ثاني يوم الصبح الساعة 6:30ص گعدت اخذت حمام سريع ولبست تقريبا نفس الصورة بس الشال كان ماروني (اني محجبة) والجنطة والحذاء نفس اللون👇
واخذت كتبي ونزلت الكل كان گاعد على الريوك گلت:
_صباح الخير ياحلوين😘
الكل:
_صباح النور حبيبتي.
وبستهم وگعدت بصف جود و اتريگنا وگال جود:
_يلة حبيبي غسلي وخلي اوصلج.
كلتله:
_ماشي حبيبي ثواني.
غسلت وطلعت وية جود و صلني للجامعة وقبل لا انزل شفته قلق حضنته وگلتله اعرفه يهده بس اسوي هيج:
_لا اتخاف يا روحي ما علي شي خليك قوي اشوفك من اخلص دوام.
باس ايدي وگلي انتبهي على نفسج ودخلت شفت لين بالسنتر گعدت يمها و حجينا و بدت المحاضرات عادي و لين قبل لا نطلع لأنه خلص الدوام راحت للحمامات (تكرمون) و انتظرتها و جود ما اتصل علي يعني بعده مواصل المهم انتظرتها اجتني بعد نص ساعة وطلعنا هي راحت للبيت اجاها السايق واني ضليت انتظر جود يم الحارس لين اخاف ابقى وحدي والجامعة فارغة ما احس غير الحارس فاقد وعيه و واحد حط اقماش على حلگي عرفت راح ايخطفوني ماشي اتماكت نفسي وحبست انفاسي سويت روحي اتخربطت من المخدر بس لا اني صاحية 😈
واحد شالني وخلاني بالسيارة و صعد بصفي من اليمين واحد من اليسار واحد ايسوق و واحد بالصدر بصف السايق لا اتسألون اشلون عرفت سمعتهم يحجون وعرفت عددهم، الي كان على يساري ربط عيوني وايدي و حلگي و شمر جنطتي وكتبي يم الحارس من صعدنا المهم جانوا يحجون الي ايسوق كال:
_ما اصدگ خطفها سهل هيج گلت المحامي افندي مراح ايخليها بدون حراسة بس طلع نعنوع امه وما ايخاف على اخته.
اني جنت افور اسمع وگلبي نار واگول بگلبي:
(اني اشوفك منو نعنوع امه يا حبيبي بس انتظر اذا ما اندمك يا ك*** يا *** اسطبرولي)
الي على يساري گال:
_مو مهم هسة المهم انطلع اخوي من السجن وانفضها وبعدين عندي شغل وية الحلوة هاي اشلون عائله كلها صاكة طبعا اذا المحامي هيج شتوقع من خواته.
صراحة عجبني مدحه والحمد لله والشكر من عنده ذوق وعرفنا صاكين بس كلامه الي بالبداية اني اتوبه عليه هذا الحقير ، الكاتبه (انتي بيا حال ولج عرفنا صاكة بس التواضع حلو ياول وين كيان منج لو يسمعج 😒)
(عوفيني اتفاخر بنفسي بلحظات الحرية الاخيرة ولج لا توگفيلي على اللگمة 😬)
(عفتج حبيبتي رزون كملي كملي واشصار بعدين 😎)
وگفت السيارة على بعد 10 كيلو متر لا تستغربون عرفت من سرعة السيارة وصوت المحرك مالتها عرفت نوعها النترا بس يا مديل بالضبط معرفت المهم كأنه وگفوا امحطة بانزين اشتم ريحة بانزين نزل بس السايق اتوقع السيارة مظللة لين ممعقولة ابو المحطة ايشوفني بهذا الوضع و ميسوي شيء نصبر وانشوف تاليتها، رجع السايق كمل طريقه بعد مدة تقريبا ساعة من خطفوني ولحد الان صارت ساعتين اني احسب الوقت من صوت الساعة تيك توك تيك توك ، وهم وگفت السيارة بس هاي المرة نزلوا ونزلوني الي على يميني هو الي شالني الحمد لله ما ارتاحيت للحقير الكان على يساري (لا وتشرط الحلوة هذا يعجبها وهذا ميعجبها وينك كيان تعال شوف مرتك 😎) (ولج اسكتي خلي اكمل اتحمست لا كلساع امقاطعتني 😬) وگعدوني على كرسي وربطوا اطرافي بي واني بعدني امثل الاغماء اشتم ريحة اتراب و صوت براميل اكيد هذا مصنع او معمل مهجور اعرف بالمدينة بس معملين او 3 مهجورات الكل طلع من المكان الحطوني بي حتى يتغدون الحقراء واني ميته جوع لو ادري كان اكلت قبل هاي المسرحية 😠.
المركز:
زفينا عمار وبوجهي للمركز لح علي صاحب المركز نجي بسرعة الساعة كانت 5:25م دخلت وصاحب المركز وگف وسلم علينا اني وعمر لين كنا لابسين الزي العسكري و اجينا للمركز گعدنا وجان اكو شاب بالمكتب مالته وگف الشاب بسرعة وگال:
_السلام عليكم ضابط كيان اني جود واريدك بخدمة بسرعة وان شاء الله متردني ما عدنا وكت.
سلمت عليه وگعدنا وكلتله:
-گول خوية جود شمحتاج.
هو گال بسرعة:
_اختي الصغيرة رزان اليوم وصلتها للجامعة ورحت حتى اجيبها وانتظرت ما اجت ورحت للحارس شفته مغمي عليه وغراضها يمه عرفت خطفوها لين وصلتني رساله تهديدية قبل اسبوع انه ايخطفوها واني مهتميت والبارحة هم دزوها واني حققت بالسالفة وطلع صاحب الرساله اخو واحد من الي حاكمتهم وانحكم عليه سجن 13 سنه لين اغتصب بنية وهو سكران واكيد اخوه خطف اختي ارجوك ساعدني صار ساعدتين من خطفوها رجعها ما عندي غيرك بعد رب العالمين لا ايسولها شيء.
اني فرت هاي اشلون ايخطفون من الجامعه هي هيته لو شنو وهذا الحارس الفاهي شنو شغله ما اتحملت بعد وگلتله:
_سالفتك محلولة ان شاء الله ننتظر اتصال منهم هسة.
وگلت لعمر:
_عمر اتجيبلي تسجيلات الكاميرة مال الجامعة بسرعة حتى انشوف السيارة ورقمها لا تتأخر.
عمر:
_بأمرك سيدي.
راح عمر وفجأة اجه اتصال على تليفون جود وگلتله جاوب و خليت المفتش يتعقب الاتصال بسرعة المهم جاوب وشغل اسبيكر و طلع صوت بنيه اويلي يابه شنو من صوت ونعومه شايله استغفر الله اتعوذت من الشيطان وسمعتها ادگول:
_الووو حبيبي جود هذا انت مو؟
جاوب جود وهو واگف وانفعل:
_حبيبتي رزون لا اتخافين وگليلي بهدوء وركزي وياي انتي وين احجي بسرعة.
جاوبت بسرعة:
_يمكن معمل قديم مهجور بالمدينة يبعد 20 كلم او اكثر السيارة النترا بس الرقم ما اعرفه والولد اربعة خطفوني و احد منهم اخو الولد الي حاكمته قبل اسبوع اني اعرف اكو بس 3 معامل مهجورة بالمدينه شوف يا معمل منهم يبعد 20 كلم من الجامعة وبالطريق اكو محطة بانزين راح اسد التليفون لا يجون احاجيك بعدين لا ادگ علي.
وسدته شنو من عقل شايلة شبسرعة جمعت هاي المعلومات لا وبساعتين وتحجي بدون خوف ولا اتوترت المفتش گال بصدمه:
_كل كلامها صحيح و المعمل الي گالت عليه هو معمل زجاج على حدود بغداد.
واجة عمر طاير:
_السيارة النترا والرقم مالها **** والخاطفين اربع زلم شباب واتجاه السيارة لحدود بغداد اتبعت كاميرات البيوت المشت بيها السيارة و المسافة تستغرق نص ساعة اذا سيارة سريعة وساعة اذا بالألنترا بس جان مخلص بانزينها وعبوها من محطة قريبة من الحدود و قريبة من معمل زجاج.
ما انتظرنا اكثر اخذت دوريتين شرطة و اني وجود وعمر بسيارتي وبوجهنا للمعمل ما طولنا نص ساعة لين سيارتي فيراري والشرطة ورانا نص ساعة وصلوا صار اشتباك واقتحمنا المعمل و حبسنا الزلم وره اطلاق نار راح بي مصاب من الخاطفين و البنية ماكو وجود اتخبل وگام يضرب واحد منهم عرفته اخو الولد التحاكم اني وعمر لزمنا جود وسحبناه حقه اخته هاي فجأة سمعنه صريخ بنت برة المعمل ركضنا برة والشرطة لزمت الخاطفين وصعدوهم بالسيارات ، شفت بنية شگلكم ما اتصدگون گمر ونازل گدامي و مجروحه ايدها ورجلها بگزاز تبچي اويلي يابة مو ادموع نار وينهش بگلبي راحلها جود يركض ويگول وهي حضنته رأسا:
_يا عمري هانت يا روحي لا اتخافين اني وياج اهدي اشششش كافي بچي دموعج لهب على گلبي گليلي سوولج شيء؟ اتقربولج لو اذوج؟ احجي يا عمري وكافي بجي.
حجت ورة ما مسحت دموعها وهدأت:
_لا يا عمري شحدهم ايطخون اظفر مني حتى احرگ عشيرتهم ما شفتهم اشلون الگزاز ماليهم الله ياخذهم بس ايدي ورجلي موتني الگزاز ينهش بيهن.
للصراحة وگعت بحبها من اول مشفتها انعجبت بيها مو مرة لا لبوة و اتخرمش خطية الخطفوها شفتهم الگزاز واحد ابرجلة واحد بيدة والثاني بصدرة والأخير بضهرة بس مو جروح قاتلة لا سطحية وين اكو مثل هاي البنية هسة انعجبت بيها بس اذكر وعدي لنفسي قبل سنتين و اتراجع المهم شالها اخوها وخلاها بسيارة الاسعاف ايضمدون جروحها وصلت قبل خمس دقايق و هي لازمة ايد اخوها وضامه راسها بصدره وتون من ايطلعون الگزاز و ايخيطون الجرح غرت صراحة واتمنيت لو اني مكان اخوها اني شجاي اهذي استغفر الله اصحة كيان مو وكتها هسة.
شافنا جود اني وعمر بصفي گال وهو يحاول يهدي اخته بمسحه على راسها:
_شكرا سيدي ما تعرف اجگد اني ممنونلك على وگفتك ومساعدتك أئمرني واني شتريد حاضر.
گلتلة:
_هذا واجبي ماكو داعي للشكر وهسة بما انه ضمدوها وهي زينه نحتاجكم بالمركز ناخذ افاداتكم.
جود وهو يسند اخته ويگول:
_صار بأمرك اتفضلوا خلي نتوكل.
شال اخته لين متگدر تمشي و حطها بسيارتي واحنا ركبنا ورحنا للمركز والطريق كله استرق النظر الها اويلي شنو من اعيون من شفايف من ملامح ناعمة فجأة اجت عينها بعيني خزرتني لا يمعودة مو كافي على گلبي راح ينفجر بس من شوفتج وانوب خزرتي طيرتي عقلي وخرت نظري وركزت بالطريق واني اطرد الافكار الي اجتاحتني استغفر الله.
💙💙💙💙💙💙
وللحكاية بقية
اشلونكم حبايب كيان و رزان عجبكم البارت؟ 😈
بعدكم يا عيني مشايفين شيء الجفايف يجيكم على الجايات بس انتظروا لا تنسوني بالتصويت 👈⭐ و التعليق يا حبايبي 👈💬 اموت عليكم 😘
١٢٥٩ كلمة