البارت طويل لعيونكم 💋
حضروا گلوبكم جفاف على البارد بعدني ما مطوخة 😈
لا تنسوني بالتصويت 👈⭐
و تعليقاتكم العسل 👈💬
حتى انزل اكثر وما اطول عليكم اعوفكم مع القصة:
اجة الخميس و كلنا مخبوصين العالم و المعازيم ما شاء الله و الطبخ والذبايح متخلص صارت الساعة 1:30م رحت بدلت لبست دشاشة نيلي و غترة نيلي واسود وعگال هيج شيء 👇
ولبست ساعة ذهبية و محبس و رشيت من عطري احب ريحته ونزلت مرت عمي محمد گالت:
_ابني روح جيب مرام وامك من الصالون خلصن ومنتظرات واحد يرجعهن.
گلتلها:
_هسة رايح اجيبهن.
و طلعت ركبت السيارة وبوجهي للصالون اجيب اختي وامي دكيت على امي وگلتلها اني برة منتظركم هن طلعلي و مرام بالبدلة الزيتوني و البرنص على راسها كلشي مشفت منها فتحت الباب و صعدت و ساعدتها بالبدلة و صعدنا و السيارة مالتي مظللة و گلتلها:
_يا بعد روحي خلي اشوفج حبيبتي الگمر گاعد يمي ومحروم من شوفته.
هي وخرت البرنص و ابتسمت وباوعتلي والخجل اويلي شطالعة اتموت اني اخوها و هيج الله ايساعدك يا عمر بست راسها وگلت:
_اتخبلين يا بعد اخوج ارحمي بحال عمر راح يموت اويلي يابة ما اتخيله من ايشوفج شيسوي.
هي رادت تبجي من الخجل اني وامي متنا ضحك رجعت البرنص على راسها وگلتلها:
_يمعودة بدون ادموع اموتج والله اليوم ما اسمحلج تبجين.
هي ضحكت ورجعتهم للبيت و دخلناها اني وامي من ورة البيت من باب المطبخ لين من گدام زلم طابة طالعة وهوسة و اشتغلتلكم الهلاهيل و الصلوات واني عفتهم ورحت يم الزلم بالمضيف بعد ساعتين اجه عمر و رحبنا بي و الشباب ما صدگوا هوسوا و رگصوا وبدت ابيات الشعر تنضرب اكراماً بعمر و بالمناسبة والمدح و الفخر و الهوسات والأغاني المحافظة كلها سمعت بخطبته لعد بالعرس اشلون وعدكم الحساب .
بعدين دخلناه للبيت واجه الشيخ عقدلهم وقرينا الفاتحة و راح هو يلبسها الذهب واني رجعت للزلم.
مرام:
اليوم الفرحة مسايعتني واخيراً اتحقق الي اريدة حبيبي و حب طفولتي صار الي و اتسميت بأسمه وراح اصير على ذمته يمه فديته لحبيبي ما اگللكم ولا ادگلولي فرحتي ما مطيتها لأحد ولا اطيها (الله يفرح اگلوبكم ويجمعكم بأحبابكم ان شاء الله وتحسون بشعوري يومها) جنت بالصالون من الصبح ولبست بدلة زيتوني و سويت شعري تسريحه عاليه هو اسود ليل ما غيرت بي شي وطويل واصل لخصري وثخين لذلك نصه باقي نازل على ظهري باف و مكياج مثل الصورة تقريباً واعيوني عسليات اويلي اني معرفت نفسي شگللكم طلعت اكتل وهذا كله علمود الحب اروحله فدوة😘 صور مقاربة للوك 👇
البدلة:
التسريحة:
اجاني حبيبي كيوني واخذنا من الصالون واتعرفون اشسوة خجلت يا يابه فديته اجگد احبه معشعش بگلبي يعرفني اكثر من روحي وصلنا ودخلنا للبيت من الباب الخلفي وبدت الهلاهيل و الصلوات و البنات كلهن بنات عمي و خالاتي و فاتن بنت عمتي سعاد و هند بنت عمي محمد اموت عليهن بنفس عمري ممزوجات وعلگنها بالهوسات و الرگص و الشعر ويتغزلن بيه وبعمر صراحة غرت بس عادي اخوهن وابن عمهن وشطالعات لا اگلكم ولا ادگلولي البنات كلهن ايموتن وحدة ادگول للثانية اني احلى منج.
اجه الشيخ وعقدلنا وقرينا الفاتحة و امي صاحتله و دخل اويلي يابة ما اگللكم رجفة على توتر على خجل شفته هو واگف مصدوم و يبتسملي اويلي شطالع ارحم گلبي فدوة اشايل من جمال عسل ويمشي گدامي اوصفلكم شكله:
لابس قاط اسود و قميص ابيض وهو عيونه صفر فاتحات و شعره اشگر على فستقي و ثخين ولحيته و شواربه مرتبهن خفيف اويلي مزيدات حلاته و شفايفه مليانه اشوية وعيونه كبار بيهن حده اشوية وحواجبه وارموشه اثخان اويلي وجسمه رياضي ومعضل لين عسكري وطويل وعدكم لحساب ذبت بكل معنى الكلمة وخجلت متت خجل😳
وگعد بصفي.
الكاتبة (ما احط صورة اعوفكم تتخيلون 😎)
عمر:
اليوم مسايعتني الدنيا اليوم عقدي على ملكة گلبي وروحي اروحلها فدوة لمرام گلبي اني اموت عليها واحبها من احنا اصغار و حالف متصير لغيري و الحمد لله صارت نصيبي ما امصدگ گعدت الصبح رحت وية محمد اخوي الكبير للحلاق و عدلت نفسي رغم ميحتاج بس لازم و حمام شرقي و غيرها لحد مرجعت للبيت لبست القاط و لبست ساعة فضية و رشيت عطري ماركة احب ريحته وهي منتبه عليها من افوت من يمها تموع بس تشتم العطر ادري بيها اتحبني من احنا اصغار بس متحجي گالت لهند اختي قبل بمراهقتهن و عرفت اتحبني .
المهم كملنا واخذت الجماعة ورحنالهم الساعة3:30م و الهلاهيل امي واختي و الصلوات و المباركة مخلصت رحنالهم و دخلن هن من الباب الخلفي واني نزلت يم الزلم وبدت الاشعار و الرگص و المباركة من العالم و كيان فديته لحبيبي ما عافني و فرحته مسايعته (يوم لفرح بيك يا خوي واردلك جميلك حبيبي💙) وصل الشيخ وفتنا للأستقبال و عقدلنا يا يابة من گالت موافقه ما اگلكم السعادة وين احطها بوكتها ما اطيتها ولا اطيها لأحد.
خلصنا و قرينا الفاتحة و دخلت البسها الذهب واني شفتها واصطكيت مكاني مو بنية لا ملاك وگاعد شوصفلكم شكلها ام الزيتوني يا يابة موتتني شلعته لگلبي شنو من جمال و نعومه و رقة شايلة ما اگدر اوصفها المهم هي بيضة و شعرها ليل ايموت كيفت من ما لعبت بي وطويل كلش اموت على شعرها رغم اني مشايفه بس مره وصدفه شفته بأيام السادس والبكلوريا لمحته وهسة شفته ايكتل نازك وية لون بشرتها و عيون العسل وين اضمهن وانوب باوعت علي ذوبته لگلبي بنت الذين راح اتوگف گلبي من گد ما ايدك سريع واني بس اباوع عليها وعلى عيونها والمكياج لايگلها و ضارب على عيونها و شفايفها مليانات و صغار و خدرد التفاح و الشامة ليم عينها وخشمها لصغير يا يابه ذبت والله ذبت وهلكت بس من شوفتها.
گعدت بصفها و همستلها ويا ريتني مهامس:
_ولج شطالعة ارحمي گلبي مو راح يوگف يامعودة اروح فدوة لعيونج راح اتخبليني .
باوعتلها الخدود حمر من الخجل و ابتسامتها الناعمة اووووف يا گلبي صخنت والله وضحكت على خجلها هي شوية وتبجي وموتتني رجفتها هلكتني وگلتلها:
_اهدي يا روحي ما اكل بشر والله اهدي وخليني اشبع من جمالج الذابحني.
هي شوية وتريد تطفر من يمي والله اعيونها لمعن رادت تبجي من الخجل و الوجه احمر باوعتلي و دمرتني بعيونها ياربي هن من دون ايشي مدمراتني وانوب اتريد تبجي لا ياحبيبتي ما اسمحلج گلت لأمي:
_يوم اطيني الذهب راح تبجي من الخجل.
هي ضحكت وگالت:
_هاك حبيبي لبسها وبعدين سولفوا.
اطتني الگلادة و لبستها بعدين التراجي اويلي من اتقربتلي عطرها و هي هلكتني ردت احضنها و اشفايفها دمرني بس منا عالم اني اعلمج يا مرام اسطبريلي هلكتي گلبي لبستها السوار و المحبس و بعدين جابوا الحلقات لبستها و بست ايدها هي رجفت وخجلت يا يابة موتتني و لبستني الحلقة وبست راسها ردت اطلع لين راح تتخربط بيدي من خجلها بس امي مخلتني ودخلنا غرفة لوحدنا اني كيفت صراحه بس هي ترجف و خجلها موتني بس مرفضت و دخلنا وسديت الباب.
اتقربت عليها بعدني محاجي شيء بس لزمت ايدها رجفت و اتوترت واني خفت مو زين عليها التوتر حاولت اهديها وگلت يم اذانها:
_اهدي يا روحي اهدي ما اسويلج شيء بس نحجي شوية اذا اضلين هيج اطلع و مشوفيني منا ليوم العرس اهدي حبيبتي.
مسحت على ضهرها بعدها ترجف اشوية كلت خلي اطلع حتى تهدأ بس وصلت يم الباب لزمت ايدي وحچت:
_لا اتروح.
اويلي يا يابة من دون كلشي اني رايح ميت بحبها وانوب حجت هن كلمتين اسون بگلبي والله احسه راح يوگف اله شوية باوعت عليها وهي تباوع بعيوني بعدين دنگت بخجل صحيح احب خجلها واموت عليه بس مو وكته هسة اتقربت منها و رفعت راسها حتى اشوفها وتباوع بعيني گلتلها:
_مراح اروح يا حبيبتي اريد احجي وياج اشوية واطلع.
هي احسها هدأت وخدرت وگالت بخمول:
_اي گول.
بست راسها و گعدتها على التخم و گعدت بصفها وگلتلها:
_صحيح اني ما امسمعج او گايلج مشاعري قبل بس هسة اسمعيني بعد ما اتحمل اني اموت عليج يا روحي مو بس احبج لا اعشگج و الهوة الي تتنفسي اغار منه لين يحضن صدرج و گلبج واني محروم لج ميت بيج واحنا اصغار وحلفت متصيرين لغيري والحمد لله صرتي نصيبي يا بعد روحي وگلبي انتي اروحلج فدوة گولي شتحسين وياي اتحبيني يا روحي؟
ادري بيها اتحبني بس اريد اسمعها منها هي خجلت ودنگت راسها وتبتسم اني رفعت راسها وحچيت يم اذانها:
_اتحبيني مرام؟
هي خدرت وباوعت بعيني بهيام يا ويلي وگالت بذاني:
_لو گالولي تعالي انزفج لأمير
اكلهم اميري عمر واتوج بأسمه
لا تگولون ابالغ لا والله صدكوني
حبه ملكني و اسر گلبي واني طفله
لا تحچون على الحب و الغزل
ما اتجاروني بحب حبيبي لو بهمسه
هذا ملكني و شلع گلبي بحبه
وصار نصيبي والتلمحه ياويلها من لبوة
هذا ملكي وروحي و بگلبي
اضمه و بعيوني احضنه مو بيدي احبه
وباوعت بعيوني واني خدران من همسها و انفاسها الحارة حرگتني حرگ لا وانوب تشعرلي و تتغزل وين اضمج مدگليلي مو دمرتي لگلبي ما اتحملت وبستها بشفايفها 💋 شنو من شفايف شايلة ما عفتها لحد ما حسيتها اختنگت وخرت منها اشوية لو بيدي ما اعوفها باوعت بعيونها و گلتلها بخدر:
_هلكتيني و دمرتي گلبي راح يوگف من دگاته ولج وين اضمج گليلي مو حرگتي ابو ابوي ارحميني.
ما اشوفلكياها غير باستني من خدي وابتسمت وگالت:
_اروح فدوة لگلبك حبيبي خلي ايدگ ليش اني سهلة مو اني مرام گلبك بعد و محسوبة مرتك😜 .
وغمزتلي بنت الذين وين جانت هاي الجرئة يا بوية وبستها بشفتها💋 وبخدها وگلت يم اذانها:
_الأيام جاية وياهو اليخلصج من گلبي گومي خلي نطلع اتأخرنا.
ورجعت خجلت وصارت حمره ضحكت و سحبتها ورة ما عدلت حمرتها بصبعي يمه ما اريد اعوفها وقبل لا نطلع لزمت ايدي قبل لا افتح الباب و اتباوع علي وتضحك گلتلها:
_اروح فدوة لضحكتج بس اتأخرنا خلي نطلع واني اعلمج بعدين.
هي گالت:
_اي لو بيدي اطلعك بس گلبي ميطيني تطلع للعالم والحمرة تحضن شفتك اغار.
ومسحت على شفايفي بأصبعها واني صافن عليها وگالت:
_خلصت نگدر نطلع حبيبي.
ابتسمتلها وبست ايدها وهمست يم اذانها:
_ايروحلج فدوة حبيبج.
طلعنا وبدت الهلاهيل واني طلعت رأسا للزلم و الفرحة مسايعتني.
كيان:
اجة عمر طاير من الفرح و الكل ترگص وتدبج و اتهوسله اني سحبته و شاركنة بالدبكة و فرحانين وباركتله و خلصت الهوسه وكلمن راح لبيته واحنا جماعتنا عزمونا على العشاء گدام الشط ورحنا واتونسنا ورجعنا الساعة ١٢ بالليل الكل نايم واني و عمر كلمن راح لغرفته هلكنا من التعب.
ثاني يوم گعدت الصبح و غسلت ولبست دشداشه جوزية وغترة جوزي و عگال هيج شيء 👇
و لبست ساعتي و رشيت عطر وطلعت الكل كان گاعدين على السفرة و البنات ايحطن بالريوگ:
_صباح الخير.
الكل:
_صباح النور شيخ الشباب.
وگعدنا اسوالف و ضحك وامي صاحتني وكالت:
_ابني اريدك بكلمة تعال وياي.
رحت وياها وگعدنا بالحديقة وگلت:
_امريني يمة محتاجة شيء؟
گالت وهي لازمة ايدي بعيونها لمعة:
_حبيبي ما اريد بس شغله وحدة وهي انك اتفرحني بزواجك اريد اشوف ولدك داير مدايرك يا روحي والله تعبت واني ضالة بحسرتي شوف اخوانك كلمن ابنه بطولة واختك الله سهللها واجاها خير الشباب و احسنهم وانت يا عمري مو كافي سنتين وانت حابس نفسك بذاك اليوم هي اكيد مراضية الله يرحمها على وضعك دخيلك حبيبي بس گلي واجيبلك احسن البنات وافضلهن بس اطيني اشارة يا روحي و فرح گلبي قبل لا اموت.
اني بست ايدها وحضنتها لين بجت وگلت:
_اصبري علي يمة اطيني وكت بس ازف مرام الله كريم وما ايصير خاطرج الة طيب يا روحي بس اطيني مجال فترة.
هي بتسمت وباست راسي وگالت:
_ان شاء الله حبيبي انتظر هذا اليوم مو بعيد ان شاء الله.
بست راسها وگلت:
_ان شاء الله.
راحت فاتت للبيت واني ضليت بالحديقة و اجاني عمر گعد بصفي وگال:
_خيرك شيخنا شو صافن بعدك اتفكر بالحب؟
وابتسم واني ضحكت وگلت:
_اشلون بيك انت عبالك امعشعش بگلبي و كاشفني بدون ما احچي.
ضحك وگال:
_اشلون لعد خابزك وعاجنك وكاشفك من اعيونك اي وبعدين وياك وين وصلت بالتفكير؟
ابتسمت وگلتله:
_والله يا اخوي ما تطلع من راسي ومعجب بيها ما اگدر انكر من اول ما شفتها متطلع من راسي انشوف بعدين شيصير.
هو گال:
_الله كريم ميسورة ان شاء الله شتقرر اني وياك انت بس افرج عن نفسك.
گلتله:
_ان شاء الله.
سكتنا اشوية وگال:
_اريد منك شيء واتمنى ما اتردني .
ابتسمت وباوعتله:
_اتريد العرس بعد اسبوع مو؟
هو ضحك وگال:
_يا يابة اني هيج مكشوف وما ادري بروحي؟
ضحكت وگلتله:
_مو بس انت كاشفني يا روحي اعرفك شتريد قبل لا تحجي بس جوابي الافضل لو اتخليها شهر لحد ما العالم اتحضر روحها و حتى مرام متنضغط بالوكت وتتوتر.
هو ابتسم وگال:
_مثل مدگول حبيبي وياك بعد شهر.
گلتله واني احضنه وندخل جوة:
_بالخير ان شاء الله.
مر يومين واحنا اندور على بيت لعمر قريب على بيت جدي حتى ينتقلون اله بعد العرس ولگينا على بعد 3ابيوت بناء جديد و مساحة 300 متر وحديقته جبيرة مثل متحب مرام اشتراه جدي لعمر هدية زواجهم ، استمرينا بتجهيز البيت و مر اسبوع رجعت لدوامي وكلشي طبيعي واتصالاتي لمرام وعمر ما انقطعت من نزلت لأهلي مجاز لين ما بقى شي للعرس اجاني اتصال من رقم غريب جاوبت طلع صوت ولد يحچي بصوت ناصي گال:
_اني فاعل خير دير بالك تطلع من منطقتك هاي الفترة اكو جماعية يردون ايخطفوك .
وسد التليفون استغربت و ما اهتميت عادي دائما تجي رسايل تهديد و اتصالات وكلشي ميصير ما گلت لأحد واتجاهلت الموضوع ، وصلت للبيت و استقبلتني مرام حضنتها و گلتلها:
_اشلونج حبيبتي.
هي گالت:
_من شفتك صرت احسن روح ارتاح وراح اجهزلك العشة اكيد جوعان.
گلتلها:
_ميت جوع اروح اسبح وابدل واجي ناكل سوة.
هي گالت:
_براحتك حبيبي.
بست راسها وسلمت على امي وجدي وعمامي و زوجاتهم مرن الكم يوم طبيعي اساعد عمر بالنواقص البقت للبيت كملناه وجهزناه ورحنا حجزنا البدلات بعد 3 ايام للعرس و مرام وامي وعماتي ايجهزن بيها لحد اليوم المنتظر.
💙💙💙💙💙
وللحكاية بقية 😘
اشلوني واني اطول البارت مرة ثانية 😎 شخباركم مع الجفاف 😈 انتضروا هذا لا شيء مقارنة بالقادم وراكم رزان و كيان بعد و اكو مفاجأة هم مضمومه ترقبوا عواصف مهلكة للقلب 😇 لا تنسوني بدعمكم حبايب التصويت 👈⭐ و تعليقكم 👈💬 اگزگز على كلامكم بس غردولي اني انزل اكثر وصوتوا للقصة حتى يقروها الحدايق مثلي 😎
١٩١٨ كلمة