اليوم اول يوم بالجامعة اتعرفت على الكل بس اكثر وحدة صديقتي لين دمها خفيف بسرعة تدخل للگلب مر اليوم عادي تعارف و عرفنا المواد المطلوبة و الكتب الي نحتاجها جبتهم وهسة اني انتظر جود حبيبي يجي ياخذني ونرجع للبيت لين السايق مالتنا ميجي السيارة عطلت من جابني الصبح انتظرت نص ساعة واجة حبيبي صعدت وياه وگلي:
_اشلون الدوام اليوم عجبتج الجامعة؟
_اي بعد جامعة بغداد اتخبل واتعرفت على بنية لين حبابة كلش و جبت الكتب الي طلبوها شوف شكبر الواحد هاي من اولها امبينة راح اتعبني.
جود وهو يضحك على تعابير وجهي:
_لعد شعبالج قانون هذا مو لعب بعدين مو بذيج الصعوبة وايشي يصعب عليج اني موجود وادللي.
_يمة فديت اخوي اموت عليك.
_واني اموت عليج يا روحي.
وبسته بخده فديته وهو باس ايدي اني وياه مو بس اخوة لا هو صديقي و ابوي و حبيبي وكلشي بحياتي اسراري عنده واسراره عندي ما انضم شيء على بعض اموت عليه.
المهم وصلنا للبيت اول مدخلنا:
_هلو يا حلوين اشلونكم.
مريم(ام رزان):
_وعليكم السلام حبيبتي زينين هلة بيج.
احمد(ابو رزان):
_وعليكم السلام حبيبتي الحمد لله اكيد تعبانة روحي بدلي وتعالي اتغدي انتظرناكم اترجعون حتى ناكل سوة.
رزان وهي اتبوسهم بخدهم وتحاجي ابوها:
_فديتك حبيبي طيارة ابدل واجي.
جود وهو يدخل:
_السلام عليكم.
مريم و احمد:
_وعليكم السلام ابني.
جود وهو يكعد بصف ابوه:
_يمة شنو الغدة ميت جوع استعجلي بالغدة اروحلج فدوة.
مريم وهي ادگوم للمطبخ:
_صار حبيبي دولمة و برياني ودجاج هسة اصبلكم يخسة الجوع حبيبي روح بدل وتعال تلگة الاكل جاهز.
جود وهو يروح لغرفته:
_صار ما اتأخر.
صبت مريم الغدة واتغدوا و سمعوا الباب يندگ فتحت ام تحسين (الخدامة) الباب واذا ميار و ريم ايدخلن هن وجهالهن :
_السلام عليكم.
احمد و الباقين:
_وعليكم السلام زارتنا البركة تعالو اتغدوا.
ريم:
_يمة دولمة اغسل واجي بقولي.
مريم وهي تضحك على بتها:
_والله ولا عبالك مرة شكبرها و دكتورة وعدها جهال بس اشوف الدولمة تخرب وترجع طفلة مسودنة اشلون متحملها فؤاد.
ميار وهي تگعد بصفهم وتضحك على اختها:
_عوفيها يوم لا اسمعج وادلغم (تزعل) وشيخلصنا بعد.
احمد وهو يبتسم على لمتهم:
_كلشي ولا زعلها ما بينا حيل انصالحها اتضل اشهر متحجي ويانا عوفوها.
ريم وهي تگعد بصف ابوها وجهالها بصفها(عمر، محمد):
_ليش اتظلموني اصلا اني بسرعة ارضى بكلمتين اتقشمروني.
رزان وهي تضحك:
_لا والله معرفتج لعد منو الي اجانا زعلان وفؤاد المسكين ضل ٣ اشهر يتوسل وحار شيسوي حتى ترضين وترجعين وياه بالله ليش لين ريم خانم ما رادت رجلها ايروح لعرس ابن عمه لين البنات ما ايعوفنه بحاله.
ميار وهي تبتسم:
_حقها رجلها وادغار عليه وهي مناقصها لا شغل ولا جمال ما شاء الله تضرب ١٠٠مرة بجمالها.
جود وهو يبتسم بخبث:
_هاذا منو حجة بالله ما عرفت ست ميار ام اعيون الزرق تمدح بغيرها لا والله اكو شيء.
ميار واتمثل الزعل:
_وليش بالله ما امدحها وهي اختي وما مكذبه شو شگرة وعيونها زرق على امي و ملامحها اتخبل و شخصيتها عسل عندك شك يا سيد جود؟
جود وهو يضحك:
_لا ما اشك ست ميار فديتها اختي اتخبل بعدين كلچن اتخبلن وحدة احلى من الثانية وتعال يا گلبي اتحمل و احميهن من العيون مو موتني واني بعدني بشبابي وين اضمچن.
ريم بخجل وتبتسم:
_اشوكت اتسكتون خلوني اعرف اكل بسلام واتهنا بدولمة نبع الحنان صار شهرين مضايگتها.
رزان وهي تضحك:
_شوفوها صارت حمرة راح تنفجر من الخجل يمة فديت الخجول اكلي اكلي محد يحجي بعد.
احمد و ريم وهم ميتين ضحك على سوالفهم:
_اكلوا كافي سوالف بعدين احجوا.
هاي نبذة من حياتي اخليكم وية حبيب الگلب شوية الك القلم 😘
خوش من اذكرتي گلت مراح تطيني مجال😒
الكاتبة(انتم ما اسكتون اشوية اتخلصوها بس عرك)
كيان(انتي بالذات لا تحجين انطيني القلم وروحي خلي اكتب لليحبوني نبذة عني واخذي رزان وياج راح اتضل تحجي)
رزان(لا والله منو ال.....)
الكاتبة(اخذتها احجي عيني رايحين)😇
اليوم رجعت من المركز هلكان نسيت اگلكم اني ضابط وضال بين الشغل و المضيف وية جدي و بوجهي للمضيف عدنا طلابة وجدي رادني وياه نص ساعة وصلت ودخلت عليهم:
_السلام عليكم.
الكل:
_وعليكم السلام والرحمة.
گعدت بصف جدي وجانت الطلابة انه واحد يريد يفصل ابن اخو لين معتدين عليه و ضاربي و ضاربين سيارته بدون سبب اني فرت شنو من ولد اخ ذول هيج ايسون بعمهم بس اتمالكت اعصابي وسمعت للأخير وجدي گلي ششوف ابني گلتلة على صفحة وحنا نحجي وية ابو الطلابه:
_افصلهم بفلوس و اعتذار منهم گدامنه لين ايضلون ولد اخوك من دمك و المبلغ ٥ ملايين واتصيرلهم كسرة خشم لو غربه يختلف الحچي.
جدي عجبه اقتراحي و الرجال هم و گال:
_اني ما محتاج افلوسهم وهم فقرة مو گد ٥ ملايين مليون تصليح السيارة كافي وزايد بس يعتذرون رد لكرامتي واني بعمر ابوهم.
جدي كال:
_وهذا الي حيصير اتفضلوا نرجع ونگللهم.
المهم گلنالهم واعتذروا وباسوا راسه و اخوه اعتذر منه على تصرف ولده و گله الي تريده يجرالك والمليون اليوم گبل باجر يمك.
اتفقوا واطوه المليون وراحوا واحنا دخلنا للبيت احنا عايشين ابيت واحد وية جدي مقبل نطلع و البيت كلش جبير و المضيف ما يبعد عن البيت هم جبير و خير من الله اجو اخواني من شغلهم ومنتضرين مرام ترجع من الجامعة بس السايق اجاني يركض خفت رحتله بسرعة وحجيت:
_خيرك ابو علي شبيك ليش مرحت جبت مرام.
ابو علي وهو يحاول ايجر نفس:
_والله يا شيخ اسف بس السيارة عطلت و متصلح وخفت اتأخر على الانسة مرام اجيت اخذ سيارتك واروح اجيبها.
ارتاحيت واتنفست الصعداء عبالي صار لمرام شيء گلتله:
_مصار شيء ابو علي روح صلح السيارة واني اجيب اختي.
ابو علي:
_بأمرك شيخ.
راح ابو علي واني اخذت مفاتيح السارة وگلتلهم اروح اجيب مرام وبوجهي للجامعة مسافة نص ساعة وصلت وانتظرت بصف السيارة واني بالزي العسكري مالتي ملحگت ابدل و اشوفلكم البنات كلها صافنة علي وهاي الي تضرب بالثانية سمعتهن يحجن:
_شوفي اجگد صاك انيالها الي منتظرها اريد واحد مثله فديته حتى وهو يخزر ايموت.
والثانية ادگول:
_مو مهم اذا منتظر مرته او خطيبته عادي اصيرله الثاني بس خلي يباوعلي اموت على الصاكين وانوب عسكري.
لعبت نفسي من كلامهن اجگد سخيفات ما اهتميت و لمحت مرام من بعيد هي وصديقتها علياء لا تستغريون اعرف كلشي عن مرام متضم علي شيء واعرف صديقتها اتحبني وما مهتملها اجت مرام فتحتلها باب السيارة وصعدت وهي تبتسملي بادلتها و سديت الباب وصعدت لمكاني واسوق للبيت وحجيت:
_اشلون الجامعة وياج اتعودتي عليها؟
مرام وهي تبتسملي:
_اي اتعودت بسرعة و حبيتها اتخبل غير عالم بس شوف الكتب اشكبر الواحد شراح يحفظهن.
ابتسم على حنزرتها بس اتخنزر على الكتب:
_اعرفج شاطرة وگدها ومينخاف عليج ومتأكد راح اتصيرين اشهر محامية و اقدرهن لذلك ما شايل هم.
مرام ورة ما باست خده:
_يمة فديتك اخوي حبيبي اموت عليك يا شيخ الشباب راح اكون مثل ما تتمنى ادلل.
ضحكت على تصرفها وگلت:
_واني اموت عليج اشكم مرام عندي بس اطلبي وادللي وكلشي تلگي گدامج.
ابتسمت و بست ايدها اموت عليها لا تستغربون صحيح شيخ وعصبي وما اقبل على الغلط بس اخواني وخصوصاً مرام غير هذول تربايتي و روحي من الدنيا و مرام مو بس اختي لا هاي بنتي و حبيبتي و صديقتي و كلشي بحياتي اشوف ابوي بيها هي نسخه منه اموت عليها وصلنا للبيت و قبل لا اروح لغرفتي گلت لأمي:
_يمة ميت من الجوع صبيلي اني ومرام اذا انتم متغدين.
سماح(ام كيان):
_لا حبيبي بعدنا منتظرينكم روح بدل وتعال وتلگة الاكل جاهز وانتي مرام ركض بدلي وانزلي.
مرام وكيان:
_صار يمة.
رحنا اني ومرام كلمن لغرفته غرفنا وحدة بصف الثانية و اخذت حمام سريع وبدلت دشاشة بيج ما لبست غترة لين بالبيت نزلت كلهم گاعدين منتظريني و اتغدينا و اسوالف جانبية و ضحك وحاجاني جدي وگال:
_ابني باجر عرس ابن صديق ابوك عمار وعزمني واني ما اكدر اروح لبغداد عندي طلابة لازم احلها روح انت مكاني واعتذلي منه.
كيان:
_امرك شيخ اليوم بليل اطلع لبغداد واوصللهم باجر ان شاء الله واني هم عندي شغل بالمركز هناك وامر عليهم واباركلهم.
سماح:
_بنتي مرام جهزي جنطة اخوج وملابسه حتى لا يتأخر.
مرام بهدوء:
_صار يمة.
💙💙💙💙💙
وللحكاية بقية 😎
اشلونكم حبايبي اتمنى عجبكم اول بارت اتمنى تدعموني ولا تنسوني بالتصويت 👈⭐ ولا تبخلون علي برأيكم وتعليقاتكم 👈💬 احبكم و ادعموا كيان و رزان بحبكم 😘
١٢٥٤ كلمة