اشلونكم حبايب 😉
لا تنسوني بالتصويت 👈⭐
والتعليق 👈💬
البارت طويل اعوفكم مع القصة قراءة ممتعة❤
ما مصدگة شفت الصاك يمة گلبي وگف من شفته ليش كل ما نلتقي لازم لو خطف لو تحرش واكشن ، الكاتبة (غير اني ما احجي 😎) ، اول مرة اشوفه وهو هيج عصبي واشلون ضرب الولد كلش خفت لا ايموته المهم اجت الشرطة ولزمتهم ورحنا للمركز انقدم افاداتنا نزلنا من سيارات الشرطة وهو و الوسيم يمشي گدامنا واني صافنه عليه اشلون طول وهيبة ورزانة شايل اوووف ارحم گلبي يمعود ، ما انكر هو جذاب و مثير و اي وحدة تنعجب بي المهم خلصنا وطلعنا من المركز واني ما حجيت ايشي هم راحوا واحنا رجعنا للأهل من وصلنا شرحنالهم السالفة لين اتأخرنا هم گالوا الحمد لله مرت سلامات.
اتغدينا و الأجواء اتخبل واتونسنا اني وفاطمة وجود وسالم مشينا على الشط صاروا احسن جود اشوية يوجعه ظهره بس عادي مو شي خطير وسالم رجع يمشي طبيعي باقي بس اثر الضربة يومين ويروح لعبنا بالرمل و جود و سالم ايرشون علينا مي (ماء) من الشط وضلينا هيج واحد يشاقي الثاني لوقت متأخر يعني رجعنا للبيت الساعة 6:25م سبحنا وبدلنا وصلينا وگعدنا بالحديقة كلنا كنا انسولف بعدين بابا گال:
_باجر حضروا نفسكم من وكت حتى لا نتأخر على الحنة الساعة بالوحدة الظهر كون مكملين.
اني سألت وگلت:
_حنة منو الي راح انروحلها؟
ماما گالت:
_حنة بنت صديقتنا اني وسارة اسمها مرام راح تزوج من ابن عمها وهم اصدقاء العائلة من زمان ابوها يعني رجل صديقتنا ايصير صديق لأبوج و لحسن همين وعلاقتنا وياهم قوية وعزمونا على الحنة و العرس.
سارة گالت:
_ام مرام يعني ام العروس صديقتنا من الطفولة و الصدفة انه رجلها كان صديق لأبوج و لحسن هم من الطفولة لذلك علاقتنا وياهم قوية وما مقطوعة.
اني گلتلكم لماما وسارة اكو صديقة ثالثة بيناتهم بس مخابرات واني مشايفتها وعدي فضول اشوفها وباجر اخيرا راح اشبع فضولي بس مكنت اعرف زوجها صديق لبابا و لعمي من الطفولة انصدمت من عرفت گلت:
_هيج لعد راح نتونس مو صح فطومة؟
وغمزتلها 😉 نهاية كلامي هي ضحكت وگالت:
_طبعا حبيبتي ما انبقي شيء يعتب علينا مو كل يوم عدنا عرس.
سالم گال وهو يباوع علينا ويأشر:
_اي من ترحن هناك ما اتعوفن امي وخالتي مفهوم؟ يا ويلجن واحد من الشباب يلمحجن.
فاطمة ضحكت وحضنته وگالت:
_يمة فديت اخوي ليغار طبعا حبيبي هي حنة بنات لا اتوصي حريص.
هو ابتسم وباس راسها وگال:
_واني شعندي غيرجن اذا ما اغار عليجن عليمن اغار.
جود گال:
_اني ماكو داعي اوصي اعرفجن شنو انتن وحافظجن لذلك مشايل هم.
اني گلتله:
_فديتك حبيبي لتخاف وخلوا راسكم بارد و اتونسوا انتم هم.
هم ابتسموا وبقينا انسولف عادي لحد ما اتعشينا وخلصنا واتأكدنا من تجهيزاتنا لباجر و رحنا نمنا ، هاي المرة اني وفاطمة نمنا سوة بغرفتها ضلينا لحد الساعة 12 بليل انسولف و انخطط شنسوي باجر ونتخيل العروس واهلها لحد ما تعبنا ونمنا.
ثاني يوم گعدت الساعة 9:30ص على صوت ماما اتگعد بينا اني بوجهي للحمام سبحت ولبست اتراك ومشطت شعري وفاطمة همين سبحت بالحمام الثاني وخلصنا ونزلنا نتريگ الكل جانوا مجتمعين على السفرة جاي ننزل الدرج وجود شافني رزلني وگال:
_ليش ما امنشفه شعرج هسة تتمرضين.
شفته راح جاب خاولي اني ركضت للصالة وهو يركض وراي وگلتله:
_حبيبي ذب الخاولي والله گوة مشطت شعري ايدي گامت توجعني هسة بس اتنشفه لازم ارجع امشطة ما بيا حيل اصلا بس اكمل ريوگ اروح ابدل واشسورة حباب.
فاطمة وسالم ضلوا ايضحكون وبابا گال لجود:
_عوفها ابني لا اضوجها.
جود گال:
_اي ومن تتمرض شحصل اني.
باوع علي وخزرني وگال:
_تعالي يمي ما اخربطه بس انشفه لا اتضوجيني.
من شفته خنزر علي رحت يمه لين اعرف اذا ما رحتله راح يتعصب و جود لو اجگد ما اتشوفوه هادئ بس من يتعصب لا تتقربون منه محد يهدي.
المهم نشفه و خلص وباس راسي وگال:
_يلة امشي نتريگ اكيد جوعانة.
لزم ايدي وجرني وراه للسفرة وگعدنا نتريگ و فاطمة وسالم يتعاركون و يشاقون وجود ايصنف متنا ضحك خلصنا و رحنا اني وفاطمة انبدل ونتجهز اني لبست 👇
والتسريحة:👇
والمكياج:👇
وفاطمة لبست:👇
والتسريحة بس شعر فاطمة اطول للخصر:👇
والمكياج لون اعيون فاطمة تقريبا نفس اعيون ريم واتخيلوا: 👇
كملنا الساعة 12 الظهر و نزلنا ماما وسارة طالعات ايخبلن فديتهن شابات ولا امبين عليهن الكبر يمة فديتهن بابا وعمي دخلوا شافونا واصطكوا مكانهم و جود وسالم همين وبدة الغزل و الرومنسيات متت خجل لحد ما اجت السيارتين لبسنا صايات وذبينا الشالات على راسنا وصعدنا بالسيارات وبوجها للجماعة .
ماما جابت وياها طقم الذهب الناعم لجبناه من بغداد عرفت جابته لمرام وسارة هم جابت طقم ذهب ناعم كاتلني الفضول اريد اشوف مرام واتعرف عليها وفاطمة همين فضولية مثلي من وصلنا نزلنا يم الباب الخلفي للبيت وبابا و الشباب راحوا يم الزلم.
مرام :
مرت ايام الخطوبة من اسعد ايام حياتي ما انساها عمر فديته رغم مشغول بتجهيزات البيت و القاعة والمعازيم ما نسى ايطلعني و حتى غراض البيت و الديكور گال ما ايجيبهن الة اني وياه نختارهن من رحنا انجيبهن امه يعني عمتي اجت ويانا ما طولنا لين اذواقنا متقاربة لذلك بسرعة اختارينة الغراض حتى عمتي گالت:
_بحياتي ما شفت ازواج يجهزون بيتهم بسرعة مثلكم الله يحفضكم لبعض راهمين سوة.
اني خجلت و عمر ابتسملها وباس راسها وگال:
_تسلمين بس دعواتج اتكفينا يا الغالية.
هي ابتسمت وگالت:
_دعواتي دومها وياكم حبيبي.
اني بست ايدها بوكتها وهي حضنتني اموت عليها وهي هم اتحبني و مرة هم قبل اسبوع من الحنة بعد ما خلصنا الحجز على غراض البيت عمر اخذني زيارة لكربلاء و اجت ويانا امي وعمتي وكيان هم اجة وصلنا للامام وزرنا وخلصنا جانت زيارة من العمر واتفقنا من انكمل نجتمع يم باب الخروج من الامام (عليه السلام) من خلصنا وجاي نطلع ماما وعمتي جانن يمشن گدامي بمسافة قليلة طفلة عثرت يمي ساعدتها ادگوم و نكتت ملابسها ومسحت ادموعها وراحت لأمها التفتت شفت اثنين نسوان يمشن وصارن بعيدات علي رحت وراهن شفتهن وگفن يم باب الخروج ورادن ايكملن مشي لزمت ايد وحدة منهن وگلت:
_لعد وين كيان وعمر گالوا راح يجتمعون ويانا هنا.
المرة التفتت علي وشفتها مو امي والمرة الثانية هم مو عمتي اني انصدمت المرة گالتلي:
_گولي حبيبتي رايدة شي؟
گلتلها:
_العفو خالة عبالي امي اعتذر منج اشتبهت.
هي گالت :
_عادي حبيبتي مصار شي انتظريها هنا اكيد راح تجي وتلگاج.
هزيتلها راسي بمعنا اي وراحت اني ضليت اتلفت يمنة ويسرة بس اريد المحهن ماكو گلبي گام يوجعني ودخت بس لزمت نفسي مو وكته هسة يوجعني ضليت منتظرة واباوع على النسوان الي ايطلعن ماكو لا امي ولا عمتي وصار ازدحام و خرت من الباب بمسافة اشوية وضليت اباوع على الي ايطلعون گلبي گام ايأذيني لازم اخذ العلاج و دخت كلش گعدت على صبة قريبة علي تليفوني وعلاجي بجنطتي يم امي ادموعي گامت تنزل وحدها واني دايخة فجأة واحد لزم كتفي التفتت وشفت عمر ما اگللكم شحسيت مثل واحد وردلي روحي بسرعة حضنته وضليت اشهگ و مختنگة اسمع گلبه ايدك سريع هو بادلني وگال:
_وين جنتي (كنتِ) خوفتيني عليج حبيبتي گولي اكو شي يوجعج لا تبجين حاجيني.
بعدني عنه وباوع بوجهي اني بعدني دايخة و گلبي موتني من الوجع گلتله:
_الدوة اريد الدوة گلبي يوجعني.
ودخت هو لزمني وبسرعة خابر كيان واجة هو وامي وعمتي امي تبجي وعمتي هم امي اطتني علاجي شربته ضليت دايخة نص ساعة وبديت اتحسن باوعت على امي وگلتلها واني امسح ادموعها:
_لا تبجين ما بية شي صرت احسن كافي ادموعج غالية علي.
باوعت على عمتي وهم مسحت ادموعها وگلت:
_لا تبجين فدوة.
هي باست ايدي وامي حضنتني اوف يا ريحتها بادلتها و بعدين ابتعدت وگالت:
_خوفتينا عليج وين رحتي مو جنتي تمشين ورانا؟
كلتلها الي صار هي گالت:
_اني اشلون بگلبج الطيب هذا على الأقل نبهينا مو اتعوفينا نمشي ومنحس عليج غير مختفية.
اعتذرت منها و هي باست راسي وعمتي گالت:
_لا اتعيديها بعد حبيبتي متنا خوف عليج عبالنا صارلج شي.
گلتلها:
_ان شاء الله متنعاد.
شفت كيان هو اجة حضني وگال:
_اروحلج فدوة بعد لتعيديها وگف گلبي من ما شفتج وية امي وعمتي.
اني گلتله:
_اسم الله عليك حبيبي ما اعيدها لتخاف.
هو باس راسي وابتسملي و شفت عمر وگال:
_خلونا انروح نتغدة اكيد جعتوا وضغطكم نزل لازم تاكلون.
امي گالت:
_اي والله يا ابني خلونا نتغدة حتى لا نتأخر ورانا طريق طويل.
هو گام يمشي گدامنا هو وكيان و يسولفون وعمتي لازمة ايدي واني امشي بصفها واسولف وية امي و عمر كلساع يلتفت علي ويبتسم اني اموت من الخجل و انزل راسي يمة فديته شمسوي بية اووووف اروحله فدوة.
من ذاك اليوم لحد هسة ما شفته بس نتخابر ونحجي رسائل لين امي وعمتي مسويات عليه رقابة ممنوع يجي لبيت جدي لحد يوم العرس المهم اجة يوم الحنة گعدت الساعة 6:30ص والبنات كلهن گاعدات وكمنا انضف البيت وانجهز الصينية مال الحنة نتأكد اذا اكو نقص حتى ايودوها لبيت عمتي سعاد هناك راح اتصير الحنة و اتريگنا و كملنا لحد الساعة 9:30ص رحت سبحت و بدلت و لبست شالي و عباتي واخذت البدلة ونزلت اجة يزن سأل امي اذا كملنا شافني صبح لي وباس راسي و اخذ البدلة مني وصعدنا بالسيارة وبوجهنا للصالون اول ما دخلنا عليها استلمتني و بدت اتمكيجني و سوت التسريحة ولبست البدلة للصراحة انعجبت بنفسي صور مقاربة للوك 👇
البدله:👇
التسريحة:👇
المكياج:👇
ام الصالون گال:
_انتي حلوة اتخبلين و البدلة و المكياج عبالك ما انخلقن لغيرج لايگلج الفرح حبيبتي الف مبروك الله يتمم على خير.
اتشكرت منها وامي بدت اتصلي على محمد وتدعي وترجع ليورة خلصنا الساعة 2 الظهر خابرنا يزن واجة حطيت البرنص على راسي و طلعنا.
يزن حبيبي فتح باب السيارة وساعدني بالبدلة وامي صعدت يمه وهو صعد بمكانه السيارة مظللة التفت علي وخر البرنص وشافني ملامح الاعجاب امبينه عليه گال:
_يمة فديتج بعد اخوج طالعة اتخبلين الله يعينه لعمر خطية على هذا الجمال.
باس ايدي وغمزلي اني متت خجل ودنگت راسي هو ضحك ورجع البرص وگام ايسوق وصلنا لبيت عمتي كلش جبير ودخلنا استقبلنا البنات وساعدني بالبدلة و بدت عمتي سعاد اذب علي جگليت والهلاهيل والصلوات و الهوسات لا نهاية لها نزعني البرنص وگعدت على الكوشة بالأستقبال و الديجي بأعلى صوت و البنات ذبن لحم وفاتن بت عمتي سعاد حرگت الجو بالرگص وبنات خالاتي كلهن فرحانات ويرگصن وخالاتي لا اگللكم ولا ادگلولي فرحتهن مسايعتهن و يرگصن تكسير اتحمست ما اگدر ابقى گاعدة گالتلي فاتن:
_تعالي گومي ارگصج اشوية.
گلتلها:
_اي عليج الله اتعرفيني شريد فديتج.
گومتني وگمنا نرگص و هن ايدبكن داير مدايري و بيبيتي هم اتهوس وترگص اويلي يافرحتهن تسوالي الدنيا.
اكو اثنين بنات هم شفتهن ايرگصن ايخبلن صدقة لله امبينات نفس عمري و دمهن ينحب بسرعة اتأقلمن وية البنات خصوصا وية فاتن رگصن تكسير و ردح حرگن الجو گعدت مكاني ورة ما تعبت واجت ماما اتعرفني على اثنين نسوان عرفتهن وحدة اسمها مريم و الثانية سارة ايصيرن صديقات ماما من الطفولة فدوة اجگد حلوة صداقتهن وهن ايخبلن فديتهن جايباتلي كل وحدة طقم ذهب ناعم متت عليهن ايخبلن اطيتهن لأمي واجن بناتهن اتعرفت عليهن وحدة اسمها رزان و الثانية فاطمة ايخبلن شنو من جمال شايلات باركلي واتشكرت منهن وضلينا انسولف هن اجتماعيات ودمهن ينحب بسرعة اتأقمنا وصرنا صديقات اخذت ارقامهن وفاتن هم اخذت ارقامهن.
صارت الساعة 4 گالوا اجة العريس يمة گلبي ايدگ سريع واتوترت دخلن النسوان اول شي و هند اول ما دخلت اتهلهل واتحوس وفاتن شاركتها و عماتي هم من دخلن نفس الشي اشوية ودخل هو رجعن عماتي ايهوسن باوعت عليه شنو من جمال شايل القاط لايگله هذا الرجال راح يهلكني بجماله فديته گعد بصفي وهمسلي يتغزل يا الله متت خجل و البنات ميتات ضحك ويهوسن و يهلهلن و يردحن بعدين جابوا الحنة حناني و جابوا الكيك شلع گلبي يلة وكلني بس ميتة ضحك على سوالفه و الغزل ميخلص اني لزمت العصير هو شربني بس اني شلعت گلبه بالخير لزم ايدي و شربته امي وعمتي وكلهم ميتين ضحك بعدين اجت عمتي گالت لعمر الشباب يردوه معناتها راح ايروح للقاعة هو باس راسي و طلع اني بسرعة گلت لأمي اريد اشوف اخوتي هي راحت دزت واحد عليهم واجوني البنات ذبن الشالات على راسهن و فاتوا.
من شفت كيان اول واحد فات عبالك ابوي وفات علي ما اتحملت دمعت عيوني وهو افتهم ليش بجيت اجة حضني و يحاول يهديني و حسن ويزن هم حضنوني و يهدون بية ما گدرت اسكت كل ما بية وازيد بالبچي اجة كيان حضني مرة ثانية وگال:
_اهدي بعد اخوج كافي تبجين حبيبتي.
ويمسح على ظهري گمت اشهگ وگلت بدون وعي:
_صار بابا.
هو حسيت بدمعة منه على كتفي گال ليزن روح صيح عمر اني زدت بحضني لكيان اشوية واجة عمر ما اعرف شنو گله وطلع واجة عمر شاورني اني متت خجل وسكتت وگاموا اينكتون هو و يزن لحد ما هدأت و راحوا شفت امي امدمعة رحت حضنتها و بست ايدها ومرت الحفلة عادي رگص لحد ما اتكسرت رجلينا.
رزان وفاطمة راحوا لبيتهم الساعة و اني هند وفاتن ساعدني بالبدلة ورأسا سبحت ونمت من التعب.
عمر:
اليوم الحنة مالتي الفرحة مسايعتني گعدت الساعة 8:30ص خابرت مرام اشوية و رحت بوجهي للحمام سبحت و لبست اتراك مشطت شعري ورحت لغرفة كيان لگيته ايمشط شعره صبحت عليه و سمعت صوت الجرص رحت فتحت الباب طلعوا حسن ويزن جايبين الريوگ فوتتهم و صحت كيان حتى ينزل واتريگنا وخلصنا گعدنا انسولف كيان گال ليزن:
_يزن روح ودي مرام للصالون لا تتأخر وانت اترجعها لا تنسى.
هو گام وگال:
_صار رايح اشوفها اذا كملت واوديها.
وراح بعدين حسن گال لكيان:
_اني اروح اشوف السيارة اذا كملوها واجيبها وبليل اني اوديها لصاحبي حتى يزينها و يرتبها لتخاف.
كيان ضحك وگال:
_خوش لعد اعتمد عليك.
بعدين باوع علي وگال:
_وانت ليش بعدك گاعد يلة گدامي بسرعة لازم انروح للحلاق حتى لنتأخر.
اني ضحكت وگلتله:
_صار شيخنا بأمرك گايم.
رحت لغرفتي اخذت مفتاح السيارة وتليفوني و القاط ونزلت كيان جان منتظرني يم السيارة وقاطه بيده وحسن راح ايشوف السيارة اذا خلصوا غسلها وايجيبها صعدنا للسيارة وبوجهنا للحلاق ايصير صاحبنا عدلت شعري وخففت لحيتي واسواربي ورتبتهن وكيان نفس الشي واخذنا حمام شرقي و نبسنا القوط صورة مقاربة الي 👇
و رجعنا للبيت ذبينا السيارة وبوجهنا للمضيف هناك يجتمعون الزلم يم جدي سلمنا على عمامنا وخوالنا و گرايبنا واصدقائنا المقربين همين انصدمت من شفت جود و سالم وابو جود ورجال وياهم اينزلون من سياراتهم گلت لكيان:
_كيان شوف هذا مو جود والوياه سالم لو اتخيل.
هو باوع وين اشرت وانصدم مثلي جدي وابوي شافوهم راحو يسلمون عليهم و عمامي هم راحو سلموا عليهم اني وكيان رحنالهم ابو جود باركلي واتشكرت منه و الرجال الثاني عرفت ايصير ابو سالم هم باركلي و شكرته جدي گلي هذول اصدقاء العائلة من زمان عن طريق عمي علي (الله يرحمه) و عمتي سماح اصدقاء من الطفولة وعلاقتنا وياهم قوية فرحت من عرفت و كيان همين صحيح ما امبين عليه بس اعيونه تلمع فاضحته گدامي جود اجة باركلي وگال:
_الف مبروك حبيبي تستاهل كل الخير.
اتشكرت منه وحضنته و سالم همين گال:
_الف مبروك تستاهل حبيبي الله يتمم على خير.
اتشكرت منه وحضنته همين راحوا سلموا و باركوا لكيان همين و دخلنا للمضيف و قدموا الشباب الجاي و بدوا ايسولفون على ايام قبل وذكرياتهم لحد الساعة 4 العصر لازم اروح احني حبيبتي كيان اترخص من الجماعة ورحنا لبيت جدي اخذنا اهلي وعماتي و بناتهن وصعدن بالسيارات ورحنا لبيت عمتي سعاد هناك مرام وخالاتي و بيت عمتي كلش جبير وصلنا الشباب ضلوا بالحديقة لين كلش جبيرة واني دخلت امي اخذتلي طريق وگامت هي وعمتي ام مرام ايذبن علي جكليت والنسوان ايهلهلن وياهن وفتت شفت حبيبتي اويلي شطالعة هاي البنية راح اتموتني بجمالها ماكو داعي اوصفلكم عرفتوني بعد هي باوعتلي و خجلت رحت گعدت يمها وبدن ايهوسن و يردحن اني همست لحبيبتي:
_لج اشطالعة مناوية اترحمين گلبي مو هلكتيني بجمالج.
هي خجلت اويلي مال گرط گوة لازم نفسي منها اتصير اتخبل من تخجل ولو هي بكل حالاتها حلوة ، التفتت شفت هند اختي طايرة من الفرح واتهوس و ترگص وامي وعماتي وخالاتي فرحتهن اليوم تسوالي الدنيا الله يفرح اگلوبهن دائما يارب جابوا صينية الحنة و حنيت حبيبتي و اكلنا الكيك بس شلعت گلبها يلة وكلتها اكلت وهي تبتسم اوووف اموت عليها وهي مو قليلة شلعت گلبي بالعصير ضحكت وثبتت اديها و شربتني ضلينا نحجي اشوية هي انتبهت عليها اتباوع على رگبتي اتقربت علي اتشاورني بس اديها اتسوي نفسها اتعدل ياختي گالت:
شگول على الملك گلبي غير هنيالي
ملك گلبي و عيوني بعشقه اسيرة
فديته الما نزل عينه عن حبه لحظة
بس مو بيدي اغار من العيون التلمحه
خلي تعرف الصديقة و الغريبة سوة
عمر لمرام ومرام متصير لغيره مرة
اني خدرت لحظة بأنفاسها و انوب تشعرلي بكلامها غيرة لج منين اتغارين هو اني اشوف غيرج اصلا هاي ناوية توگف گلبي اليوم وخرت مني وغمزتلي بدون ما احد ينتبه ابتسمتلها واجت امي گالت الولد يصيحوك برة.
اني بست راس مرام وطلعت بعدين كيان و حسن ويزن دخلوا عرفت بعدين مرام رادت اتشوفهم ضلوا جوة نص ساعة واجاني يزن امبين عليه مدمع گال تعال كيان ايريدك جوة دخلت وشفت مرام مفرفحة من البجي خفت لا بيها شي كيان گالي بهمس وهو يحاول يلزم نفسه ما ايدمع گدامها قبل لا يطلع:
_سكتها مجاي تسكت بس انت تگدر اتهديها.
وحسن هم طلع وراه و يزن ينكت و يحاول يسكتها ماكو شاورتها وگلتلها:
_كافي حبيبتي اروح فدوة لدموعج اهدي والله اذا مسكتي اخذج هسة ازفج اني گوة متحمل ولازم نفسي وكتها ايصير اكو سبب لدموعج وابجي وكتها.
هي خجلت وسكتت وجها صار طماطة من الخجل اوووف يا ربي مو كافي گوة صابر والله گمنا انكت ونشاقة وياها اني ويزن لحد ما سكتت وطلعنا رحنا لبيت جدي انعشي المعازيم و الشباب همين اتعشوا وشربوا چاي و بقوا الكبارية وية جدي واني وكيان اخذنا الشباب وبوجهنا للقاعة.
من وصلنا الشباب نزلولكم دگ بالدبكة و الرگص والأشعار اكراماً بالمناسبة وفرحتهم مسايعتهم وجود وسالم فرحانين لفرحتي بسرعة اتأقلموا وهم سوو جو بالقاعة حرگوا الساحة بالأشعار والهوسات كيان سحبني للدبكة لحد ما تعبنا ودعنا الشباب وجعنا للبيت هلكانين تعب رأسا بدلنا ونمنا ثاني يوم.
💜💜💜💜💜
اشلوني واني اطول البارت 😎
شنو رأيكم بالبارت؟
لا تنسوني حبايب بالتعليق 👈💬 والتصويت 👈⭐اطو ابطالكم المحبوبين دعمكم احبكم واشوفكم بالبارت الجاي 😘
٢٦٩٨ كلمة