبل من تخجل فاتن شغلت الديجي وگامن ايرگصن ويردحن هي وهند ذبن لحم وبنات عماتها و خالاتها ما قصرن بس فاطمة واختها زينب بنات عمت مرام و فاتن ايصفگن ما ايرگصن حتى بالحنة ما شفتهن رگصن بس من دخل الصاك فاطمة رگصت وية فاتن تكسير ومن طلع هي رجعت لمكانها استغربت من تصرفها وكتها .
ورة نص ساعة ام مرام لبست مرام البرنص و دخل رجال جبير فاتن گالت هذا جدي الشيخ گوم مرام و عمر لزم ايدها و البنات ايهوسن و النسوان ايهلهلن وطلعوا للسيارات احنا هم طلعنا وراهم صعدنا بسياراتنا و رحنا بالزفة جانت اتجنن زفتها الكل يرگص بالكوسترات و السيارات و فرحانين وصلوا للمصور مرام وعمر وهند و ام عمر دخوا للمصور و الباقين بقوا بالسيارات اني لمحت الصاك يم سيارته و جان ايخابر و امبين عصبي بعدين سد التليفون وشمره بسيارته هو ضل ايباوع على السيارات و اجت عينه بعيني اني خجلت ونزلت راسي يمة ايخوف وهو عصبي ما اتجرأ اباوع عليه اشوية ورجعت باوعت عليه شفته ابتسم وصعد بسيارته ايخبل من يبتسم طير عقلي هذا الرجال طلعت مرام من المصور و رجعت الزفة لحيويتها لحد بيتهم الزفة لبيت مرام وعمر مو للفندق حسب كلام فاتن وبيتهم جبير ما شاء الله دخلنا وهم البنات ما قصرن بالرگص واني وفاطمة همين رگصنا وية هند و فاتن ورگصنا مرام ويانا وهي تضحك ومكيفة مرت نص ساعة ماما گالت:
_يلة حبيباتي لازم انروح .
ودعنا البنات وماما وسارة ودعن ام مرام ومرام وطلعنا للسيارات جاي اصعد بسيارة سالم اني وفاطمة و جود و ماما وبابا وسارة صعدو بسيارة عمي جاي اصعد لمحت الصاك ايباوع علي هو من شافني باوعت عليه خزرني اني نزلت عيني وصعدت بسرعة يمة ايخوف صعدت و فاطمة وراي و بطريقنا للبيت انتبهت على جود مو طبيعي الطريق كله صافن ومخنزر سالم هم انتبه وگاله:
_جود اشبيك بس صافن ليش ما تحجي شي؟
هو باوع عليه وجاوبه:
_ماكو شي بس تعبان اشوية لتخاف.
سالم ما لح عليه وعافه براحته بس هذا الحجي ميمشي علي وصلنا للبيت وكلمن راح لغرفته حتى يرتاح اني رحت لغرفتي بدلت و خلصت اجتني فاطمة گالت:
_تعالي نامي يمي.
گلتلها:
_اي بس اشوف جود واجي وراج.
هي گالت:
_ماشي.
وراحت اني رحت لغرفة جود فتحت الباب اشوية وشفته متمدد على السرير وصافن بالسگف (سقف) دگيت الباب و دخلت هو من شافني گعد وگال:
_تعالي حبيبتي محتاجة شي ليش بعدج گاعدة؟
اني گعدت بصفة وگلتله:
_قلقت عليك ليش بس صافن گول حبيبي شنو لقالقك هيج؟
هو لزم ايدي وگال:
_لتخافين ماكو شي ارتاحي وروحي نامي وليضل بالج.
اني گلتله:
_گول جود تعرف مراح اگد انام وبالي يمك وكلامك هذا ما يدخل للعقل سولفلي بلكت اگدر اساعدك.
هو اتنهد ونزل راسه ويمسح على ايدي وگال:
_تذكرين من انخطفتي و الشرطة اعتقلت الخاطفين كانو اربعة شباب مو صح؟
اني گلتله:
_اي وشلون انسى اشبيهم؟
هو جاوبني وگال:
_اتعرفين واحد من ذول الشباب خطفج لين كنت سبب بسجن اخوه وما طلعته من السجن وهذا الشاب ابن واحد رئيس عصابة ايتاجر بالمخدرات و تبيض الأموال واله مكانة بالدولة وماكو ادلة كافية عليه حتى يتم اعتقاله لذلك هو بعده حر ويمارس اعماله بحرية ، وابنه من اعتقلته الشرطة حاول ابوه ايهربه بس اثناء العملية صار اطلاق نار بين الشرطة والعصابة و ابنه مات جراء رصاصة اجت بگلبه وابنه الي انسجن من اتوليت قضيته اجرم بحق نفسه.
وسكت اني گلتله:
_اي كمل.
هو گال ويباوع بعيوني:
_اني تجيني رسائل تهديدية بالخطف لذلك خايف عليج لا ينعاد نفس الحادث مو كل مرة تسلم الجرة.
سألته:
_ومن اشوكت تجيك هاي الرسائل؟
گال:
_صار 4 ايام.
سألته:
_شنو كان مضمون اخر رساله وصلتك؟
گال:
_انه ايخطفون شخص اعزه ويحرمني منه مثل ما حرمته من اولاده وخايف على سالم وفاطمة همين لين افتهمت من الرسائل ايعرفون احنا هنا ويعرفون وقت خروجي ودخولي للبيت ومو بعيدة ايكونون امراقبين تليفوني هم.
گلتله:
_وشناوي اتسوي؟
هو گال:
_ما اعرف جاي افكر لين الوضع ما ينحمل كل ما اگول خلص راح نرتاح تطلعلي شغلة صفح.
ولزم راسه وانفعل وضل يمشي بالغرفة ومتوتر وعصبي ويحجي بحرگة فاطمة دخلت وسالم هم فاطمة گالت:
_سمعنا كلامكم بدون قصد لين جود صوته عالي اشوية اهلنا نايمين مسمعوا شي راح انساعدكم.
سالم گال ورة ما سد الباب:
_ليش مگلت من سألتك حتى انساعدك لهدرجة متأمن بينا.
جود گال:
_مو هيج بس ما اريد اورطكم هذا اخر شي اتمناه ايصير.
فاطمة گالت:
_ميخالف انسى لازم انحط خطة حتى ننهي الموضوع.
اني وگفت گدام جود اريد اهدي لين صار عصبي كلش ولزمت ايده وگلتله:
_عندي حل بس اسمعني للأخير حتى نخلص من هاي السالفة نهائياً.
هو هدأ وگال:
_گولي اسمعج.
گلتله:
_اول شيء لازم انگول للشرطة على الرسائل وكل السالفة حتى ايساعدونا بأعتقالهم واحنا علينا نجمع الأدلة عليهم واليوم قبل باجر.
هو گال:
_اي ماشي اخابر كيان واگله هو يتكفل بموضوع الشرطة ، بس اشلون نجمع الادلة واحنا ما نعرف موقعهم؟
گلتله:
_سهلة نمسكهم بالجرم المشهود بس اعتمد علي حبيبي خابر كيان وگله يتكفل بموضوع الشرطة بأسرع وقت .
هو گال:
_ماشي سالم اطيني تليفونك اخابر منه.
سالم اطاه تليفونه و خابر على كيان وشغل اسبيكر كانت الساعة 11:30م ورة رنتين جاوب كيان وگال:
_الو منو وياي.
جود جاوبه وگال:
_اعتذر على ازعاجك هذا اني جود واريدك موضوع ضروري.
كيان گال بسرعة:
_هلة بيك گول وان شاء الله اگدر اساعدك.
جود گله الوضع وشرحله شنريد منه كيان گال:
_اني هم صار اسبوع تجيني رسائل تهديدية لنفس السبب و اليوم كنت بالمركز شفت صديق و طلبت دورية شرطة يتنكرون و يجتمعون بمنطقة معزولة و يكونون بعيدين عن الانظار واني الفجر اطلع للمنطقة واشوف شنو نية السيارتين الي اتلاحقني واذا خطفوني فالشرطة راح تتبع موقعي وتلزمهم بالجرم المشهود.
جود باوع علي بمعنى شدگولين ، اني گلت:
_هذا الشيء مراح يرجع علينا بالفائدة مراح نجمع الأدلة المطلوبة.
جود گال:
_صحيح.
كيان گال:
_ليش؟
جاوبته:
_لعدة اسباب اولاً:احنا ما نعرف اجگد عددهم ويجوز ايقتلوك ما ايخطفوك بعدين انت گلت هم امراقبيك ويعرفون اكيد انت رحت لمركز الشرطة راح ايظنون انك اتفقت وياهم وخروجك وحدك لمنطقة معزولة راح ايأكدلهم انك محضرلهم فخ فمراح ايسولك شي.
ثانياً:واضح انه رئيسهم عنده اطلاع على تكتيكات المداهمة لذلك يفلت من كل محاولات الشرطة لأعتقاله بالجرم المشهود فمراح يوگع بالفخ بسهولة ويعرف اشلون يمحي الأدلة عليه.
ثالثاً واخيراً:هو اب قبل كلشي وانقتلوا اثنين من ولده واكيد عنده نية للأنقام والعصبية عاميته لازم يغلط شي غلط واحنا راح نستغل هذه النقطة لصالحنا وانصيده المسألة مسألة وقت.
جود يباوع علي ويبتسم وگال:
_بالضبط هذا لكنت متوقعه منج متفوتج فايته راح اتصيرين محامية مرموقة.
كيان ضحك وگال:
_والله كل يوم انصدم بأختك عندك داهية مو محامية اي وشتقترحين انسوي حتى نمسكهم بالجرم المشهود.
گلت واني ابتسم بمكر:
_نغري الفريسة و نجذبها للمصيدة بكل بساطة ونتمتع بوجبة هنيئة.
جود وسالم ضحكوا عرفوا شقصد و فاطمة ابتسمت وكيان ضحك وگال:
_اشلون انصيدها حضرة الصيادة؟
شرحتلهم شيسوون سالم مصدوم وگال:
_انتي اختي وبت عمي الي اعرفها؟ اشلون خطرتلج هاي الفكرة.
وفاطمة گالت:
_والله گمت اخاف منج.
جود ابتسملي اني جاوبتهم:
_هاي فوائد انه اخوك ايكون محامي وانت مطلع على كل انواع القضايا و القوانين.
جود ضحك وگال:
_عجبتني الخطة انت شدگول كيان؟
كيان هم ضحك وگال:
_اني مثلك اتفقنا لعد اروح اسوي لعلي ونبقى على اتصال.
وسد التليفون واحنا رحنا نمنا وباجر انبلش بالخطة.
كيان:
اليوم عرس عمر و مرام گعدت الساعة 9:30ص على صوت عمر:
_كيان اگعد يلة حسن جاب الريوگ راح نتأخر.
گلتله:
_گعدت بس اغسل واجي وراك.
هو گال:
_لتتأخر.
وراح فتت للحمام غسلت وجهي وشفت تليفوني اتصالين من رقم غريب ما اهتميت وشمرت التليفون على السرير و نزلت للشباب اتريگنا و بدلنا وحسن گال :
_راح اروح اجيب السيارة و يزن يم جدي ميگدر ايودي مرام للصالون.
گلتله:
_مو مشكلة اني اوديها .
طلعنا و حسن راح ايجيب السيارة من صاحبه واني وعمر صعدنا بسيارتي انروح لبيت جدي وصلنا وهو راح للمضيف واني بوجهي للبيت دخلت گلت لأمي:
_يمة اني اودي مرام للصالون شوفيها اذا كملت حتى انروح.
هي گالت:
_اي ابني هسة اصيحها.
راحت صاحتها اني شفتها وهي اجت حضنتني و صبحت علي بادلتها و اخذت البدلة منها و صعدنا بالسيارة اجت ويانا مرت اخوي حسن نغم و امها وصلتهن للصالون ونزلن مرام قبل لا تنزل سألتني:
_حبيبي انت راح اترجعني مو؟
گلتلها واني ابتسملها:
_اي حبيبتي .
هي ابتسمت و نزلت شفتهن دخلن للصالون واني منتبه الطريق كله سيارة مظللة تمشي وراي ردت اتأكد ضليت افتر اشوية وابتعدت عن المنطقة والسيارة بعدها وراي اتأكدت ذول متقصديني و السيارة صارت سيارتين اني سقت بالأفرع اريد اظللهم مو وكتها اليوم تجيني المشاكل وصلت للشارع العام و اكو بس سيارة وحدة وراي سقت يأقسى سرعة ورجعت للمنطقة مالتنا والسيارة وگفت بعيد على المنطقة وصلت للبيت جدي ورحت للمضيف سلمت على الضيوف و گعدت يمهم اشوية و اجو جماعتنا الضباط و الشرطة ايباركون لعمر اني رحت سلمت عليهم و ضلينا نحجي بعدين اشرت لصديقي علاء الشرطي و رحنا على صفحة و گلتله يتعقبلي رقم صار اسبوع يتصل علي ، هو اخذه وگال ان شاء الله نص ساعة واجيبلك معلومات الرقم وراح.
وصدگ ما طول نص ساعة وجابهن گال:
_الرقم لرجال كبير بالعمر اتوفى قبل سنة و الي يستخدمه حاليا شاب بالعشرين من عمره بس تم اعتقاله قبل يومين كان بمحل للأجهزة وحاول يسرق تليفون وابو المحل لزمه و اعتقلناه ليش تسأل عليه سيدي؟
گلتله:
_اشرحلك بعدين لازم اشوف هذا الشاب سويلي لقاء وياه بأقرب فرصة حتى لو اليوم بليل ماكو مشكلة ورة ما تخلص الزفه اشوفه.
هو گال:
_بأمرك اني ارتب الموضوع.
اتشكرت منه ورجعنا للشباب صارت الساعة 2:30م مرام دگت علي وگالت اروح ارجعها لين كملت رحتلها و طلعلي بسرعة بس وصلتلهن و السيارات المظللة ما شفتهن بس من وديت مرام لبيت عمتي سعاد وحدة منهن كانت وراي اني ما اگدر اسوق سريع ومرام وياي اتخاف من السرعة بس فتت بالأفرع و ظللتهم لازم اخلص من هاي السالفة بسرعة وصلتهن ونزلن اني ورة اشوية دخلت للبيت من الباب الخلفي للمطبخ رأسا اريد اشرب مي شفت ابنية عبالي فاتن گلتلها تطيني مي انصدمت من شفتها رزان اشطالعة بنت الذين طيرتلي عقلي اطتني المي واني اباوع عليها هي ابتسمت ونزلت راسها ورجعت اتكمل شغلها بالستكاين شربت المي واني مصدوم وصافن عليها وگلبي يريد يطلع من مكانه مدري شبي اتعوذت من الشيطان واجت فاتن گالتلي اذا رايد شي جاوبتها وباوعت على رزان اخر مرة قبل لا اطلع اوووف يا گلبي شتتحمل حتى تتحمل بس ارتاحيت من شفتها رجعت لسيارتي وبوجهي لبيت جدي هو مو بعيد بنفس المنطقة لذلك ما اتأخرت والسيارات المظللة ماكو مشفتها.
مر الوكت ولازم انزف عمر ومرام وصلنا للمصور و اتصل علي رقم غريب جاوبته و گال صاحبه:
_سيدي اخذ حذرك الجماعة ناوين ايخطفوك اليوم لا تطلع من منطقتك وحدك سيدي ما اگدر اخابرك بعد رجاءاً لا تستهين بالموضوع .
گلتله واني احاول الزم اعصابي:
_منو الي تقصدهم؟ وليش يردون ايخطفوني؟ وانت منو واشلون عرفت بنواياهم؟
هو گال:
_اذا اتريد تفاصيل اني معتقل بالمركز الي بمنطقتك ما اگدر احجي بالتليفون.
وسد التليفون لين الشرطي اخذه منه اني شمرت التليفون بالسيارة وضليت اباوع على السيارات ولمحت سيارة جود و عيني اجت بعين رزان هي بسرعة نزلت راسها وما رفعته بعد هاي البنية ناوية تهلكني بجمالها وانوب من تخجل هلاك لگلبي ابتسمت وصعدت سيارتي لمن شفت مرام طلعت من الصالون وزفيناهم لبيتهم و عشينا الجماعة و الشباب فرحانين لعمر و يهوسون و يدبكون و الاشعار متخلص جود و اهله ودعونا والبنات طلعن رادن يصعدن بالسيارات و رزان شافتني اني جود و سالم جانو يمي واصدقائي هم واحد منهم انتبهتله باوع عليها اني خزرتها هي بسرعة صعدت يعجبني خوفها وخجلها وارتاحيت من راحوا اتخبل من واحد ايباوع عليها ما اعرف شيصيرلي نار تشتعل بگلبي .
اجاني علاء وگال:
_رتبت الموضوع تگدر تجي وياي هسة اتشوفه سيدي.
گلتله :
_اي هسة خلي اطيهم خبر وانروح.
رحت لعمر وگلتله عندي شغلة راح اكملها وارجع هو ضل يسأل مجاوبته وگلتله:
_بعدين اشرحلك.
ورحت وية علاء للمركز و دخلنا شافني صاحب المركز رحب بينا و گلتله اريد اشوف واحد من المعتقلين هو اطاني اذن ودخلت شفته شاب عمره 26 سنة و اسمه محمد وهو ضابط بأخر مهمة اله على الحدود صار انفجار قوي بموقعهم ومعضم الي وياه ماتوا وهو تم اعتباره من المفقودين وهسة يلة بين مرت على حادثته مدة 5اشهر.
دخلت هو من شافني رأسا گام و طاني اتحية العسكرية بادلته وگعدت وياه شرحلي التفاصيل على الجماعة وگال:
_هم عصابة لتجارة المخدرات و تبيض الأموال ورئيس العصابة رجال بالاربعين من عمره وعندة مكانة بالدولة بس الادلة مو كافية حتى نعتقله بالجرم المشهود و اخر مهمة الي كانت اتعقب موقعهم لين وصلتنا اخبار انهم راح ايتاجرون بشحنة مخدرات ايهربوها عن طريق الحدود رحنا للموقع وصار الي صار الشحنة ما وصلت وانما الي وصلت للحدود سيارة مفخخة وراح ضحيتها شباب بأول عمرهم من بينهم صديق عزيز علي اني وكم جندي انخطفنا على اديهم.
سألته وگلت:
_ليش خطفوكم؟ واشلون عرفت يردون ايخطفوني؟
جاوبني وگال:
_ما رادوا ايبقون اشهود على ذاك الانفجار لين شفنا اشكالهم وعرفناهم ما كانوا ملثمين من دخلوا السيارة المفخخة گدرت اهرب الجنود والحمد لله وصلوا سالمين لبيوتهم واني بقيت اريد اجمع ادلة عليهم شفت رئيسهم بغرفته كان مطيني ظهره يحجي بالتليفون وعرفت يردون ايخطفوك وحدد تاريخ الخطف وهو اليوم لين حسب ما افتهمت انت مقتحم معمل زجاج قبل فترة و معتقل شباب من ضمنهم ابنه واثناء ما كان ايهرب ابنه صار اطلاق نار ومات ابنه برصاصة اجت بگلبه هذا كل الي اعرفه.
اني سألته:
_وليش ردت تسرق تليفون ؟
گال:
_اتعمدت لين العصابة ادور علي اطريت وخليت صاحب المحل ايشوفني عبالة جاي اسرق حتى ادخل للمركز و التقي بيك لين مو سهل الگاك غير بهاي الطريقة.
صاحب المركز كان ويانا وسمع كلشي و حرر الضابط و اني اتشكرت منه و طلعنا اني وعلاء سألني شراح اسوي گلتله:
_انصيدهم طبعا.
هو گال:
_شتقصد سيدي؟
گلتله:
_جهز دورية شرطة وخليهم يتنكرون و يجون بسيارات عادية للموقع الي راح ادزلكياه الساعة 5:30ص مو تنسى اشوفك هناك.
هو گال:
_بأمرك سيدي.
اني اتشكرت منه ورجعت للبيت وبوجهي لغرفتي سبحت وبدلت الساعة كانت 11:30م اجاني اتصال من رقم غريب جاوبت وطلع جود و حجينا عرفت فاتح اسبيكر من سمعت صوت رزان اوووف اشلون صوت شايلة من سمعتها ارتاحيت و رخت اعصابي و انصدمت من عقلها شنو من عقل شايلة وهي تشرح خطتها حتى نمسك العصابة الشيطان نفسه متخطر على باله كل يوم ايزيد اعجابي بيها و احبها اكثر اتفقنا على كلشي و سديت التليفون وبعده صوتها يتردد بأذاني دخيلك ربي الهمني الصبر اني خابرت علاء وگلتله يلغي الگلتله عليه و اشوفه باجر يمي بالبيت الساعة 7:30ص احتمال مراقبين تليفوني فأشوفه واشرحله شيسوي مثل ما گالت بلوة گلبي نهيت الاتصال ونمت ثاني يوم گعدت الصبح على صوت تليفوني صرعني.
ستووووووب😎
💜💜💜💜💜
خلص البارت حبيتوه؟
لا تنسوني حباب بدعمكم بالتصويت 👈⭐ والتعليق 👈💬 ادعموا ابطالكم بحبكم انتظروني بالبارت الجاي حماس و كله تشويق 😉
٢٨٣٣ كلمة